Rɔmu minin 13:4 - LAWA A BOO SONBORE

⁴ Goledɛnaa lɛ n dí nyɛɛ Lawa nɛ, màn mɛn bɛ́ toɛ, a n da bǐɛ̃ zɛnaa ganaa. Sɛnɛ, bɛ̀ n tá sii baraa zɛnɛɛ, n doamaa nɛ n nyɛ́ɛ baa pàãdɛnaa nɛ, a giala, dɔlɔ bɔ ǹ pàã lɛ bie a gɔn kooro wa. A n Lawa a dí-nyali lɛa, á Lawa a foo-yoo ǹ dɔlɔ diɛ sii babaraa-zɛnaalin mìi ni.

LAWA A BOO SONBORE 2011

⁴ Goledɛnaa lɛ n dí nyɛɛ Lawa nɛ, màn mɛn bɛ́ toɛ, a n da bǐɛ̃ zɛnaa ganaa. Sɛnɛ, bɛ̀ n tá sii baraa zɛnɛɛ, n doamaa nɛ n nyɛ́ɛ baa pàãdɛnaa nɛ, a giala, dɔlɔ bɔ ǹ pàã lɛ bie a gɔn kooro wa. A n Lawa a dí-nyali lɛa, á Lawa a foo-yoo ǹ dɔlɔ diɛ sii babaraa-zɛnaalin mìi ni.

Rɔmu minin 13:4 Iomraidhean Croise

Kiin1 10:9

Barka á Lawa, Dɛnaa Lawa lɛ ganaa, kɛ lɛ á bǐɛ̃ kɔ n ganaa, á n da Izirayeli a kiibaa la. A giala Izirayeli sii n kɔɔ̃n Dɛnaa Lawa ganaa duduu, bɛ lɛ na á toa á n koa kii lɛa mà n minin sii yɔrɔ bɔ, n sii pepere nya ǹ nɛ.»

KZS2 19:6

Á pɛ ǹ nɛ: «Ka yiri bɔ kaa zɛnaa ǹ siin li. A giala, ka bie re kiri we ka minbuiin nɛ tɔ-n ma, sɛnɛ, ka Dɛnaa Lawa tɔ nɛ. Á re goɛ̃ kun ka nɛ kiri kurii waáraa.

Suusun 16:14

Kii a foo-yoo á min we gɛ̀ gɔn, sɛnɛ, sii-dɔ̃li á boe la a na a foo waa.

Suusun 20:2

Bɛ̀ kii foo yoo, a n ka yàra bɛ́ lɔn wɔɔsiɛ̃. Bɛ̀ min mɛn màn da bɛa foo-yoo kɛ li, a nə n din nyin boe.

Suusun 20:26

Kii sii-dɔ̃li n sii baraa-zɛnaalin lui ǹ wo sɔsɔɔ, a tɔn dɔlɔ bɔ ǹ ganaa.

Suusun 20:8

Bɛ̀ kii giã tán kiri wɔ ǹ bǎã nɛ, a n sii sonbore laanka sii baraa tumaa bɔkɔnlɛ doɛ̃.

Izayii 1:17

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Zeremii 5:28

Ǹ nə́ kã, ǹ wìi wɔ. Maǹ sii baraa zɛnɛɛ yǎa ǹ kiɛ̃ a dan la. Sɛnɛ ǹ sii tumaa n bǐɛ̃ koe. A da yaa ǹ ba nɛ toen a zia gii diɛ wa, ǹ ba kiri pepere we doobaan lɛa wa.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Ezekieli 25:14

Ma á re a gɛ̀ dòo bɔ sii we ma din a minin Izirayeli tɔrɔn kɛn gɔn, ǹ maa gɛ̀ dòo bɔ Edɔmu minin kɛn ganaa. Ma bɛ́ sii mɛn zɛnɛɛ maa foo-yoo laanka maa foo-busii gɔ́ɔ̃ nɛ, ǹ tá re bɛ miã zɛnɛɛ, Edɔmu minin lɛn manɛ. Bɛa biikoo li kəni, ǹ tá re ma gɔn lɛ yii. Ma din Dɛnaa Lawa a da ǹ boo ne.»

Misee 3:9

Zakɔba tɔrɔn goledɛnan lɛn, ka bǐɛ̃ kɔ, ka n too kɔ kɛ li! Izirayeli mìilandɛnan lɛn, sii pepere a kɔɔ̃n ka ganaa wa. Ka n sii pepere din tumaa kɔrɛ.

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Rɔmu minin 13:6

Bɛ lɛ dɔ a lɛa nɛ, ka á nyin giɔ̀mɔ sarɛɛ, a giala, goledɛnan lɛn dɔn man bɛ zɛnɛɛ, ǹ tá dí nyɛɛ Lawa nɛ.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Zozoe 20:5

Bɛ̀ gere lɛ a gɛ̀ dòo-bɔle gɛ̀-dɛle lɛ loo yǎa walan, min golen lɛn doamaa bie ǹ bɔ ǹ kɔ la wa. A giala, a bie á ǹ miã lɛ dɛ woon wa, a foo dɔ bie á yoo li lɛlɛ wa.

Zozoe 20:9

Ǹ kiwi mɛnɛn bɔ ǹ nə́ ǹ koa Izirayeli minin tumaa wɔ lɛa, ka min mɛn dɔ á ke gùli lɛa giã nɛ ǹ bii, ǹ dinin lɛn man ka bɛn nɛ. Maǹ nə́ ǹ koa, màn mɛn bɛ́ toɛ, bɛ̀ min woo min sã á gɛ̀ dɛ, a na a bie zɛnaa woon lɛa wa, ǹ dɛnaa boo la a baa si a wo n mìi duru walan. Ka bɛa yɔrɔ lɛ nɛ, a min mɛn dɛ, á re boe la a kanbaa bɛa gɛ̀ dòo-bɔle ganaa, bɛ̀ a sii lɛ baa n yɔrɔ boe zaman yɔrɔ-a.

Piɛrɛ1 2:14

Ka bɛ dɔ kio wɔ a kiin kɛn bɔlɔ si, maǹ kii gole lɛ a dia dí-a wolen lɛa, ǹ nə́ dɔlɔ boe sii babaraa-zɛnaalin ganaa, ǹ nə́ sii bǐɛ̃-zɛnaalin para pii.