Rɔmu minin 16:4 - LAWA A BOO SONBORE

⁴ Maa kirisibaa a lɛa, ǹ nə́ lɛ kɔ ǹ nə́ sii zɛnaa, ǹ dinin nyin nə́ boe la, a goã sii mɛn nɛ. Masɛ dinsɔɔ̃ bie bɛa bǐɛ̃ kɛ doɛ̃ ǹ nɛ wa, Lawa a sɔmɔ minin mɛnɛn bɛ́ tɔrɔ kɔsɔn lɛa, bɛn dɔn man bɛa bǐɛ̃ lɛ doɛ̃ ǹ nɛ.

LAWA A BOO SONBORE 2011

⁴ Maa kirisibaa a lɛa, ǹ nə́ lɛ kɔ ǹ nə́ sii zɛnaa, ǹ dinin nyin nə́ boe la, a goã sii mɛn nɛ. Masɛ dinsɔɔ̃ bie bɛa bǐɛ̃ kɛ doɛ̃ ǹ nɛ wa, Lawa a sɔmɔ minin mɛnɛn bɛ́ tɔrɔ kɔsɔn lɛa, bɛn dɔn man bɛa bǐɛ̃ lɛ doɛ̃ ǹ nɛ.

Rɔmu minin 16:4 Iomraidhean Croise

Samayeli2 22:41

N din nə toɛ maa zɔ́ɔn lɛn tá baa sii ma nyɛɛnɛ. Min mɛnɛn bɛ́ ma biɛ zɔ́ɔ, ma á re bɔ̀n diɛ bɛn-a.

Misee 2:3

Bɛ lɛ na á toa, masɛ Dɛnaa Lawa á kɛ pii: Á ke, ma bɛ́ re sii mɛn diɛ kasɛn kɛn miãn tɔrɔ mìi ni, ka a re boe la ka n sɔlɔ a-n wa. Ka a re boe la ka tɔ wɔ ka mìi n lon wa, a giala, a n die goɛ̃ biikoo babaraa lɛa.

Zaã a sɛ́wɔ 15:13

Min na a din nyin kɔ a giaáran lɛa, kɔn-narɛɛ kɔ́n kiɛ̃ bɛ la wa.

Nya ǹ dín 15:26

min mɛnɛn bɛ́ ǹ nə́ n dinin kɔ wɔa Dɛnaa Yezu *Krita kɛ tɔ a lɛa.

Nya ǹ dín 15:41

Á Siirii gána wɔsɔ ka Siliisii gána nɛ, á Lawa a sɔmɔ minin foo taã mà ǹ goã golee Lawa li gɔ́ɔ̃ nɛ.

Nya ǹ dín 16:5

Màn na á goã miɛ Lawa a sɔmɔ minin lɛn golee Lawa li li woe nyɛɛnɛ, bɛ̀ min kɔsɔn dɔn tá miɛ ǹ dinin li baraabaraa.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 16:3

Ma á fòo diɛ Prisili laanka Akilaasi ni. Maǹ ma miã dí nya kun wolen lɛa Yezu *Krita a dí lɛ nɛ.

Rɔmu minin 16:5

Lawa a sɔmɔ minin mɛnɛn bɛ́, n lɛ soe kɔn Prisili laanka Akilaasi lɛ a kion, ma á fòo diɛ bɛn dɔn manɛ. Ma á fòo diɛ ma dɔɔ̃n Epenɛti sonbore kɛ nɛ, a din na á lɛ kɔ Krita ganaa bibinaanɛ Azii gána nɛ.

Rɔmu minin 5:7

Die foo n die taɛ̃, a lɛ kɔ a gã min kɔsɔ a lɛa, haalɛ ta bɛa min lɛ din nə zɛ̀rɛ baãnaa lɛa? Kɔntan bǐɛ̃-zɛnaali sonbore kɔ́n a lɛa, minin tá yii ǹ lɛ kɔ gɛ̀ ganaa.

Korɛnti1 16:1

Ka bɛ́ dɔmalɛ ǹ màn mɛn boboe Zeruzalɛmu a Lawa a sɔmɔ minin lɛa, bɛa boon man ke ma á re diɛ ka nɛ. Má a yɔrɔ nyaa Galaasin Lawa a sɔmɔ minin ni lɔn, ka dɔn nə kɔ lɛ ka zɛnaa miɛ̃ sɔnbɔraanɛ.

Korɛnti1 7:17

Bɛ din tumaa kio, Dɛnaa din na á didie koa gɔn kɔ́n la. A bɛ́ á n bíi ǹ mɛn pinaa, á daa n yaa gɔn mɛn lɛ la ke, n dɔ giã bɛ lɛ la. Man Lawa a sɔmɔ din tumaa darɛɛ bɛ lɛ ganaa.

Filipi minin 2:30

A giala, á baa re giɛ̃ Krita a dí kɛ a nya gɔ́ɔ̃ nɛ; ka dia dɔmalɛ mɛn koe ma la, ka dinin nə́ ka a boe la ka á die-n wa, a nyin baa re goɛ̃ bɛ gɔ́ɔ̃ nɛ.

Tesaloniki1 2:14

Sonbore, dɔɔ̃nɔn lɛn, Lawa a sɔmɔ minin mɛnɛn bɛ́ Zudee gána nɛ, golee-n Yezu Krita li, ka ǹ ká kɔ bɛn gòɛ̃ lɛ. Bɛn nə nɔmaa mɛn wɔ ǹ dinin tɔrɔ Zuifun gɔn, ka dɔn man ka bɛa nɔmaa lɛ miã wɔ ka dinin tɔrɔn gɔn;

Zozoe 10:24

Ǹ bɛ́ ǹ nə́ ǹ waa ǹ nə́ daa ǹ kɔ Zozoe la, Zozoe tɔ́n lɛ dia Izirayeli minin lɛn tumaa la. Zia-baalin goledɛnan mɛnɛn nə goã ǹ nə́ tɔ wɔ ǹ nə́ woo kun ni, á tɔ́n pɛ bɛn manɛ: «Ka n zɔ̃ ka da kànaa, ka n gòãn kaa kiin kɛn wìi la.» Ǹ nə́ n zɔ̃ ǹ nə́ dɔ, ǹ nə́ n gòãn kaa ǹ wìi la.

Zaã1 3:16

Kɔn-narɛɛ bɛ́ màn mɛn lɛa, wɔ ǹ doɛ̃ kɛ lɛ li: Krita na á n din nyin kɔ wɔa lɛa. Wɔ dɔn doamaa nɛ wɔ n nyin kɔ wɔ dɔɔ̃nɔn lɛa.

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.