Rɔmu minin 1:16 - LAWA A BOO SONBORE

¹⁶ Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

LAWA A BOO SONBORE 2011

¹⁶ Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Rɔmu minin 1:16 Iomraidhean Croise

Loen 110:2

Dɛnaa Lawa n die n pàã lɛ boe li, a bɔ *Siɔn, ń giɛ, nsɛ tá goɛ̃ gole n zɔ́ɔn bii.

Loen 119:46

Ma á re n gɔn waa ma-n boon kɛn diɛ kiin yɔrɔ-a. Ma a re bɛa sìi koe wa.

Izayii 53:1

Wɔ boo mɛn ma, die na á golee li? Die na á Dɛnaa Lawa a boo sii la dɔ̃?

Zeremii 23:29

«Maa boo kɛ bie ka tɛ bɛ́ lɔn wa? A bie ka yele bɛ́ lɔn gɛ̀fu yui wa?» Dɛnaa Lawa a da ǹ boo ne.

Marki 8:38

Pelo minin mɛnɛn bɛ́ ǹ nə́ n piã ka Lawa nɛ, ǹ nə́ sii baraa zɛnɛɛ, bɛ̀ min mɛn sìi kɔ bɛn yɔrɔ-a a ná a masɛ boo da wa, a masɛ a boo kɛ lɛ dɔ pɛ wa, Min a Nɛgiĩ bɛ́ re boe lon ǹ mɛn pinaa a daa, kun ka lon a dia dí-a wole sonboren ne, ǹ Di a gugurubaa a siĩnbaa kɛ nɛ, a dɔ á die sìi koe a bɛa dɛnaa bíi mà asɛ a kialandɛnaa.»

Luku 9:26

Bɛ lɛ nɛ, min mɛn bɛ́ sìi koe masɛ tɔ pɛ ganaa kanaa, a n sìi koe masɛ a boo kɛ lɛ dɔ a pɛ ganaa, Min a Nɛgiĩ bɛ́ re die ǹ mɛn pinaa, ma din laanka maa Díi a gugurubaa kɛ nɛ, kun ka lon a dia dí-a wole sonboren kɛn nɛ, ma dɔ á re sìi koe bɛa dɛnaa ganaa.

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Nya ǹ dín 3:26

Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»

Rɔmu minin 10:17

Bɛa yɔrɔ kɛ lɛ la, minin laan mà ǹ golee Dɛnaa li, yǎa ǹ boo miɛ. Ǹ doamaa bɛ́ nɛ, ǹ boo mɛn ma, Krita din a boo kɛ nɛ.

Rɔmu minin 15:19

ka kaãbaa ǹ sii dadaran barka nɛ, ka Yiri Fu pàã barka nɛ. Bɛ lɛ na á toa, a kũ Zeruzalɛmu kiwi ganaa a wo Ilirii gána yaa, má Krita a Boo Tii Kɔɔ̃n lɛ pɛ paǹ din tumaa ganaa.

Rɔmu minin 15:29

Ma á doɛ̃ máa ma bɛ́ re doe ka li ǹ mɛn waáraa, man die doe ka Krita a barka lɛ piɛ̃maa-n ma lon kaa wɔ lɛa.

Rɔmu minin 2:9

Lawa n die nɔmaa baraa gisĩ sii baraa-zɛnaalin tumaa la, Zuifun man bɔrɔ, ka min mɛnɛn dɔn bɛ́, ǹ ba Zuifun lɛa wa.

Rɔmu minin 4:11

Abrahamu na á kurii lɛ wɔ sii a kɔnboe lɛa. Bɛ n nyɛɛ mà a bɛ́ a tɔn nə n kuru dinin bɔrɔ wa, mà Lawa na á lɛ kɔ a ganaa min pepere lɛa, a goleemali a lɛa. Bɛa yɔrɔ kɛ lɛ la, kurii baãnaan mɛnɛn tumaa bɛ́ golee Lawa li, mà a lɛ kɔ ǹsɛn ganaa min peperen lɛa, Abrahamu na á bɛn tumaa a díi baa.

Korɛnti1 15:2

Bɛ̀ ká gũ doɛ̃ ka ma bɛ́ má pɛ ka-n lɔn, á re ka kirisibiɛ; bɛ̀ a n baa miɛ̃ wa, kaa goleemali n die kooro biɛ.

Korɛnti1 2:2

A giala, ma biikoo mɛn zɛnaa ka li, ma ga li máa ma màn kɔsɔ nyaa ka nɛ, á kiɛ̃ Yezu *Krita boo la wa, sanparɛ a dere gɔn ganaa boo kɛ din.

Korɛnti1 2:4

Maa boo ne, ka maa laakalaa ǹ gɔn nɛ, ǹ kɔ́n goã sii-dɔ̃ ǹ lɛ gɔ́ɔ̃ boo lɛa wa. Sɛnɛ, Yiri Fu pàã màn mɛn kɔ ma la, man má bɛ dinsɔɔ̃ a sii nyaa ka nɛ.

Korɛnti1 9:12

Bɛ̀ min kɔsɔn tá bɛ miã yii ka li, wɔsɛn ba kɔnboe ne, a la bɛn wɔ-n ma? Sɛnɛ, wɔsɛn nə bɛa màn kɛ lɛ kɔ́n yɛ ka li wa. Wɔ n wɔ́ sii tumaa si wɔ ganaa dinin, ń giɛ wɔ bɛ́ Boo Tii Kɔɔ̃n zii mɛn nyɛɛ ka nɛ, á n *Krita wɔ lɛa, màn kɔ́n nyan ka kurəə bɛ ganaa wa.

Korɛnti1 9:18

Maa saraa n ka wàa-n kəni? Ma bɛ́ boe la, ma á Boo Tii Kɔɔ̃n kɛ laakalɛɛ ka-n kooro, maa saraa lɛ n bɛ nɛ. Ma gii bɛ́ ka màn mɛn nɛ, Boo Tii Kɔɔ̃n laakalaa kɛ a lɛa, ma nɔ̀n da bɛ li wa.

Korɛnti2 2:12

Má dɔ Troasi kiwi kəni, má n die Krita a Boo Tii Kɔɔ̃n kɛ laakalɛɛ walan. Dɛnaa din zii bũ ma nɛ foaãnɛ.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Korɛnti2 9:13

Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

Galaasi minin 1:7

Sonbore, a bie ka Boo Tii Kɔɔ̃n kɔsɔ na a tan wa. Sɛnɛ, man pii ka-n miɛ̃, a giala, minin tan, ǹ nə́ ka yiri lɔlɛkɔn. Boo Tii Kɔɔ̃n mɛn nə n da Krita wɔ paǹ li, maǹ zoɛ̃ mà ǹ bɛ bɔyaa.

Tesaloniki1 2:13

Wɔ dɔn barka da Lawa-n baraabaraa mìi n ke doo. Wɔ bɛ́ wɔ́ Lawa a boo mɛn pɛ ka nɛ, ka n ká n too kɔ a ganaa, ká si, ka bie ká si minbuiinin boo lɛa wa, sɛnɛ, ka n ká si Lawa a boo lɛa. A n bɛ lɛ lɛa taãn-taãnɛ, a din lɛ n dí nyɛɛ kasɛn golee Lawa li wolen lɛn foo ne.

Timote1 1:11

Màn mɛn bɛ́ kɔnpii ka Boo Tii Kɔɔ̃n kɛ nɛ, á n kɔ ma la, bɛ lɛ n ka bɛ nɛ. Lawa mɛn bɛ́ gugurubaa ná a lon, a sii tumaa lɛ n piɛ̃ nɛ, bɛ lɛ a boo ne.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 1:16

Dɛnaa die a na a makara-doɛ̃ nyaa Onezifɔɔrɔ a kion minin manɛ, a giala, á goã bɛ̀ a da bɔ ma li, a ma foo taã. Maa da-kòso-n kɛ sìi da a ganaa wa.

Timote2 1:8

Bɛ lɛ taman yii, n doa n siére pɛ Dɛnaa wɔ gɔn la, n baran sìi kɔ wa. Masɛ mɛn dɔ bɛ́ kòso nɛ lɛa a din lɛ taman yii, ma dɔ a sii baran sìi da n ganaa wa. Sɛnɛ, lɛ kɔ nɔmaa ganaa ka masɛ bɛ́ lɔn, Boo Tii Kɔɔ̃n kɛ a lɛa, Lawa á die a sii simaganaa ǹ pàã koe n la.

Ebrəə 4:12

Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.

Piɛrɛ1 4:16

Sɛnɛ, bɛ̀ Krita a minbaa a lɛa nɛ min tá fuu yii, a baran sìi da ǹ dɛnaa ganaa wa, ǹ dɛnaa Lawa tɔ bɔ bɛa Krita a minbaa ǹ tɔ kɛ lɛ a lɛa.