Rɔmu minin 2:21 - LAWA A BOO SONBORE

²¹ Haya kəni! Nsɛ mɛn bɛ́ min kɔsɔn darɛɛ, wàa na á baa n ba n din darɛɛ wa? Ma n minin darɛɛ, mà ǹ baran wurumu baa wa, n din dɔ n biɛ.

LAWA A BOO SONBORE 2011

²¹ Haya kəni! Nsɛ mɛn bɛ́ min kɔsɔn darɛɛ, wàa na á baa n ba n din darɛɛ wa? Ma n minin darɛɛ, mà ǹ baran wurumu baa wa, n din dɔ n biɛ.

Rɔmu minin 2:21 Iomraidhean Croise

Izayii 42:20

Nsɛ, Izirayeli a zaman, n sii gigiã yɛ, sɛnɛ n nə n yiri koa màn kɔn li wa. N nə́ n toon bũ, sɛnɛ n boo kɔn ma wa.

Izayii 56:11

Maǹ kuruun lɛa, ǹ ba màn kɔn toɛ wa. Ǹ ba kiɛ̃ wa. Wɔlɔ-lɛduə̃lin manɛ, ǹ ba sii kɔn giala miɛ wa. Maǹ nə ǹ dinin foo siin zɛnɛɛ. Ǹ didie n giɛ a din a là li.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Matiə 21:13

Á tɔ́n pɛ ǹ nɛ: – A tá kiɛ̃-n Lawa a boo ne: «Masɛ a kion lɛ n die n bíi Lawa nyankɔ ǹ kion.» Sɛnɛ, kasɛn nə́ ke ka baa wurumunun duru ǹ yala lɛa!

Luku 11:46

Yezu ná a lɛ si: «Ka dɔn wɔ n ka bɔ̀n nɛ, kasɛn landa sii-daraalin lɛn. Bɛ̀ ka tá landa siin lɛn pii, a n ka guĩ gugurun mɛnɛn bɛ́, min ba boe la wa, ka n yii diɛ minin mìi ni, ka dininmaan ba n doe ǹ lɛ boɛɛn nɛ kɛnɛn dinin ka gũ wa.

Luku 12:47

Bɛa dí-nyali kɛ lɛ, á goã a dɛnaagiĩ foo sii doɛ̃, a ná a màn kɔ́n dɔ zɛnaa a yɔrɔ li wa, a dɔlɔ á re gole koe.

Luku 19:22

Á pɛ a dɔ nɛ mà dí-nyali naarɛ ke, mà asɛ n die kiri kuri la, a kɔnpɛ a din lɛ gɔ́ɔ̃ ǹ boon ne. Mà táa á dɔ̃ mà asɛ n min kakaarɛ lɛa, mà asɛ màn mɛn koa wa mà asɛ n bɛ siɛ, asɛ màn mɛn da wa asɛ n bɛ kuri.

Luku 4:23

Yezu tɔ́n pɛ ǹ nɛ: «Ma á doɛ̃ máa ka ǹ die suusu kɛ lɛ diɛ masɛ ganaa: Dagòã-dali, n din a busu nya bɔrɔ. Siin mɛnɛn yii nə n zɛnaa Kafaranaamu kiwi, wɔ́ ǹ ma, bɛ lɛ miã dɔ zɛnaa n din a piɛ kəni.»

Korɛnti1 9:27

Man ma din gɔ̀nɔn kuĩ doɛ̃, ma ná a lɛduĩ kaka, ń giɛ, ma din nyan goã kooro, maa minin daraa kɛ kio wa.

Galaasi minin 6:13

A giala, ǹ dinin mɛnɛn bɛ́ n kuri, ǹ ba dí-pɛn lɛsii wa. Bɛ din tumaa kio, maǹ zoɛ̃ mà ǹ ka kaa kurii ganaa, màn mɛn bɛ́ toɛ, ǹ nyaǹ mɛn da ka gɔ̀nɔn ganaa, ǹ nə n dinin laakalaa bɛa lɛa.