Rɔmu minin 15:3 - LAWA A BOO SONBORE

³ Sonbore, *Krita dinmaa lɛ bie á ga a dùũ siin li wa. Sɛnɛ, ká a bɛ́ á n kiɛ̃ lɔn: «N sɔ kɔma a wolen sɔ na á dɔ masɛ ganaa.»

LAWA A BOO SONBORE 2011

³ Sonbore, *Krita dinmaa lɛ bie á ga a dùũ siin li wa. Sɛnɛ, ká a bɛ́ á n kiɛ̃ lɔn: «N sɔ kɔma a wolen sɔ na á dɔ masɛ ganaa.»

Rɔmu minin 15:3 Iomraidhean Croise

Loen 69:20

N tá doɛ̃, mà maǹ sɔ kiɛ ma la, ǹ nə́ ma puusə koe, ǹ nə́ sìi diɛ ma ganaa. N din yii tá maa zɔ́ɔn lɛn tumaa ganaa, n yɔrɔ-a.

Loen 69:9

N din a lɛa nɛ dɔn, ma á tii lɛa ma dɔɔ̃nɔn gɔn, ma á min kɔsɔ lɛa ma din dannɛn gɔn.

Matiə 10:25

A dàn nɛ kialandɛnaa nə n baa ka a mìilandɛnaa bɛ́ lɔn, dí-nyali nə n baa ka a mìinaa bɛ́ lɔn. Bɛ̀ n nə́ kɛdɛnaa din bíi mà *Sɛtaan, ǹ bɛ́ re tɔn mɛnɛn koe a kion minin ganaa bɛn tá baraa!

Matiə 26:39

Á n zɔ̃ á woo nyɛɛn boɛɛn nɛ, á na á kaa tán-a, á n mìi kuməə, á Lawa nyankɔ bɛ̀ a n pii: «Maa Díi! Bɛ̀ n tá boe la n zɛnaa, n là-paparɛɛ kɛ wɔlɔ lui ma ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.»

Matiə 26:42

Á n zɔ̃ á n bɔ ǹ ganaa doo, ka a gunyin paabaa ǹ wɔ nɛ, á Lawa nyankɔ bɛ̀ a n pii: «Maa Díi, bɛ̀ masɛ á boe la ma kanbaa là-paparɛɛ kɛ lɛ-a wa, n din foo sii nə n zɛnaa!»

Matiə 27:44

Ǹ mɛnaa minin la wole min paa mɛn dɔ dere gɔnɔn ganaa a li, bɛn dɔn man nə́ goã sɔ kiɛ la miɛ̃.

Zaã a sɛ́wɔ 15:10

Bɛ̀ min mɛn tá masɛ a boo sii, bɛa dɛnaa á re goɛ̃ masɛ a kɔn-narɛɛ gɔ́ɔ̃ nɛ, ka masɛ bɛ́ má maa Díi a boo si lɔn, má n giã nɛ a kɔn-narɛɛ gɔ́ɔ̃ nɛ.

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Zaã a sɛ́wɔ 4:34

Yezu tɔ́n pɛ ǹ nɛ: – Min mɛn masɛ dia, bɛ̀ má bɛ lɛ foo sii zɛnaa, a ma dia dí mɛn ganaa, bɛ̀ má bɛ nya má a lɛ pã, a n goon ka man má màn bii.

Zaã a sɛ́wɔ 5:30

«Maa boe la ma sii kɔ́n zɛnaa ma din ganaa wa. Lawa bɛ́ màn mɛn pii ma nɛ, man kiri kuri á kɔnpii ka bɛ lɛ nɛ. Maa kiri wɔ ǹ gɔn lɛ á pepere, a giala, ma bie giɛ ma din foo sii li wa, min mɛn bɛ́ á ma dia, man giɛ bɛ lɛ foo sii li.

Zaã a sɛ́wɔ 6:38

A giala, ma bie má n toa lon má gisĩ ma din foo sii zɛnaa a lɛa wa, min mɛn bɛ́ á ma dia, man má daa bɛ lɛ foo sii zɛnaa.

Zaã a sɛ́wɔ 8:29

Min mɛn ma dia, a tá kun ka ma nɛ. A ma toa ma dinsɔɔ̃ wa, a giala, ma tá a foo sii zɛnɛɛ biikoo tumaa waáraa.»

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Filipi minin 2:5

Ka toa Yezu Krita din a taasiɛn nə goã ka bii.

Filipi minin 2:8

Á lɛ kɔ, á n din boɛɛn kɔ, á lɛ si yǎa á dɔ a gɛ̀ ganaa, á gã gɔn ganaa dinin.