Piɛrɛ2 3:17 - LAWA A BOO SONBORE

¹⁷ Haya, maa giaáran lɛn, dan bɛ́ á n da ka nɛ! Ka ka dinin kũ doɛ̃, piã dí-pɛn nɛ wolen mɛnɛn bɛ́ papaã nɛ, ka baran toa ǹ ka yiri sã ǹ ka papaã wa. Gòãn doa ǹ bǎã sonbore mɛn bɛ́ ka lon, ka nyan toa min ka nyanaa a ka bɔ bɛ la wa.

LAWA A BOO SONBORE 2011

¹⁷ Haya, maa giaáran lɛn, dan bɛ́ á n da ka nɛ! Ka ka dinin kũ doɛ̃, piã dí-pɛn nɛ wolen mɛnɛn bɛ́ papaã nɛ, ka baran toa ǹ ka yiri sã ǹ ka papaã wa. Gòãn doa ǹ bǎã sonbore mɛn bɛ́ ka lon, ka nyan toa min ka nyanaa a ka bɔ bɛ la wa.

Piɛrɛ2 3:17 Iomraidhean Croise

Suusun 1:17

Bɛ̀ bàan yii dɔ-dɔli yɛ, a kan kɔ nɛ là banban doo wa.

Matiə 16:11

Ma bɛ́ má pɛ ka nɛ, máa ka n parabaa Fariziɛ̃n laanka Sadusɛɛ̃n ǹ yɔ bù ganaa, wàa na á baa ka a giala ma mà buuru boo bie masɛ a diɛ ka nɛ wa!»

Matiə 16:6

Yezu tɔ́n pɛ ǹ nɛ: «Haya, ka n parabaa Fariziɛ̃n ǹ yɔ bù ganaa, ka n parabaa Sadusɛɛ̃n ǹ yɔ bù ganaa!»

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Zaã a sɛ́wɔ 16:4

Sɛnɛ, masɛ n má kɛ pɛ ka nɛ, màn mɛn bɛ́ toɛ, bɛ̀ ǹ biikoo dɔ, ka yiri goã a nɛ mà masɛ goã má pɛ ka nɛ. Ma bɛ pɛ ka nɛ a giala kɔ waáraa wa, a giala, má goã kun ka nɛ.

Nya ǹ dín 2:42

Bɛa minin kɛn lɛn man nə́ goã woe dia dí-a wolen minin daraa ǹ bǎã-n kun, ǹ nə́ goã dɔɔ̃nbaa ǹ kɔn-narɛɛ we, ǹ nə́ goã màn bii ǹ nə́ Lawa nyankoe kun.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Korɛnti1 10:12

Bɛa yɔrɔ kɛ lɛ la kəni, min mɛn bɛ́ taasɛ mà asɛ n golee-n lon, bɛ nə n doa a nyan toa a bɔ a mɛnaa wa.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Galaasi minin 5:4

Táa ka n giɛ li, mà Lawa lɛ kɔ ka ganaa min peperen lɛa dí-pɛn taman yii! Haya, ka n ká n dinin na ka n bɔ Krita ganaa. Kaa wɔ gii ba Lawa a bǐɛ̃ kɛ-n doo wa.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Filipi minin 3:2

Min mɛnɛn bɛ́ sii bɔnɛɛ zɛnɛɛ, ka n yiri kɔ ǹ li, bɛa ginin kɛn, ǹsɛn mɛnɛn bɛ́ zoɛ̃ mà yǎa ǹsɛn nə màn kuri gɔ̀nɔn ganaa!

Kolɔɔsi minin 2:5

Haalɛ ta ma dinmaa kɛ ba ka bii wa, ma tá kun ka nɛ ka ma yiri ni. Ka lɛ bɛ́ kun ke, min kɔ́n ná a boe la a ka na, a ka bɔ Krita a goleemali ganaa wa, ma foo á kɔɔ̃n bɛa lɛa.

Kolɔɔsi minin 2:8

Ka ka dinin kũ, ka baran toa min kɔ́n ka sã ka yiri binbiri bɔ ǹ boon ne wa, minbuiinin landa boon kɛn, màn kɔ́n ná a ba ǹ nɛ wa, kanaa màn pàãdɛnan lɛa, ǹ nə́ ǹ ba doa-n Krita ganaa wa.

Timote2 4:15

N dɔ yiri bɔ li, a giala, á wɔa da ǹ boon liere kɔ parsiini.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Piɛrɛ1 5:9

Ka goã golee Lawa li gɔ́ɔ̃ nɛ, ka n gòãn doa ka yɔ bɔ a ganaa, a giala, ka á doɛ̃ mà ka dɔɔ̃nɔn mɛnɛn bɛ́ giã-n kanaa paǹ tumaa ganaa, mà ǹ dɔn man bɛa fuun lɛn yii.

Piɛrɛ2 2:7

Lawa din lɛ kɔ Lɔti mɛn ganaa min pepere lɛa, á bɛ bɔ bɛa bɔ̀n kɛ lɛ nɛ. Lɔti lɛ goã nɔmaa nɛ bɛa min babaraan kɛn lɛn naarɛbaan lɛa.

Piɛrɛ2 3:1

Maa giaáran lɛn, maa sɛ́wɔ lɛ a paabaa ǹ wɔ n ka kɛ nɛ, ma á kiɛ̃ diɛ ka la. Bɛa sɛ́wɔ màn paa lɛ din tumaa gɔ́ɔ̃ nɛ, man má ga li, máa man dɔ ka lɛ, ma ka yiri gisĩ daraan kɛn nɛ ká yɛ, màn mɛn bɛ́ toɛ, ka taasiɛ peperen wɔ.

Sii-nyaan 2:5

N yiri koa n bɔ a mɛnaa ǹ bǎã kɛ li! N wusoo n sii baraan kio, ka n sii zɛnaa nɛ, ka n bɛ́ ń goã zɛnɛɛ lɔn lɛlɛ. Bɛ̀ bɛ bie wa, ma á re die n gialaa, ma n bolon koa ǹ bǎã kɛ saa ma bɔ a bǎã nɛ.