Piɛrɛ2 3:10 - LAWA A BOO SONBORE

¹⁰ Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

LAWA A BOO SONBORE 2011

¹⁰ Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Piɛrɛ2 3:10 Iomraidhean Croise

Loen 102:26

N din nə ń kanaa kɛ zɛnaa lɛlɛ-lɛlɛ, n din gɔn a màn zɛnaa n ka lon kɛ dɔ nɛ.

Loen 46:6

Lawa n bɛa kiwi lɛ bii, màn kɔn ba bìn diɛ a ganaa wa. Lawa nə n doe lɛ lɛlɛbaanɛ.

Loen 97:5

Kelen man yoe ka nyɔɔ bɛ́ lɔn, Dɛnaa Lawa yɔrɔ-a, kanaa tumaa a Dɛnaa lɛ yɔrɔ-a.

Izayii 2:12

A giala, a din lɛawaa mɛn bɔ á koa, Dɛnaa Lawa Pàãyiidɛnaa á re din gole-kɔlen kɛn laanka din koa wolen kɛn mìi diɛ ǹ giulun.

Izayii 24:19

Tán nə́ n dɛ, a n pupuri, a n wurii.

Izayii 34:4

Leere kurun kɛn man pɔpɔsɛ kiɛ. Lon nə n muni ka sɛ́wɔ bɛ́ lɔn. Lon màn tɛ-pɛle dadaran kɛn man mɛnɛɛ, ka luu gere bɛ́ boe lon mɛnɛɛ lɔn hinlaa ka da nɛ mərə bɛ́ niɛ̃ mɛnɛɛ lɔn.

Izayii 51:6

Ka n yii saa lon, ka ga. Ka n yii kɔ, ka ga tán. Lon tá re papaɛ̃ ka tɛmaa bɛ́ lɔn. Tán tá re pɔpɔsɛ ka mɔnaa bɛ́ lɔn. Min mɛnɛn dɔn bɛ́ giã-n la, ǹ tá re giɛ̃ ka nyuunun bɛ́ lɔn. Sɛnɛ, kirisibaa lɛ n goɛ̃ duduu. Ma bɛ die ka peperebaa mɛn nɛ, a re nyɛɛ duduu wa.

Zowɛli 1:15

Haya! Lɛawaa lɛ a mɛn tɔrɔ-n ke! Dɛnaa Lawa a lɛawaa lɛ diri. A n die n biɛ ka basaã-kɔle a basaã bɛ́ lɔn, boe Pàãyiidɛnaa Lawa li.

Zowɛli 2:1

Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Amɔɔsi 9:13

Dɛnaa Lawa wusoo á kɛ pɛ doo: Á ke, biikoo á re die, kaa-piɛ waáraa á die n biɛ wuru dí a yoo lɛa doo, rezɛ̃ tɔtɔrɛɛ a nya á die n biɛ màn nàn diɛ a biikoo lɛa doo. Duvɛ̃ dii tá re baa sii tán kelen mii ni a da tentenen mui.

Amɔɔsi 9:5

Bɛ̀ pàã tumaa a Dɛnaa Lawa nə́ n gɔn da tán lɛ ganaa lɔn gɔrɔ a n bìn diɛ. Min tumaa nə n duwi. Tań lɛ tumumaa n yui ka Niili tà kɛa mu bɛ́ lɔn, a wusoo bɛ̀ a waa, ka bɛa tà lɛ a mu bɛ́ lɔn.

Misee 1:4

Kelen kɛn man die wurii a gòãn giulun, nyankɔrɔ basan kɛn man die yaliɛ, ka zoo gón bɛ́ tɛ li lɔn, ka mu bɛ́, ǹ nə́ kaa kele baã zuməə ǹ bǎã-n lɔn.

Nahumu 1:5

Kelen man bìn diɛ a nyɛɛnɛ tentenen man yoe. A daa biikoo li, tán nə bìn diɛ ka kanaa laanka a minbuiin tumaa nɛ.

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Marki 13:31

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa.

Luku 12:39

Ka á doɛ̃, mà bɛ̀ kiondɛnaa n wurumu a daa biikoo doɛ̃, mà a toɛ a da a kiɛnlɛ yiɛ wa.

Rɔmu minin 8:20

Kanaa màn din tumaa na a gialaa ziziɛ̃. A din a sii baraa a lɛa bie wa, a giala, Lawa na á ná a dɔ da minbuiin nɛ a dɔlɔ lɛ nɛ. Sɛnɛ, Lawa wusoo á foo-doa kɔ a din a da ǹ màn kɛ la.

Korɛnti1 1:8

A din dɔ n die pàã koe ka la sɔnbɔraanɛ, yǎa giala-nyɔmiɛ biikoo li, ka goã zɛ̀rɛ baãnaan lɛa wɔa Dɛnaa Yezu Krita a kiri-kurii pinaa.

Korɛnti1 5:5

ka bɛa dɛnaa kɛ lɛ kɔ *Sɛtaan la, a na a gɔ̀nɔn siĩ ziziɛ̃, ń giɛ a telenboen tá kirisibiɛ Dɛnaa a lɛawaa pinaa.

Korɛnti2 1:14

A giala sisia, ka ba a tumaa giala miɛ bɔrɔ wa. Sɛnɛ, Dɛnaa Yezu a wusoo a daa pinaa, ka á re n dinin kalɛɛ maa lɛa, ma dɔ á re n din kalɛɛ ka dɔn lɛa.

Tesaloniki1 5:2

Ka dininmaan tá doɛ̃ parsiini. Dɛnaa a daa pinaa lɛ n die wɔ tɔwɛɛ, ka wurumu bɛ́ die min tɔwɛɛ tèlò-n lɔn.

Tesaloniki1 5:4

Sɛnɛ, dɔɔ̃nɔn lɛn, kasɛn yii a tì bɛa sii lɛ gɔ́ɔ̃ nɛ, a lɛawaa tɔn da ka tɔwaa ka wurumu bɛ́ lɔn wa.

Piɛrɛ2 3:11

Ka bɛ́ doɛ̃, mà màn tumaa á re papaɛ̃ bɛa yɔrɔ kɛ lɛ la, ka doamaa nɛ ka n doa, ka tɔ sonbore wɔ, ka nyɛ́ɛ baa Lawa yii ni.

Piɛrɛ2 3:12

Ka doamaa nɛ ka n yii da lɛawaa kɛ la, Lawa bɛ́ re lon papaɛ̃ ǹ mɛn pinaa ka tɛ nɛ, a lon mànan kɛn yo tɛ-n. Ka n doa ka n wen waa, màn mɛn bɛ́ toɛ, bɛa lɛawaa kɛ lɛ da fufuu.

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

Zude 1:6

Ka n yiri kɔ kɛ dɔ nɛ, lon a dia dí-a wolen mɛnɛn bɛ́ ǹ giã ǹ dia dí-a wolebaa-n wa, ǹ nə́ ǹ bǎã toa walan, Lawa na á bɛn gisĩ á ǹ kaa wɔlɔ tì li, á fɔlɔ biɛn kaa ǹ ganaa. Maǹ die goɛ̃ bɛ-n duduu yǎa kiri kuru ǹ lɛawaa gole kɛ a pinaa.

Sii-nyaan 16:15

Á ke, Dɛnaa boo mɛn da: «Man die ka tɔwɛɛ ka wurumu wɔ bɛ́ lɔn. Min mɛn bɛ́ n yiri koɛ a din li, a ná a mɔnaan we, bɛa dɛnaa wɔ á bǐɛ̃ koe, a re woe ka a gɔ̀nɔn kooro ne, ǹ na a sìi yɛ kanaa wa.»

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 21:1

Má tɔ́n lon dii laanka tán dii yɛ. Lon zizi kɛ laanka tán zizi kɛ papaã, yìsi mu gole dɔ din banban doo wa.

Sii-nyaan 3:3

N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.

Sii-nyaan 6:14

Lon nə́ n munu kɔn, ka ǹ bɛ́ sɛ́wɔ muni kɔn lɔn. Kelen ne, ka tentenen mɛnɛn bɛ́ mu bii, ǹ tumaa papaã ǹ nə́ n bɔ ǹ bǎã nɛ.