Rɔmu minin 1:5 - LAWA A BOO SONBORE

⁵ A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

LAWA A BOO SONBORE 2011

⁵ A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 1:5 Iomraidhean Croise

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Zaã a sɛ́wɔ 1:16

A bǐɛ̃baa ǹ màn lɛ kɔ́n dɔ wɔ yii-a, a na á daa bǐɛ̃ da bǐɛ̃ li.

Nya ǹ dín 1:25

màn mɛn bɛ́ toɛ, Zudaasi bǎã mɛn toa walan á woo a din tɔ bǎã nɛ, bɛa dɛnaa bɛa dia dí-a wolebaa ǹ bǎã kɛ lɛ saa, a na a dí nya.»

Nya ǹ dín 15:14

Lawa din nə saa lɔn a giala koe li, á minin bɔ tɔrɔ kɔsɔn bii, á ǹ baa a din wɔn lɛa, Simɔn na á wusoo á wɔsɛn yiri da bɛ lɛ nɛ.

Nya ǹ dín 6:7

Bɛ kio, Lawa a boo lɛ a pɛ goã woe nyɛɛnɛ, màn na á goã miɛ kialandɛnan lɛn li taãn-taãn Zeruzalɛmu kiwi lɛ nɛ. Lawa a Kion wúlu-bɔle gigiã dɔ́ lɛ kɔ ǹ nə́ golee Lawa li.

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Rɔmu minin 16:26

Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.

Rɔmu minin 3:29

Lawa lɛ din kánaa, Zuifun dininsɔɔ̃nɔn Lawa nɛ? Táa tɔrɔ kɔsɔn dɔn wɔ nɛ! Taãn-taãnɛ!

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 9:2

Ta ma a dia dí-a wole lɛa min kɔsɔn yii li wa, ma tá a lɛa kasɛn kɔ́n yii li; a giala, kaa tá kun ka Dɛnaa-n lɛ, a n masɛ a dia dí-a wolebaa nyɛɛ.

Efɛɛzi minin 1:12

mà wɔ asɛ a gugurubaa kɛ laakalaa, wɔsɛn Zuifun mɛnɛn bɛ́ wɔ n foo doa Krita ganaa bibinaanɛ.

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.