Piɛrɛ2 2:6 - LAWA A BOO SONBORE

⁶ Lawa tɛ da Sodɔmu laanka Gomɔɔrɔ kiwi babaraan kɛn ganaa, ǹ nə́ kũ, ǹ nə́ ton baa. Bɛ na á n zɛnaa yiri kɔmala ǹ sii lɛa, á n nyaa piã-wɔlen kɛn manɛ, mà bɛ lɛ miã á die ǹ dɔn yii.

LAWA A BOO SONBORE 2011

⁶ Lawa tɛ da Sodɔmu laanka Gomɔɔrɔ kiwi babaraan kɛn ganaa, ǹ nə́ kũ, ǹ nə́ ton baa. Bɛ na á n zɛnaa yiri kɔmala ǹ sii lɛa, á n nyaa piã-wɔlen kɛn manɛ, mà bɛ lɛ miã á die ǹ dɔn yii.

Piɛrɛ2 2:6 Iomraidhean Croise

Siin Giala 19:28

Á n yii saa á ga Sodɔmu laanka Gomɔɔrɔ ganaa, ka ǹ lɛkoro lɛ-a bǎãn kɛn tumaa nɛ. Á tɛmaa yɛ yui tán kurukuru ka kùsì gole wɔ bɛ́ lɔn.

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 13:19

Lawa Sodɔmu laanka Gomɔɔrɔ yu lɔn lɛlɛ, a n die Baabilonii dɔ yui miɛ̃, asɛ kɛ lɛ gánan kiwi sonbore lɛa, a minin nə́ n dinin gole koe a paǹ li.

Zeremii 50:40

Dɛnaa Lawa a da ǹ boo á ke: Basaã mɛn Sodɔmu laanka Gomɔɔrɔ yɛ, ka ǹ lɛkoro-a kiwin ni, a din lɛ miã n die a dɔ yii. Min goon din ba re goɛ̃ a kiwin ni wa, minbuiin nɛ goon ba re goɛ̃ ǹ nɛ wa.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Amɔɔsi 4:11

Má bɔ̀n da ka ganaa, ká ma goã má da Sodɔmu laanka Gomɔɔrɔ ganaa lɔn lɛlɛ. Ka n ka tɛ gɔn lɛ bɛ́ lɔn, ǹ nə́ bɔ ǹ nə́ bɔ tɛ-n. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Sofonii 2:9

Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Minin nimi 26:10

Tán nə́ tɔ́n nə n lɛ bũ, á n lɛ tɔrɔ ǹ ganaa, ka Koree dɔ nɛ. Koree a kiodɛnan lɛn bɛ́ ǹ nə́ gã, tɛ bɛ́ á min biɛpaa ka posooro (250) lɛ kũ ǹ yii n koo, bɛ nə́ n baa sii a kɔnboe lɛa, zaman gialakun lɛ gɔn.

Matiə 10:15

Lawa bɛ́ re kiri we Sodɔmu laanka Gomɔɔrɔ kiwi min baraan kɛn ganaa ǹ mɛn pinaa, bɛn dɔlɔ á re goɛ̃ puusə ǹ wɔ ganaa.

Matiə 11:23

Kasɛn Kafaranaamu minin kɛn man taasɛ mà ka n die gole koe yǎa Lawa ganaa? Ka n die gisĩ yǎa bɔ̀nbaa ǹ tɛ gole kɛ nɛ. A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Sodɔmu, kiwi kɛ lɛ Lawa ziziɛ̃ ka tɛ nɛ, bɛ̀ a tá tɔn a tan haalɛ pelo.

Rɔmu minin 9:29

Izayii na á saa lɛlɛ á bɛ lɛ dɔ pɛ kɛnɛn: «Bɛ̀ Pàãyiidɛnaa Lawa din bie, á wɔsɛn tɔrɔ gialakun boɛɛn toa wa, bɛ̀ wɔsɛn nə́ papaã kanna ka lenlen, ka Sodɔmu laanka Gomɔɔrɔ kiwi babaraan kɛn bɛ́ ǹ nə́ papaã lɔn.»

Korɛnti1 10:11

Bɛa siin kɛn man nə́ n zɛnaa ǹ nɛ sii a kɔnboen lɛa. Maǹ nə́ tɔ́n nə ǹ kiɛ̃ sɛ́wɔ nɛ, mà ǹ wɔ dɔn biikoo giala-nyɔmɔɔ minin kɛn doroo ǹ siin baa.

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»

Ebrəə 4:11

Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Zude 1:15

màn mɛn bɛ́ toɛ, a kiri kuru min tumaa la. Á die dɔlɔ diɛ piã-wɔlen mìi ni, ǹ gɔ́ɔ̃ tii Lawa ganaa siin kɛn lɛa, ka ǹ boo bɔnɛɛn kɛn tumaa nɛ, ǹ nə́ ǹ da Lawa gana.»

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.