Rɔmu minin 1:11 - LAWA A BOO SONBORE

¹¹ Sonbore, masɛ n giɛ li taãn-taãn ma ka yɛ, màn mɛn bɛ́ toɛ, Lawa a Yiri Fu bǐɛ̃baa ǹ mànan mɛnɛn kɔ ma la, ma da bɛn kɔ ka la, ka boo la ka wo nyɛɛnɛ.

LAWA A BOO SONBORE 2011

¹¹ Sonbore, masɛ n giɛ li taãn-taãn ma ka yɛ, màn mɛn bɛ́ toɛ, Lawa a Yiri Fu bǐɛ̃baa ǹ mànan mɛnɛn kɔ ma la, ma da bɛn kɔ ka la, ka boo la ka wo nyɛɛnɛ.

Rɔmu minin 1:11 Iomraidhean Croise

Siin Giala 31:30

N dikion sii bɛ́ n ganaa sisia, bɛ lɛ nɛ ń baa si. Sɛnɛ, wàa na á baa, n tá masɛ a kion lɛduə̃ ǹ dìn kɛn dɔn koɛ̃?»

Samayeli2 13:39

Sɛnɛ, kii Davida foo bɛ́ á daa á basã Amnɔn a gɛ̀ lɛ kio, á n susu a wo Abusalɔn gialaa wa.

Samayeli2 23:15

Sii kɔn zɛnaa sii bɛ́ á goã Davida ganaa, á tɔ́n pɛ: «Mu yala mɛn bɛ́ Bɛtlehɛmu *kiwi a kiɛnlɛ-a, die n die woe bɛa mu sii, a da kɔ masɛ la, ma mi?»

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Nya ǹ dín 16:5

Màn na á goã miɛ Lawa a sɔmɔ minin lɛn golee Lawa li li woe nyɛɛnɛ, bɛ̀ min kɔsɔn dɔn tá miɛ ǹ dinin li baraabaraa.

Nya ǹ dín 19:21

Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»

Nya ǹ dín 19:6

Pooli nə́ n gɔn da ǹ la, á Lawa nyankɔ, Yiri Fu gisĩ ǹ la. Ǹ nə́ bɔlɔ soreen pɛ, ǹ nə́ Lawa a boo gii da.

Rɔmu minin 1:12

Haayii, man die ka li, golee Lawa li goon mɛn bɛ́ wɔ lon, wɔ pàã yɛ kun ka bɛ barka nɛ, kaa wɔ ma foo taã, ma dɔ wɔ ka dɔn foo taã.

Rɔmu minin 15:23

Sɛnɛ sisia, maa dí nya bɛa gánan kɛn lɛn nɛ. A lɛ̀ damata n ke a n ma gɔ́ɔ̃ nɛ máa ma da bɔ ka li.

Rɔmu minin 15:29

Ma á doɛ̃ máa ma bɛ́ re doe ka li ǹ mɛn waáraa, man die doe ka Krita a barka lɛ piɛ̃maa-n ma lon kaa wɔ lɛa.

Rɔmu minin 15:32

Bɛa yɔrɔ kɛ la, man die doe ka li ka nyɛnyɛɛ gole ne, bɛ̀ Lawa golee li dɔn, ma á re susui yii ka bii.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Korɛnti2 1:15

Man má n foo doa ka ganaa taãn-taãnɛ. Bɛ lɛ-n má tɔ́n lɛ kɔ, máa bɛ̀ ma á woe Masedoanɛ gána nɛ, máa ma á re boe ka li, bɛ̀ má n bɔyaa doo, ma da golee ka li. Bɛ̀ a na á n baa miɛ̃, bɛ̀ a n die foo kɔɔ̃n kɔ biɛ ka ganaa gunyin paa. Ka bɛ nɛ, bɛ̀ ka n die n doe ma lɛ, ka maa Zudee zii tɔ-wɔ kɛ nɛ.

Korɛnti2 1:21

Lawa na á toa ma gòãn nə́ doa, kun ka ka dɔn nɛ, Krita wɔbaa gɔ́ɔ̃ nɛ. A din Lawa lɛ na á wɔ bɔ á wɔ baa a din wɔn lɛa.

Korɛnti2 11:4

A giala, ta min na á daa Yezu kɔsɔ boo da ka nɛ, a ná a goon ka masɛ bɛ́ má ǹ mɛn pɛ ka-n wa, hinlaa á yiri kɔsɔ wɔ ka nɛ a ná a goon ka kɛ nɛ ká yɛ wa, hinlaa á Boo Tii Kɔɔ̃n kɔsɔ pɛ ka nɛ tɔtɔ ka kɛ nɛ masɛ pɛ ka nɛ, ka ǹ lɛ koe bɛ ganaa taãn-taãnɛ.

Korɛnti2 9:14

Ǹ tá re Lawa nyankoe ka a lɛa, ǹ nə ǹ kɔn-narɛɛ nyaa ka nɛ. A giala, Lawa bǐɛ̃ gole gole baa ka nɛ.

Filipi minin 1:8

Ma pɛ ka-n lɔn, Lawa din nə maa siére lɛa, ma á ka tumaa narɛ ka Yezu Krita bɛ́ ka narɛ lɔn.

Filipi minin 2:26

A gɔ́ɔ̃ goã a ganaa parsiini, mà a wusoo a da ka tumaa yaa, a giala, ka bɛ́ ká a busu kɔ mɛn boo ma, bɛ lɛ ná a yiri lɔlɔkɔn.

Filipi minin 4:1

A bɛ́ miɛ̃, ma dɔɔ̃n sonboren lɛn, ka n gòãn doa kaka, kaa tá kun ka Dɛnaa-n kɛ gɔ́ɔ̃ nɛ. Kasɛn mɛnɛn bɛ́ ma dɔɔ̃n narɛɛ wolen lɛa, ma tá li parsiini ma wusoo ma ka yɛ. Ka dinin lɛn man maa foo kɔɔ̃nbaa laanka maa din laakalaa ǹ màn lɛa.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Tesaloniki1 3:2

má ma dɔɔ̃n Timote dia ka li. A dɔ n Lawa a dí nyɛɛ ka masɛ bɛ́ lɔn, á n Boo Tii Kɔɔ̃n pii *Krita wɔ gɔn la. Man má dia ka li, máa a ka gù we yii, a ka foo taã kaa goleemali gɔ́ɔ̃ nɛ,

Tesaloniki2 2:17

A din laanka wɔa Dɛnaa Yezu Krita die ǹ foo tãbaa kɔ ka la, ǹ pàã dɔ kɔ ka la ka sii sonbore zɛnaa, ka boo sonbore da biikoo tumaa li.

Tesaloniki2 3:3

Dɛnaa n bɔlɔgoondɛnaa lɛa. A din tá re n doe ka lɛ, a ka kanbaa *Sɛtaan baraa kɛ ganaa.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Piɛrɛ2 1:12

Bɛ lɛ a lɛa-n ma á giɛ li biikoo tumaa li, ma ka yiri gisĩ kɛ nɛ, a laanɛ ka á doɛ̃ gɔrɔ, ka n tɔ dɔ din we sɔnbɔraanɛ ke sonbore la, ka sonbore mɛn si ke lɛn.