Rɔmu minin 2:12 - LAWA A BOO SONBORE

¹² Min mɛnɛn nə sii baraa zɛnaa, bɛ̀ ǹ nə́ ǹ ba Lawa a dí-pɛn lɛn siére-a wa, kiri n die n kuri bɛn la, ǹ gã bɛ̀ dí-pɛn gòɛ̃ ná a ba a-n wa. Sɛnɛ, Zuifun mɛnɛn bɛ́ Lawa a dí-pɛn kɛn doɛ̃, ǹ nə́ n tã la ǹ nə́ sii baraa zɛnaa, kiri n die n kuri bɛn la ka dí-pɛn lɛn nɛ.

LAWA A BOO SONBORE 2011

¹² Min mɛnɛn nə sii baraa zɛnaa, bɛ̀ ǹ nə́ ǹ ba Lawa a dí-pɛn lɛn siére-a wa, kiri n die n kuri bɛn la, ǹ gã bɛ̀ dí-pɛn gòɛ̃ ná a ba a-n wa. Sɛnɛ, Zuifun mɛnɛn bɛ́ Lawa a dí-pɛn kɛn doɛ̃, ǹ nə́ n tã la ǹ nə́ sii baraa zɛnaa, kiri n die n kuri bɛn la ka dí-pɛn lɛn nɛ.

Rɔmu minin 2:12 Iomraidhean Croise

Matiə 11:22

Bɛ lɛ taman yii, masɛ n pii ka nɛ, kiri kurii pinaa, kaa dɔlɔ á die gole koe á la Tiiri minin laanka Sidɔn minin wɔ nɛ.

Matiə 11:24

Bɛ lɛ taman yii, masɛ n pii ka nɛ, kiri kurii pinaa, kaa dɔlɔ á die gole koe á la Sodɔmu minin wɔ nɛ.»

Zaã a sɛ́wɔ 19:11

Yezu tɔ́n pɛ nɛ: «N ba boe la n sii kɔ́n zɛnaa masɛ nɛ, bɛ̀ Lawa ná a lɛ kɔ n la wa. Bɛ lɛ din taãn na á toa, min mɛn ma wɔ n gɔn, bɛa sii baraa á gole a mìi ni á la nsɛ wɔ nɛ.»

Nya ǹ dín 2:23

sɛnɛ, ká n tã, ká toa Lawa doɛ̃ baãnaan nə́ dere gɔn ganaa ǹ nə́ dɛ. Sɛnɛ, Lawa din na á saa lɛlɛ á bɛ yɔrɔ bɔ á koa.

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Rɔmu minin 4:15

Lawa a dí-pɛn lɛn man dɔlɔ diɛ min mìi ni, a giala, dí-pɛn bɛ́ ǹ ba bǎã mɛn nɛ wa, dí-pɛn bɔlɔ-tii dɔ banban.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Korɛnti1 9:21

Min mɛnɛn bɛ́ Muizu a Landa goã ǹ li wa, má goã kun ka bɛn dɔn nɛ, ka ma dɔ n ma a Muizu a Landa lɛ doɛ̃ wa, màn mɛn bɛ́ toɛ, ma gɔn dɔ ǹ ganaa. A da yaa, ma bie Lawa a landa-zɛnaali baãnaa lɛa wa; a giala, maa landa n ka Krita nɛ.

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 3:22

Sɛnɛ, Lawa a sɛ́wɔ pɛ, mà kanaa minbuiin tumaa n sii baraa pàã giulun. Màn mɛn bɛ́ toɛ, Lawa a lɛ-kɔ ǹ sii lɛ nə n zɛnaa goleemali wolen ne, ka golee Yezu Krita li barka nɛ.

Timəə dí-pɛn 27:26

Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Zaaki 2:10

Sonbore ne, bɛ̀ min mɛn Lawa a dí-pɛn kɛn goon din sɔɔ̃ ziziɛ̃, a zɛ̀rɛ n ka ǹ tumaa nɛ, haalɛ ta a ná a gialakunun kɛn tumaa tamaa.