Rɔmu minin 13:1 - LAWA A BOO SONBORE

¹ Min din tumaa doamaa nɛ a goledɛnan bɔlɔ si. A giala, goledɛnaabaa kɔ́n banban, bɛ̀ bɛ ná a bɔ Lawa li wa. Goledɛnan mɛnɛn bɛ́ ǹ tan ke, ǹ koa na á bɔ Lawa li.

LAWA A BOO SONBORE 2011

¹ Min din tumaa doamaa nɛ a goledɛnan bɔlɔ si. A giala, goledɛnaabaa kɔ́n banban, bɛ̀ bɛ ná a bɔ Lawa li wa. Goledɛnan mɛnɛn bɛ́ ǹ tan ke, ǹ koa na á bɔ Lawa li.

Rɔmu minin 13:1 Iomraidhean Croise

Loen 62:11

Ka baran n foo doa baraabaa sii zɛnaa ǹ gɔnɔn ganaa wa, màn mɛn bɛ́ n sii ka pàã nɛ, ka baran n yiri koa màn kɔn ganaa bɛ gɔ́ɔ̃-n wa. Bɛ̀ kaa naforon tá mɔnɛɛ, ka baran n foo kɔ bɛn la wa.

Suusun 24:21

Maa nɛ, Dɛnaa Lawa laanka kii guguru kɔ. Min mɛnɛn bɛ́ zoɛ̃ mà ǹ sii tumaa bɔyaa, n nyan koa kunun ǹ ni wa.

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Zaã a sɛ́wɔ 19:11

Yezu tɔ́n pɛ nɛ: «N ba boe la n sii kɔ́n zɛnaa masɛ nɛ, bɛ̀ Lawa ná a lɛ kɔ n la wa. Bɛ lɛ din taãn na á toa, min mɛn ma wɔ n gɔn, bɛa sii baraa á gole a mìi ni á la nsɛ wɔ nɛ.»

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Rɔmu minin 12:21

N baran toa sii baraa boo n la wa, sɛnɛ, sii baraa naa ka sii bǐɛ̃ nɛ.

Rɔmu minin 13:2

Bɛ lɛ nɛ, min mɛn bɛ́ a ba goledɛnaa bɔlɔ sii wa, ǹ dɛnaa na a ba lɛ koe Lawa a sii yɔrɔ bɔ ganaa wa. Min mɛnɛn bɛ́ n piɛ̃ ǹ ba lɛ koe Lawa a sii yɔrɔ bɔ ganaa wa, bɛn man giɛ dɔlɔ li, ǹ tá diɛ ǹ dinin mìi ni.

Efɛɛzi minin 5:21

Kasɛn mɛnɛn bɛ́ nyɛ́ɛ biɛ Krita nɛ, ka kɔn lɛ si.

Timəə dí-pɛn 17:12

Sɛnɛ, giĩ mɛn bɛ́ re din gole kɔ ǹ sii zɛnɛɛ, a ná a ba n too koe wúlu-bɔle lɛ a boo li wa, ǹ mɛn lɛ bɛ́ golee ne Lawa a bǎã sonbore kɛ nɛ, dí nyɛɛ kaa Lawa, Dɛnaa Lawa nɛ, a ná a ba n too koe sii yɔrɔ-bɔle kɛ dɔ a boo li wa, ka bɛa giĩ lɛ dɛ a gã. Bɛ á re toɛ ka sii baraa bɔ ka bɔ Izirayeli minin bii.

Timote1 2:2

kiin laanka min mɛn tumaa bɛ́ pàã lɛ la. Man giɛ li máa wɔ bɛ zɛnaa, màn mɛn bɛ́ toɛ, wɔ goã là nyantoro la, wɔ yiri n bǎã goon ne, wɔ n nyɛ́ɛ biɛ Lawa nɛ, wɔ n tɔ wɔ ǹ gɔn sonbore la.

Tiitii 3:1

Lawa-nyankɔlen tumaa yiri da a nɛ, mà ǹ doamaa nɛ, ǹ nə n doroo nyɛɛnaan-bɔlen laanka pàãdɛnan manɛ. Mà ǹ doamaa nɛ ǹ nə ǹ lɛ si, ǹ goã dí sonbore tumaa nya a lɛa.

Zude 1:8

Ka bɛ din tumaa nɛ, bɛa min baraan kɛn lɛn man sii zɛnɛɛ ka bɛa yɔrɔ kɛ lɛ nɛ. Maǹ soɛ boon taasɛ, ǹ nə́ *gɔ̀ diɛ ǹ dinin ganaa, ǹ nə́ Lawa pàã gole kɛ puusə koe, ǹ nə́ sɔ koe lon màn pàãdɛnan kɛn ganaa.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»

Samayeli1 2:8

A n pàãwɛnaa sii gusuũn la. A n doobaa dɔ kuĩ tonton bɔlɔ la, a ǹ kaa tán kun ka min dadaran nɛ, a bǎã tɔnaa kɔ ǹ la. A giala, tán a bìbĩn lɛn man Lawa wɔn lɛa, a na á kanaa lɛ giala doa bɛn la.