Piɛrɛ2 3:7 - LAWA A BOO SONBORE

⁷ Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

LAWA A BOO SONBORE 2011

⁷ Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

Piɛrɛ2 3:7 Iomraidhean Croise

Loen 102:26

N din nə ń kanaa kɛ zɛnaa lɛlɛ-lɛlɛ, n din gɔn a màn zɛnaa n ka lon kɛ dɔ nɛ.

Loen 50:3

Wɔa Lawa lɛ á die, a re n lɛ tiɛ̃ wa. Tɛ n wɔlɔ kuĩ a nyɛɛnɛ, piɛ̃ gole n boe a lɛnpɛnɛ.

Izayii 51:6

Ka n yii saa lon, ka ga. Ka n yii kɔ, ka ga tán. Lon tá re papaɛ̃ ka tɛmaa bɛ́ lɔn. Tán tá re pɔpɔsɛ ka mɔnaa bɛ́ lɔn. Min mɛnɛn dɔn bɛ́ giã-n la, ǹ tá re giɛ̃ ka nyuunun bɛ́ lɔn. Sɛnɛ, kirisibaa lɛ n goɛ̃ duduu. Ma bɛ die ka peperebaa mɛn nɛ, a re nyɛɛ duduu wa.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Matiə 10:15

Lawa bɛ́ re kiri we Sodɔmu laanka Gomɔɔrɔ kiwi min baraan kɛn ganaa ǹ mɛn pinaa, bɛn dɔlɔ á re goɛ̃ puusə ǹ wɔ ganaa.

Matiə 11:22

Bɛ lɛ taman yii, masɛ n pii ka nɛ, kiri kurii pinaa, kaa dɔlɔ á die gole koe á la Tiiri minin laanka Sidɔn minin wɔ nɛ.

Matiə 11:24

Bɛ lɛ taman yii, masɛ n pii ka nɛ, kiri kurii pinaa, kaa dɔlɔ á die gole koe á la Sodɔmu minin wɔ nɛ.»

Matiə 12:36

Masɛ n pii ka nɛ: Kiri kurii pinaa, minin nə boo kooron mɛnɛn tumaa da, Lawa á die nɔ̀n diɛ ǹ la ka a din tumaa nɛ.

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Marki 6:11

Bɛ̀ bǎã mɛn a minin nə́ n piã, mà ka baran n yu ǹsɛn la wa. Bɛ̀ ǹ nə́ n piã, ǹ nə n too kɔ ka lon wa, ka n gòã gusuũ duduu, ka soo ka n bɔ walan: Bɛ n gɔn waa ǹ sii lɛa ǹ wɔ paǹ li.»

Zaã a sɛ́wɔ 12:48

Bɛ̀ min mɛn nə́ n piã ka masɛ nɛ, a ná a lɛ kɔ maa boo kɛ dɔ-a wa, bɛa dɛnaa a kiri-wɔle tan. Ma boo mɛn da, bɛ lɛ n die kiri kuri la kanaa a nya pinaa.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Korɛnti1 3:13

Didie tumaa a nya ǹ dí a là á re yii kiri-kurii pinaa. Taãn nɛ, bɛa pinaa kɛ nɛ, maǹ die giɛ màn tumaa ganaa ka tɛ nɛ. Bɛa tɛ lɛ n die didie tumaa a nya ǹ dí a là nyɛɛ nɛ.

Filipi minin 1:28

Ka baran toa kaa zɔ́ɔn nə nyɛ́ɛ da ka ganaa ka sii kɔ́n nɛ wa. Bɛ á re sii biɛ, a n nyɛɛ ǹ nɛ, mà ǹ dininmaan wɔ na á ziziɛ̃, a n nyɛɛ mà kasɛn man kaa kirisibaa ǹ zii la, a giala, bɛ lɛ n boe Lawa li.

Tesaloniki2 2:3

Ka nyan toa min kɔ́n ka yiri sã ka yɔrɔ kɔ́n nɛ wa. A giala, bɛ laan bɛ̀ a n zɛnaa, yǎa piã ka golee Lawa li-n nə we bɔrɔ, Lawa a Zɔ́ɔ babaraa kɛ dɔ nə n din nyɛɛ, asɛ mɛn doamaa bɛ́ nɛ a bɔ̀n baa.

Timote1 6:9

Sɛnɛ, min mɛnɛn bɛ́ giɛ màndɛnaabaa li, damagɔ́ɔ̃li ǹ kan lɛ n bɛn kuĩ. Baãnaabaa ǹ foo sii naarɛ gigiã nə ǹ kuĩ. Bɛn lɛn man minin ziziɛ̃, ǹ bɔ̀n da ǹ ganaa.

Ebrəə 12:29

Sonbore, wɔa Lawa lɛ n ka tɛ bɛ́ lɔn, á n màn kuĩ lenlen.

Piɛrɛ2 2:9

Bɛ n nyɛɛ, mà Dɛnaa din lɛ kɔ min mɛnɛn ganaa min peperen lɛa, mà pàã tá a lon sonbore a bɛn bɔ fuu ni, sɛnɛ, a babaraan kɛn, a n bɛn koɛ á n die dɔlɔ boe ǹ ganaa kiri kurii pinaa.

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Piɛrɛ2 3:12

Ka doamaa nɛ ka n yii da lɛawaa kɛ la, Lawa bɛ́ re lon papaɛ̃ ǹ mɛn pinaa ka tɛ nɛ, a lon mànan kɛn yo tɛ-n. Ka n doa ka n wen waa, màn mɛn bɛ́ toɛ, bɛa lɛawaa kɛ lɛ da fufuu.

Zaã1 4:17

Bɛ̀ kɔn-narɛɛ tá wɔ li a giala yii li, wɔ foo á re goɛ̃ doa-n kiri-kurii pinaa. A giala, wɔ́ goã kanaa kun ka Lawa nɛ, ka Krita bɛ́ á zɛnaa lɔn.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.

Sii-nyaan 17:11

Tɔɔ mɛn bɛ́ á goã, a ná a banban doo wa, a din nə kiin lɛn kiwisibaa ǹ wɔ lɛa. Sɛnɛ, a na á n nimi kun ka kii sɔbaa kɛ nɛ, asɛ lɛ n woe a ziziɛ̃ ǹ bǎã ganaa.

Sii-nyaan 17:8

N yii bɛ́ Tɔɔ mɛn ganaa, a yii goã koo, sɛnɛ, a yii a koo doo wa. Á re soe nɔmaa ǹ nyankɔrɔ zuzulu lɛ nɛ a wo a ziziɛ̃ ǹ bǎã nɛ. Tán minin mɛnɛn bɛ́ ǹ tɔ goã kiɛ̃-n yiikoonaabaa ǹ sɛ́wɔ kɛ nɛ kanaa giala kɔ waáraa wa, bɛ̀ bɛn nə́ yɛ, á re ǹ tɔwɛɛ. Taãn nɛ, a na á goã a yii n koo lɛlɛ, a yii ná a koo doo wa, sɛnɛ, a n die wusii a daa doo.

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 21:1

Má tɔ́n lon dii laanka tán dii yɛ. Lon zizi kɛ laanka tán zizi kɛ papaã, yìsi mu gole dɔ din banban doo wa.