Rɔmu minin 1:6 - LAWA A BOO SONBORE

⁶ Ka dɔn man bɛa minin kɛn lɛn lɛa, Lawa ka bíi mà ka Yezu Krita wɔn baa.

LAWA A BOO SONBORE 2011

⁶ Ka dɔn man bɛa minin kɛn lɛn lɛa, Lawa ka bíi mà ka Yezu Krita wɔn baa.

Rɔmu minin 1:6 Iomraidhean Croise

Rɔmu minin 9:24

Lawa wɔ dinin mɛnɛn bíi, wɔ́ n wɔ ba Zuifun dininsɔɔ̃nɔn lɛa wa, wɔ n tɔrɔ kɔsɔn dɔn lɛa.

Korɛnti1 1:9

Lawa a wusii a boo diɛ kio wa, a din Lawa kɛ lɛ na á ka bíi, mà ka goã doa-n kɔn ka a Nɛgiĩ Yezu Krita, wɔa Dɛnaa kɛ nɛ.

Galaasi minin 1:6

Dɔɔ̃nɔn lɛn, kɛ masɛ tɔwaa kaa wɔ paǹ li parsiini! Lawa na á ka bíi Yezu Krita a bǐɛ̃ pàã ganaa. Sɛnɛ, asɛ mɛn ka bíi, ká n yɔrɔ bɔyaa, ká bɔ la bǎã goon ne, ká n yɔrɔ da Boo Tii Kɔɔ̃n kɔsɔ la.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Kolɔɔsi minin 1:21

Bɛ na á n zɛnaa ka dɔn manɛ. Lɛlɛ ka goã Lawa doɛ̃ wa, ka bɛ dɔ-n doo, ka n ká goã a zɔ́ɔn lɛa, a giala, ka n ká goã sii baraan taasɛ, ka nə́ ǹ zɛnɛɛ dɔn.

Kolɔɔsi minin 1:6

Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.

Tesaloniki1 2:12

Wɔ́ ka gù kaa, wɔ́ ka foo taã. Wɔ́ ka nyankɔ parsiini, wáa ka tɔ wɔ a kɔnpɛ ka Lawa foo sii ni, asɛ mɛn bɛ́ lɛ diɛ ka la, mà ka gii yɛ a kiibaa ǹ bǎã laanka a gugurubaa kɛ nɛ.

Tesaloniki2 2:14

A na á ka bíi bɛ lɛ a lɛa, ka wɔa Boo Tii Kɔɔ̃n pɛ ka nɛ kɛ barka nɛ, mà ka kaa wɔ gii yɛ wɔa Dɛnaa Yezu Krita a gugurubaa kɛ nɛ.

Timote2 1:9

Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Piɛrɛ1 2:21

Lawa na á ka bíi bɛ lɛ a lɛa, a giala, *Krita lɛ dɔ na á fuu yɛ kaa lɛa, á bɛ nyaa ka nɛ sii zɛnaa ǹ gɔn lɛa, màn mɛn bɛ́ toɛ, ka kɔ a gòɛ̃ lɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Piɛrɛ2 1:10

Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»