Rɔmu minin 11:2 - LAWA A BOO SONBORE

² Lawa din saa lɛlɛ a ná a tɔrɔ mɛn bɔ ke, a bɛ daa wa dɛ. Yilii bɛ́ wuu pii Lawa ganaa Izirayeli a lɛa bǎã mɛn nɛ, Lawa a boo á màn mɛn pii walan, ka n yiri gisĩ bɛ nɛ.

LAWA A BOO SONBORE 2011

² Lawa din saa lɛlɛ a ná a tɔrɔ mɛn bɔ ke, a bɛ daa wa dɛ. Yilii bɛ́ wuu pii Lawa ganaa Izirayeli a lɛa bǎã mɛn nɛ, Lawa a boo á màn mɛn pii walan, ka n yiri gisĩ bɛ nɛ.

Rɔmu minin 11:2 Iomraidhean Croise

Siin Giala 44:15

Zozɛfu tɔ́n pɛ ǹ nɛ: «Wàa mɛn dí n ka kɛ nɛ ka nya! Ma bɛ́ min mɛn lɛa, ka a doɛ̃ mà máa sii toɛ tìãlɛa ma dɔ̃ wa?»

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Loen 94:14

Sonbore, Dɛnaa Lawa ba n gɔn boe a zaman kɛ ganaa wa. A ba a din wɔn kɛn toɛ walan wa.

Bɔ bɛ̀rɛbaa nɛ 32:1

Zaman lɛ yɛ mà Muizu belebɔ kele lɛ la, a ná a ba gisĩ wa. Ǹ nə́ n lɛ sɔkɔn Aarɔn li, ǹ nə́ pɛ nɛ: «Yoo! N dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Zeremii 31:37

Dɛnaa Lawa n kɛ pii: «Bɛ̀ min boo la á lon a wo lon zɔɔ̃, á tán a zuzulubaa zɔɔ̃, ma dɔ á re Izirayeli minin tii, ǹ sii baraan taman yii!» Dɛnaa Lawa a da ǹ boo ne.

Minin nimi 16:15

Muizu foo tɔ́n yoo taãn-taãnɛ, á pɛ Dɛnaa Lawa nɛ: «Bɛa minin kɛn lɛn bɛ́ re n goe ka mànan mɛnɛn nɛ, n baran n yɔrɔ bǐɛ̃ da bɛ la wa. Haalɛ dundun din ni, ma si ǹ la wa. Ma sii dɔ la ǹ kɔn la wa.»

Marki 12:26

Geren yii kaa wɔ paǹ li, tɛ yoo daãn mɛn ganaa Muizu ná a boo da a sɛ́wɔ nɛ, ka bɛa bǎã kɛ lɛ pɛ sɛ́wɔ lɛ-n wa? A na á n kiɛ̃ walan mà Lawa na á pɛ Muizu ni, ǹ digolon wɔ paǹ li mà asɛ n Abrahamu a Lawa lɛa, Izaaki a Lawa lɛa, Zakɔba a Lawa lɛa.

Luku 4:1

Yezu bɔ Zurdɛ̃ tà lɛ-a, a bɛ́ piɛ zii la, Yiri Fu mɛn bɛ́ kun ni, bɛ ná a nyɛɛnaan sabɔ á woo-n diə gole ne.

Zaã a sɛ́wɔ 4:11

Lɔ lɛ tɔ́n pɛ Yezu ni: «Dɛnaa, biɛ ba ma gɔn wa, tù lɛ dɔ n zuzulu; ma n die boe ka bɛa yiikoonaabaa ǹ mu lɛ-n maa?

Nya ǹ dín 13:48

Ǹ bɛ́ ǹ nə́ bɛa boo kɛ ma, tɔrɔ kɔsɔn minin kɛn foo kɔɔ̃n kɔ parsiini, ǹ nə́ barka da Lawa nɛ a boo kɛ a lɛa. Minin mɛnɛn tumaa bɛ́ Lawa nə́ ǹ da nyin nyabaã kɛ wɔn lɛa, bɛn nə́ golee Lawa li.

Nya ǹ dín 15:18

Masɛ din Dɛnaa lɛ n pii miɛ̃, masɛ mɛn bɛ́ má bɛa siin kɛn lɛn yɔrɔ bɔ má koa haalɛ lɛlɛ-lɛlɛ.»

Nya ǹ dín 3:17

Ma dɔɔ̃nɔn lɛn ganaa, sonbore, ma á doɛ̃ máa sii doɛ̃baã na á toa, ka laanka kaa goledɛnan nə́ bɛa nɔmaa kɛ lɛ da Yezu mìi ni.

Nya ǹ dín 7:40

Sonbore, ǹ nə́ pɛ Aarɔn nɛ: «Dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Rɔmu minin 6:16

Táa ka á doɛ̃, mà bɛ̀ ǹ nə́ min kɔ bɛ̀rɛ lɛa min kɔsɔ la, mà ǹ dɛnaa n bɛa min kɛ lɛ bɔlɔ sii, a na a bɛ̀rɛ baa. Bɛ̀ ka á sii baraa zɛnɛɛ, ka ǹ sii baraa a bɛ̀rɛn lɛa, á n woe ka kiɛ gɛ̀ nɛ. Bɛ̀ ka á Lawa bɔlɔ sii, ka ǹ bɔlɔ-sii a bɛ̀rɛn lɛa, bɛ n ka bii kɔɔ̃n koe kɔn ka Lawa nɛ.

Rɔmu minin 9:23

Min kɔsɔn dɔn tan, Lawa n die makara boe bɛn ganaa. Bɛn laan mà maǹ yii kanaa dinin, bɛ̀ Lawa ná a yɔrɔ bɔ, mà ǹ tá re ǹ wɔ gii yii a din a gugurubaa kɛ nɛ. Lawa n die a din a gugurubaa kɛ a golebaa nyɛɛ wɔ dinin lɛn manɛ.

Rɔmu minin 9:6

Ma bie giɛ li ma pɛ, mà Lawa boo mɛn da, mà bɛ giala yɛ wa. Haayii! Sɛnɛ, sonbore ne, min mɛnɛn tumaa bɛ́ Izirayeli tɔrɔ lɛa, bɛn tumaa bie Lawa a minin lɛa wa.

Korɛnti1 6:2

Ka á doɛ̃ mà Lawa a zaman minin lɛn man die kiri we kanaa minin ganaa wa? Bɛ̀ ka dinin man die kiri we kanaa minin ganaa, a n siɛ lɔn, sii bɔnboɛɛnɛn mɛnɛn bɛ́ ǹ ba màn kɔ́n lɛa wa, ka a boe la ka á bɛn kiri kuri wa?

Korɛnti1 8:3

Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.

Filipi minin 1:22

Sɛnɛ, bɛ̀ maa tá kanaa dɔ n toɛ ma dí sonbore nya, ma bɛ́ ǹ mɛn boe kəni, ma a bɛ doɛ̃ doo wa.

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.