Rɔmu minin 2:10 - LAWA A BOO SONBORE

¹⁰ Sɛnɛ, min woo min tá sii bǐɛ̃ zɛnɛɛ, Zuifu ni ka min mɛn dɔ bɛ́ a ba Zuifu lɛa wa, Lawa á re gugurubaa laanka tɔ sonbore koe bɛa dɛnaa la, ka là nyantoro ne.

LAWA A BOO SONBORE 2011

¹⁰ Sɛnɛ, min woo min tá sii bǐɛ̃ zɛnɛɛ, Zuifu ni ka min mɛn dɔ bɛ́ a ba Zuifu lɛa wa, Lawa á re gugurubaa laanka tɔ sonbore koe bɛa dɛnaa la, ka là nyantoro ne.

Rɔmu minin 2:10 Iomraidhean Croise

Zɔbu 22:21

A bɛ́ miɛ̃, wusoo n kaa kun ka Lawa nɛ, là nyantoro goã ka biin ni. Bɛ̀ ń bɛ zɛnaa, á re wusii a yii-nyɛɛ kɔ n la.

Loen 15:2

Min mɛn a tɔ wɔ ǹ gɔn bɛ́ pepere, a n sii pepere zɛnɛɛ, a n sonbore pii ká a bɛ́ taasɛ lɔn, bɛa dɛnaa nɛ.

Loen 29:11

Dɛnaa Lawa din tá re pàã koe a minin kɛn la, Dɛnaa Lawa din tá re a minin kɛn gɛrɛsiɛ boe, a là nyantoro kɔ ǹ la.

Loen 37:37

Min mɛn gɔ́ɔ̃ bɛ́ fu, a n min pepere lɛa, min mɛn bɛ́ giɛ là nyantoro li, bɛa dɛnaa tɔrɔn tá re goɛ̃.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Suusun 8:18

Ma din ni naforo koe, ka gugurubaa nɛ. Gɔn màn mɛn bɛ́ beleboe, ma din nə bɛ dɔ koe.

Izayii 26:12

Dɛnaa Lawa, n din nə là nyantoro koe wɔ la. Wɔ sii mɛn tumaa lɛ bɔ, n din nə ǹ tumaa lɛ piɛ̃.

Izayii 32:17

Peperebaa a dí n die goɛ̃ ka là nyantoro ne. A din nə die ka yiri-giã nɛ ka yii nyɛɛ nɛ.

Izayii 48:18

Bɛ̀ ma n nə́ n yiri koa maa dí-pɛn kɛn li, bɛ̀ n yii-nyɛɛ n goɛ̃ ka tà mu bɛ́ lɔn, n peperebaa goã ka yìsi mu gole bɛ́ lɔn,

Izayii 48:22

Sɛnɛ, Dɛnaa Lawa pɛ: «Yii-nyɛɛ banban min baraan wɔ lɛa wa.»

Izayii 55:12

Ka á re soe *Baabilonii ka foo kɔɔ̃n nɛ, ǹ wusoo ǹ wo ka-n piɛ ka là nyantoro ne. Kelen laanka tentenen tá re n nyɛnyɛɛ ka ganaa zii la ka foo kɔɔ̃n nɛ. Don a dan tumaa á re n gɔn dii ka ganaa.

Izayii 57:19

Ma á re foo kɔɔ̃nbaa ǹ loe we ǹ lɛ-n. Min mɛnɛn wɔlɔ bɛ́ sɔsɔɔ, ka min mɛnɛn wɔlɔ bɛ́ kunu foɛɛ̃ nɛ, yii-nyɛɛ n bɛn wɔ lɛa. Hiĩ, man die maa zaman lɛ kaka koe. Dɛnaa Lawa mà miɛ̃!

Zeremii 33:6

Sɛnɛ, ma á re dagòã diɛ ǹ ganaa, ma ǹ kaka kɔ, ma á re là nyantoro taãn-taãn koe ǹ la ka bɔlɔ goondɛnaabaa nɛ.

Minin nimi 6:26

Dɛnaa Lawa yii die a goã ka la, a là nyantoro kɔ ka la.»

Matiə 10:13

Bɛ̀ bɛa kion lɛ a minin doamaa-n ka là nyantoro ne, kaa fòo diɛ kɛ lɛ lɛ si ǹ ganaa; sɛnɛ, bɛ̀ ǹ doamaa bie-n wa, ka n moɛ̃ ka kaa là nyantoro fòo diɛ nɛ.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Luku 12:37

Bɛa dɛnaagiĩ lɛ a dí-nyalin mɛnɛn bɛ́, á re die yiɛ ǹ yii n koo, bɛn foo á re kɔɔ̃n koe. Sonbore, masɛ n pii ka nɛ, dɛnaagiĩ lɛ din nə die n yɔrɔ boe, a ǹ dininmaan kaa tán, a màn-bii kɔ ǹ la.

Luku 19:42

Á pɛ: «Zeruzalɛmu kiwi, màn mɛn bɛ́ là nyantoro koe n la, toa bɛ̀ n dɔ n bɛ giala miɛ kooro dinin pelo! Sɛnɛ, sisia, bɛ á durii ni n ganaa, n ba boe la n yɛ wa.

Luku 22:14

Biikoo bɛ́ á dɔ, Yezu daa giã tán màn-bii la, a dia dí-a wolen lɛn nə́ kun ni.

Luku 9:48

á pɛ ǹ nɛ: «Bɛ̀ min mɛn lɛ kɔ, á nɛnyaan kɛ miã kũ doɛ̃ masɛ tɔ taman yii, bɛa dɛnaa na á lɛ kɔ masɛ din ganaa. Bɛ̀ min dɔ lɛ kɔ masɛ-a, bɛa dɛnaa na á lɛ kɔ masɛ a dia wole ganaa. A giala min mɛn bɛ́ n din kiɛɛrɛ koe ka bii, bɛa dɛnaa lɛ n gole ka tumaa nɛ.»

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 14:27

Man là nyantoro koɛ ka li, ma din a là nyantoro ne. Kanaa bɛ́ là nyantoro koe lɔn, masɛ wɔ kɛ bie miɛ̃ wa. Ka yiri baran n lɔlɔkɔn doo wa, ka baran nyɛ́ɛ baa doo wa.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Nya ǹ dín 10:35

Gána din tumaa dɔ nɛ, min woo min, a n nyɛ́ɛ biɛ Lawa yii ni, a n sonborebaa zii tɔ we, Lawa n lɛ koe bɛa dɛnaa ganaa.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 2:9

Lawa n die nɔmaa baraa gisĩ sii baraa-zɛnaalin tumaa la, Zuifun man bɔrɔ, ka min mɛnɛn dɔn bɛ́, ǹ ba Zuifun lɛa wa.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 8:6

Taasiɛ doa gɔ̀nɔn foo siin ganaa n woe min diɛ gɛ̀ nɛ. Taasiɛ doa Lawa a Yiri Fu dùũ siin ganaa n woe min diɛ nyin nyabaã laanka là nyantoro ne.

Rɔmu minin 9:21

Màn mɛn bɛ́ kɔɔ̃n dɔnɔn-bɔle ganaa, a n bɛ zɛnɛɛ ka gì ni. A n boe la a dɔn kɔ́n zɛnaa, a nyaǹ kaa a ganaa, a ǹ kɔ́n dɔ zɛnaa dɔn kooro lɛa.

Rɔmu minin 9:23

Min kɔsɔn dɔn tan, Lawa n die makara boe bɛn ganaa. Bɛn laan mà maǹ yii kanaa dinin, bɛ̀ Lawa ná a yɔrɔ bɔ, mà ǹ tá re ǹ wɔ gii yii a din a gugurubaa kɛ nɛ. Lawa n die a din a gugurubaa kɛ a golebaa nyɛɛ wɔ dinin lɛn manɛ.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Filipi minin 4:7

Là nyantoro mɛn bɛ́ á kiɛ̃ minbuiinin doɛ̃ tumaa la, Lawa á re bɛ koe ka la, á re ka foo laanka ka yiri lɛduĩ Yezu *Krita wɔbaa gɔ́ɔ̃ nɛ.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Ebrəə 2:7

Ń ná a kiɛɛrɛ kɔ á la lon a dia dí-a wolen manɛ, ń gugurubaa laanka siĩnbaa kɔ la,

Zaaki 2:22

Táa ń yɛ: Goleemali laanka a zɛnaa ǹ siin lɛn man nə́ goã dí nyɛɛ kun. Zɛnaa ǹ siin lɛn man nə́ goleemali lɛ lɛ pã.

Zaaki 3:13

Die n sii doɛ̃ ka bii, yiri ná a lon? Bɛa dɛnaa na a sii-doɛ̃ lɛ nyaa ka a tɔ wɔ ǹ gɔn sonbore ne, ka din-gisiĩ ni a zɛnaa ǹ siin gɔ́ɔ̃ nɛ.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Piɛrɛ1 5:4

Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.