Piɛrɛ2 2:21 - LAWA A BOO SONBORE

²¹ A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.

LAWA A BOO SONBORE 2011

²¹ A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.

Piɛrɛ2 2:21 Iomraidhean Croise

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 85:8

Dɛnaa Lawa, n kɔn-narɛɛ gole kɛ nyaa wɔ nɛ, wɔ yɛ, n din nə wɔ kirisibaa.

Suusun 12:28

Yiikoonaabaa n peperebaa ǹ zii la. Min woo min kɔ bɛa zii lɛ lɛ, a n kanbiɛ gɛ̀ ganaa.

Suusun 16:31

Nyin sasa n saraa sonbore lɛa, min mɛnɛn bɛ́ sii sonbore zɛnɛɛ, bɛn man yii.

Ezekieli 18:24

Sɛnɛ, bɛ̀ min pepere ná a peperebaa toa walan, a n kɔkɔrɔbaa ǹ sii zɛnɛɛ, a n sii bɔbɔnɛɛ zɛnɛɛ ka min baraan kɛn bɛ́ zɛnɛɛ lɔn, bɛa dɛnaa lɛ yii á boe la a goã koo sonbore? Haayii dɛ! A sii sonbore mɛn tumaa zɛnaa, bɛ kɔn a taasiɛ ba re die min yiri-n wa. A n die giɛ̃, a giala, á bɔlɔ tii sii zɛnaa, á sii baraa zɛnaa.

Ezekieli 23:13

Má a dɔ yɛ á n din gɔgɔrɛ kɔ, ǹ dinin min paa a zɛnaa ǹ sii ǹ goon.

Ezekieli 3:20

A din yii goon ne, bɛ̀ min pepere dɔ ná a peperebaa kaa, á n sii kɔkɔrɔ zɛnɛɛ, a giala mà má n da a gɔ̀ɔ̃ li, ma á re dii a sã lɛ taman yii a gã. Bɛ̀ n nə n gɔn waa-n sɛn wa, a n die giɛ̃ a sii baraan lɛn taman yii. A sii peperen mɛnɛn zɛnaa lɛlɛ, ma bie re giɛ bɛn ganaa wa. Sɛnɛ, man die a gɛ̀ lɛ a sii diɛ n din mìi ni.

Ezekieli 33:13

Sɛnɛ, bɛ̀ má pɛ min pepere ne, máa sàabaa ba la wa, máa a yii á re goɛ̃ koo, bɛ̀ á n foo doa a lɛlɛ a peperebaa kɛ la yǎa a sii baraa zɛnaa, a sii peperen kɛn lɛn á ǹ zɛnaa, ǹ goon din là banban. A sii baraa mɛn zɛnaa, a n die giɛ̃ bɛ lɛ taman yii.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Matiə 21:32

A giala, ZAÃ na á daa zii pepere nyaa ka nɛ, sɛnɛ, ka waa a boo la wa. Wusuru-silin laanka lɔ kɔrɔn sɛn nə́ waa la. Ka bɛ yɛ, haalɛ bɛ din tumaa kio, ka nə n taasɛ, ka wusoo ka kio ne, ka golee a boo li wa.

Luku 12:47

Bɛa dí-nyali kɛ lɛ, á goã a dɛnaagiĩ foo sii doɛ̃, a ná a màn kɔ́n dɔ zɛnaa a yɔrɔ li wa, a dɔlɔ á re gole koe.

Zaã a sɛ́wɔ 15:22

Bɛ̀ ma bie má daa lɛlɛ má boo da ǹ nɛ wa, bɛ̀ sii baraa ba ǹ mìi-n wa. Sɛnɛ, sisia, ǹ sii baraa kɛa sabara banban.

Zaã a sɛ́wɔ 9:41

Yezu tɔ́n pɛ ǹ nɛ: «Bɛ̀ ka n yii tere-an lɛa, bɛ̀ sii ba ka mìi-n wa. Sɛnɛ, haalɛ tɔn pelo, ka n pii mà kasɛn yii á wɔlɔ yii, bɛ lɛ na á toa, kaa sii baraa tá tɔn ka mìi ni.»

Rɔmu minin 7:12

Bɛa yɔrɔ kɛ lɛ la, dí-pɛn man nə́ bɔ Lawa li. Dí-pɛ gogoonmaa mɛn bɔ Lawa li ke, bɛ n pepere, a n siĩni.

Galaasi minin 6:2

Ka n dɔ kɔn lɛ, ka kɔn a guĩ gũ. Bɛ̀ ka á zɛnɛɛ miɛ̃, ka ǹ *Krita a dí-pɛn lɛ sii.

Tesaloniki1 4:2

Wɔ doroon mɛnɛn kɔ ka la, á bɔ wɔa Dɛnaa Yezu li, ka á bɛn doɛ̃.

Timote1 6:14

N doa n dí-pɛ lɛ tamaa, n goã *yoreen ne, zɛ̀rɛ baran goã n ganaa wa, yǎa wɔa Dɛnaa Yezu Krita a din nyaa pinaa.

Ebrəə 10:26

Wɔa sonbore doɛ̃ taãn-taãn kio, bɛ̀ wɔ á tɔn nə n tiɛ̃ sii baraa zɛnɛɛ, sii baraa toa ǹ wúlu kɔ́n banban doo wa.

Zaaki 4:17

Bɛ gɔ́ɔ̃ nɛ, bɛ̀ min mɛn tá sii sonbore zɛnaa ǹ gɔn doɛ̃, a ná a ba zɛnɛɛ wa, bɛa dɛnaa n sii baraa diɛ a din mìi ni.

Piɛrɛ2 3:2

Man giɛ li, ka n yiri gisĩ boon kɛn nɛ, Lawa a boo gii-dali sonboren kɛn nə́ ǹ pɛ lɛlɛ, ka Dɛnaa Minin Nyin-sili a dí-pɛ kɛ nɛ, dia dí-a wolen nə́ ka daraa a ganaa.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.