Piɛrɛ2 3:16 - LAWA A BOO SONBORE

¹⁶ A n bɛ lɛ pii a sɛ́wɔn tumaa nɛ bɛa siin lɛn wɔ gɔn la. Sonbore, a sɛ́wɔn lɛn nɛ, bǎã kakan tɛnɛn tan minin kɔnɔn nə́ ǹ boo giala kɔkɔrɔ. Bɛa minin kɛn lɛn man sii giala ma baãnaan lɛa ka foo-doa baãnaan nɛ. Maǹ bɛa dí kɛ lɛ nyɛɛ Lawa a boo lɛ a paǹ gialakunun kɛn dɔn ganaa. Ǹ dinin bɔ̀n-baa ǹ dí ni.

LAWA A BOO SONBORE 2011

¹⁶ A n bɛ lɛ pii a sɛ́wɔn tumaa nɛ bɛa siin lɛn wɔ gɔn la. Sonbore, a sɛ́wɔn lɛn nɛ, bǎã kakan tɛnɛn tan minin kɔnɔn nə́ ǹ boo giala kɔkɔrɔ. Bɛa minin kɛn lɛn man sii giala ma baãnaan lɛa ka foo-doa baãnaan nɛ. Maǹ bɛa dí kɛ lɛ nyɛɛ Lawa a boo lɛ a paǹ gialakunun kɛn dɔn ganaa. Ǹ dinin bɔ̀n-baa ǹ dí ni.

Piɛrɛ2 3:16 Iomraidhean Croise

Siin Giala 49:4

Tà mu bɛ́ n lɔlɛkɔn lɔn, n dɔ n sii lɔlɛkɔn miɛ̃. Bɛ lɛ n ke, n ba re nyɛɛnaandɛnaabaa yii wa. A giala, ń ma yii puusə kɔ, ń giã kun ka maa lɔ nɛ, ma din a waa ǹ pìi la.

Kiin1 10:1

Lɔ mɛn bɛ́ Saabaa gána a kii lɛa, bɛ ma mà Lawa barka nɛ, mà Salomɔn tɔ soo. Bɛ lɛ nɛ, á tɔ́n daa ga a giala-a ka boo giməən ne.

Loen 56:5

Man Lawa tɔ boe a lɛ-kɔ kɛa lɛa. Masɛ nə n foo doɛ Lawa ganaa, nyɛ́ɛ ba ma-a wa. Minbuiin nɛ kooro kɛ n die wàa zɛnɛɛ ma nɛ?

Bɔ bɛ̀rɛbaa nɛ 23:2

Bɛ̀ zaman nə́ n lɛ kaa kun sii baraa ganaa, ka baran mɛ kunun ǹ ni wa. Kiri-wɔlen bǎã nɛ, ka baran nyɛ́ɛ baa zaman kiri kɔkɔrɔ-wɔlen man wa.

Bɔ bɛ̀rɛbaa nɛ 23:6

«Ka baran mɛnaa doobaa la kiri wɔ ǹ bǎã-n wa.

Zeremii 23:36

Ka doamaa bie ka pɛ doo mà Dɛnaa Lawa na á guĩ da min mìi-n wa. Dɛnaa Lawa a boo n guĩ lɛa? Haayii. Sɛnɛ, bɛ̀ ka bɛa boon kɛn tɔrɔn da, ka ǹ Lawa Yiikoonaa, Lawa Pàãyiidɛnaa, wɔa Lawa a boo kɔkɔrɔ koe.

Abakuku 1:4

Dí-pɛn pàã nya. Min kɔn ba kiri pepere we wa. Min baraa n yui min pepere gialaa, Kiri-wɔlen man kiri kɔkɔrɔ we.

Matiə 15:3

Yezu tɔ́n pɛ ǹ nɛ: – Kasɛn dɔn, wàa na á baa ka tá Lawa a dí-pɛ ziziɛ̃ ka ka dinin landa siin ni?

Matiə 15:6

bɛa dɛnaa kɛ laadoo ba a ganaa doo, a ǹ di guguru kɔ ka màn nɛ wa. Ka ǹ Lawa a boo sàabiɛ kɛnɛn lɛn ka dinin landan lɛa!

Matiə 22:29

Yezu tɔ́n pɛ ǹ nɛ: – Ka sã á la yii ni. A giala ka a Lawa a boo giala miɛ wa, ka a doɛ̃ dɔn mà pàã tá Lawa lon wa.

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Ebrəə 5:11

Yezu a wúlu-bɔlen kiãbaa kɛ lɛ wɔ gɔn la, boo gigiã tá wɔ lon wɔ pɛ ka nɛ, sɛnɛ, ǹ giala pɛ n die kaka koe, a giala, ka á nyantoto sii giala ma li.

Zaaki 1:8

a giala, a gɔ́ɔ̃ n paa, a sii kɔ́n ba a giala la wa.

Piɛrɛ1 1:1

Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.

Piɛrɛ1 2:8

Ka bɛ dɔ-n doo, gòã na ma ganaa ǹ kɔlɔ nɛ, minin daa ǹ gɛ̀fu ni.» Golee Lawa li baãnaan lɛn manə n gòã niɛ a ganaa, a giala, ǹ nə́ n piã, ǹ ba golee Lawa a boo li wa. Lawa na á bɛ lɛ yɔrɔ bɔ ǹ lɛa lɛlɛndun.

Piɛrɛ2 2:1

Lawa a boo gii-dali soɛ-bɔlen nə́ yɛ lɛlɛ zaman lɛ bii. A din yɔrɔ goon lɛ la, minin-daraali soɛ-bɔlen tá re yii ka dɔn bii, ǹ tá re die ka durii ni, ǹ minin papaã ǹ soɛ boon da ka bii. Á woe dinin ǹ tá re n piɛ̃ ka Mìinaa lɛ nɛ, Mìinaa mɛn din nə ǹ kirisibaa. Maǹ die bɔ̀n baɛ̃ ǹ da ǹ dinin mìi ni, bɔ̀n mɛn dɔ din a daa a die beleboe wa.

Piɛrɛ2 2:14

Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Piɛrɛ2 3:2

Man giɛ li, ka n yiri gisĩ boon kɛn nɛ, Lawa a boo gii-dali sonboren kɛn nə́ ǹ pɛ lɛlɛ, ka Dɛnaa Minin Nyin-sili a dí-pɛ kɛ nɛ, dia dí-a wolen nə́ ka daraa a ganaa.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.