Rɔmu minin 12:3 - LAWA A BOO SONBORE

³ Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

LAWA A BOO SONBORE 2011

³ Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Rɔmu minin 12:3 Iomraidhean Croise

Suusun 25:27

Zoo nyɔɔ bii a la yii-n ba siĩn wa. Ga gugurubaa li a la yii-n dɔ a siĩn wa.

Suusun 26:12

Bɛ̀ min tá n din biɛ yiridɛnaa lɛa, a dɔ̃ mà baãnaa á soɛ bɛa dɛnaa nɛ.

Boo-laakalaali 7:16

N baran n din baa min pepere lɛa, a la yii-n wa. N baran n din baa sii-dɔ̃li lɛa, a la yii-n wa. Bɛ bie wa n tá re n din bɔ̀n biɛ.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Luku 18:11

Fariziɛ̃ lɛ sɛ giã lon a gɔrɔn, á Lawa nyankoe kɛnɛn: «Lawa, masɛ á barka diɛ n nɛ, a giala masɛ a goon ka min gialakunun kɛn nɛ wa. Bɛn man wurumunun lɛa, ka min baraan nɛ, ka naarɛbaalin ni. Ma á barka diɛ Lawa-n doo, a giala ma ba ka wusuru-sili kɛ bɛ́ lɔn wa.

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Rɔmu minin 12:16

Ka toa ka kɔn wɔ ma doɛ̃, ka bɔlɔ goã goon. Ka baran n taasɛ din gole kɔ ǹ siin ganaa wa, ka lɛ kɔ din boɛɛn kɔ ǹ dín ganaa. Ka baran ga ka dinin ganaa màn-dɔ̃lin lɛa wa.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 3:10

Lawa bǐɛ̃ mɛn baa masɛ la, man má kion lɛ gòã daa ka kion-dɔle taãn wɔ bɛ́ lɔn; kanna, min kɔsɔ dɔ n màn doe a lalan. Sɛnɛ, a n kɔnboe didie nə n yiri koa a wɔ a dɔ ǹ gɔn li.

Korɛnti1 7:17

Bɛ din tumaa kio, Dɛnaa din na á didie koa gɔn kɔ́n la. A bɛ́ á n bíi ǹ mɛn pinaa, á daa n yaa gɔn mɛn lɛ la ke, n dɔ giã bɛ lɛ la. Man Lawa a sɔmɔ din tumaa darɛɛ bɛ lɛ ganaa.

Korɛnti2 10:13

Bɛ̀ masɛ wɔ a lɛa nɛ, ma a re n din laakalɛɛ, a kiɛ̃ ma din a lɛ doa ǹ bǎã la wa. Lawa dí kɔ ma la a ná a lɛ doa maa, bɛ lɛ na á daa ma-n yǎa kaa piɛ, ma a re kiɛ̃ bɛ la wa.

Korɛnti2 12:13

Lawa a sɔmɔ gialakunun kɛn man nə́ wàa yɛ, bɛ n nyaabaa-n kasɛn ganaa? Ma bɛ́ ma goã ka bebere ka gɔn màn sii ka la wa, yǎa bɛ dinsɔɔ̃. Bɛ̀ bɛ á kɔkɔrɔbaa ǹ sii lɛa má zɛnaa ka nɛ, ka bǐɛ̃ kɔ ma ganaa, ka toa ma nɛ.

Korɛnti2 12:7

Bɛa sii-nyaa kaka kɛ lɛ bɛ́ boe la, á maa din koa ǹ giala biɛ, bɛ lɛ nɛ, ǹ nə́ là paparɛ ǹ busu da ma gɔ̀nɔn nɛ, ka *Sɛtaan a dia dí-a wole bɛ́ lɔn, mà a ma dɛ a ma kurəə din-koa tumaa ganaa.

Galaasi minin 6:3

Bɛ̀ min mɛn tá taasɛ mà asɛ n màn gole lɛa, a ná a màn kɔ́n dɔ lɛa wa, a nə n din yiri siɛ̃.

Efɛɛzi minin 3:2

Ma á doɛ̃, máa Lawa nə n toa a bǐɛ̃baa gɔ́ɔ̃ nɛ, á dí mɛn kɔ ma la, mà ma nya ka nɛ, ká a boo ma.

Efɛɛzi minin 3:4

Bɛ̀ ká pɛ, ka á re yii mà ma á Yezu Krita a sii-durii kɛ doɛ̃.

Efɛɛzi minin 4:16

A din nə toɛ, gù totoron mɛnɛn bɛ́ gɔ̀nɔn ganaa, ǹ nə́ doa-n kɔn ka kaka gɔ̀nɔn goon lɛa, didie tumaa tá a din a doa kɔn-a ǹ bǎã nɛ. Ka bɛ nɛ, bɛ̀ gù gogoon tumaa tá a dí nyɛɛ, ka a bɛ́ kɔnboe-n lɔn, gɔ̀nɔn lɛ tumumaa n gole koe, màn nə́ miɛ li ka kɔn-narɛɛ nɛ.

Filipi minin 2:13

A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Kolɔɔsi minin 2:13

Kasɛn mɛnɛn bɛ́ ká goã goon ka geren ne, kaa sii baraan laanka kaa soromabaa a lɛa, Lawa na á wusoo á ka yii kaa kun ka Krita lɛ din ni. Lawa lɛ na á wɔa sii baraan tumaa toa wɔ nɛ.

Timote1 1:14

Sonbore ne, Dɛnaa bǐɛ̃ zɛnaa masɛ nɛ á la yii ni, á goleemali laanka kɔn-narɛɛ dɔ kɔ ma la á la yii ni, maa tá kun ka Yezu Krita-n lɛ taman yii.

Timote1 2:15

Sɛnɛ, a nɛn danbaa taman yii, lɔ á die kirisibiɛ, bɛ̀ á sii si a ganaa á goã goleemali gɔ́ɔ̃ nɛ, ka kɔn-narɛɛ laanka *yoreenbaa nɛ, ka din-gisiĩ ni.

Timote1 2:9

Lɔn wɔ gɔn la, man giɛ li, máa ǹ mɔnaa wɔ ǹ gɔn kɔnpɛ ka a yɔrɔ sonbore ne. Mɔnaa mɛn bɛ́ zɛnɛ ǹ lɛ, ǹ bɛ wɔ, ǹ baran là kaa ǹ dinin la wa. Mìi-tiɛ̃ giɔ̀mɔ kaka-an kɛn, sana mànan laanka bɔlɔ-a ǹ giin ni, ka mɔnaa giɔ̀mɔ kaka-an nɛ, ǹ nə n bɔ bɛn wɔlɔ li.

Tiitii 2:12

Bɛa bǐɛ̃ kɛ lɛ n wɔ darɛɛ, mà wɔ piã ka Lawa-n tii, ka kanaa dùũ sii babaraan kɛn nɛ, ń giɛ wɔ á goɛ̃ kanaa kɛ nɛ, mìiwedɛnan lɛa, min peperen lɛa, wɔ n bɔlɔgoondɛnan lɛa Lawa nɛ.

Tiitii 2:2

A pɛ giĩ zizin manɛ, mà ǹ toa ǹ boo ǹ dinin la, ǹ gugurubaa yɛ, ǹ nə́ mìiwedɛnan lɛa. Ǹ toa ǹ goã piɛ̃-n ka goleemali sonbore ne, ka minin-narɛɛ nɛ, ka foo-kũ ni.

Tiitii 2:4

ń giɛ ǹ tá lɔ tenən darɛɛ ǹ zuũn narɛɛ ganaa ka ǹ nɛnyaanan nɛ.

Tiitii 2:6

A din goon ne, nɛ tenən dɔn foo taã, ǹ goã mìiwedɛnan lɛa.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Piɛrɛ1 4:11

Bɛ̀ ka mɛn nə boo-laakalaali lɛa, ǹ dɛnaa toa a Lawa a boo kɛ laakalaa. Bɛ̀ min mɛn dɔ n dí yɔrɔ boe, a toa a zɛnaa ka pàã kɛ nɛ Lawa n koe la. A n zɛnaa miɛ̃, màn mɛn bɛ́ toɛ, sii din tumaa gɔ́ɔ̃ nɛ, tɔ-bɔ goã Lawa nɛ ka Yezu Krita barka nɛ. Gugurubaa laanka mìinaabaa n bɛa Lawa lɛ wɔ lɛa yǎa duduu. A n miɛ̃!

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Zaã3 1:9

Má boo boɛɛn kiɛ̃ má dia kaa Lawa a sɔmɔ la. Sɛnɛ, Diotrɛfu mɛn bɛ́ zoɛ̃ ǹ kiibaa li, bɛ nə́ n piã, ma boo mɛn da, a baa boo lɛa wa.