Piɛrɛ2 3:12 - LAWA A BOO SONBORE

¹² Ka doamaa nɛ ka n yii da lɛawaa kɛ la, Lawa bɛ́ re lon papaɛ̃ ǹ mɛn pinaa ka tɛ nɛ, a lon mànan kɛn yo tɛ-n. Ka n doa ka n wen waa, màn mɛn bɛ́ toɛ, bɛa lɛawaa kɛ lɛ da fufuu.

LAWA A BOO SONBORE 2011

¹² Ka doamaa nɛ ka n yii da lɛawaa kɛ la, Lawa bɛ́ re lon papaɛ̃ ǹ mɛn pinaa ka tɛ nɛ, a lon mànan kɛn yo tɛ-n. Ka n doa ka n wen waa, màn mɛn bɛ́ toɛ, bɛa lɛawaa kɛ lɛ da fufuu.

Piɛrɛ2 3:12 Iomraidhean Croise

Loen 50:3

Wɔa Lawa lɛ á die, a re n lɛ tiɛ̃ wa. Tɛ n wɔlɔ kuĩ a nyɛɛnɛ, piɛ̃ gole n boe a lɛnpɛnɛ.

Izayii 24:19

Tán nə́ n dɛ, a n pupuri, a n wurii.

Izayii 34:4

Leere kurun kɛn man pɔpɔsɛ kiɛ. Lon nə n muni ka sɛ́wɔ bɛ́ lɔn. Lon màn tɛ-pɛle dadaran kɛn man mɛnɛɛ, ka luu gere bɛ́ boe lon mɛnɛɛ lɔn hinlaa ka da nɛ mərə bɛ́ niɛ̃ mɛnɛɛ lɔn.

Misee 1:4

Kelen kɛn man die wurii a gòãn giulun, nyankɔrɔ basan kɛn man die yaliɛ, ka zoo gón bɛ́ tɛ li lɔn, ka mu bɛ́, ǹ nə́ kaa kele baã zuməə ǹ bǎã-n lɔn.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Filipi minin 1:6

Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Piɛrɛ2 3:11

Ka bɛ́ doɛ̃, mà màn tumaa á re papaɛ̃ bɛa yɔrɔ kɛ lɛ la, ka doamaa nɛ ka n doa, ka tɔ sonbore wɔ, ka nyɛ́ɛ baa Lawa yii ni.

Piɛrɛ2 3:4

ǹ pɛ: «Táa Dɛnaa lɛ pɛ mà á die! Á maa die dɔn kəni? A giala, wɔsɛn díin nə́ gã, sɛnɛ, màn kɔ́n tɔn nə n bɔyaa wa, màn tumaa na a tan, ká a bɛ́ á goã kanaa diɛ waáraa lɔn.»

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

Zude 1:21

Lawa bɛ́ ka narɛ ke, ka toa ka goã bɛ gɔ́ɔ̃ nɛ, ka n yii da, wɔa Dɛnaa Yezu Krita bɛ́ re die a bǐɛ̃baa gole kɛ gɔ́ɔ̃ nɛ, a n die nyin nyabaã koe ka la.