Piɛrɛ2 2:20 - LAWA A BOO SONBORE

²⁰ Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.

LAWA A BOO SONBORE 2011

²⁰ Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.

Piɛrɛ2 2:20 Iomraidhean Croise

Ezekieli 33:13

Sɛnɛ, bɛ̀ má pɛ min pepere ne, máa sàabaa ba la wa, máa a yii á re goɛ̃ koo, bɛ̀ á n foo doa a lɛlɛ a peperebaa kɛ la yǎa a sii baraa zɛnaa, a sii peperen kɛn lɛn á ǹ zɛnaa, ǹ goon din là banban. A sii baraa mɛn zɛnaa, a n die giɛ̃ bɛ lɛ taman yii.

Lawa a wúlu-bɔlen 13:20

Wúlu-bɔle lɛ ga a busu lɛ ganaa. Bɛ̀ á wɔ̀lɔ̀ da a gɔ̀nɔn ganaa, á ná a ka bɔyaa á baa fu, wúlu-bɔle lɛ pɛ ma gɔ̀dɛnaa nɛ. Gɔ̀nɔn ki busu babaraa nɛ, giɛ mà á soe a boree bǎã lɛ nɛ.

Lawa a wúlu-bɔlen 13:55

Sulii bǎã lɛ a pii kio, wúlu-bɔle lɛ wusoo a ga a ganaa. Bɛ̀ a sulii bǎã lɛ yii nàn nə n bɔyaa wa, haalɛ tà màn dɔ din mɛ li wa, a bɛ́ màn mɛn ganaa, mà màn gɔgɔrɛ nɛ. Ǹ doamaa nɛ ǹ tã. A giala mɔnaa nɛ, sulii lɛ sɔ̃ a làfu ganaa hinlaa a yɔrɔ ganaa.

Lawa a wúlu-bɔlen 14:43

Bɛ̀ sulii bǎã lɛ wusoo á ná a giala kɔ á n soe kion lɛ gɔ̀nɔn ganaa kɔlɔn lɛn waa kio, a gɔ̀nɔn lɛ a gasaã laanka a wusoo a tɔrɛɛ kio,

Minin nimi 24:20

Bɛ kio, Balaamu yii Amalɛki tɔrɔn yɛ, á tɔ́n bɔ boon kɛn nɛ kɛnɛn á ǹ pɛ: Amalɛki tɔrɔ n tɔrɔn nyɛɛnɛ. Sɛnɛ, nyɔɔbaa, bɔ̀n nɛ.

Timəə dí-pɛn 32:29

Bɛ̀ maǹ sii doɛ̃, sii mɛn bɛ́ n yii diɛ ǹ la, bɛ̀ ǹ tá n taasɛ ka bɛ nɛ, bɛ̀ ǹ tá re a giala miɛ.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Timote2 2:4

Bɛ̀ min tá woe sɔraasibaa ǹ bǎã nɛ, bɛ̀ a tá li a sii kɔɔ̃n kɔ a goledɛnaa ganaa, a ba n taasɛ kanaa kɛ a siin ni wa.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.

Piɛrɛ2 1:2

Lawa á re bǐɛ̃ gigiã zɛnɛɛ ka nɛ, a là nyantoro gigiã kɔ ka la. Bɛ á re n zɛnɛɛ, bɛ̀ ka á Lawa laanka wɔa Dɛnaa Yezu kɛ doɛ̃, ka á woe nyɛɛnɛ.

Piɛrɛ2 1:3

Sonbore ne, wɔ laadoo bɛ́ màn mɛn tumaa ganaa, wɔ boo la wɔ tɔ wɔ ka nyɛ́ɛbaa Lawa yii-n ni, Dɛnaa na á bɛ kɔ wɔ la ka a din pàã nɛ. Wɔ n bɛ tumaa yii, bɛ̀ wɔ á Dɛnaa doɛ̃, asɛ mɛn bɛ́ á wɔ bíi, wɔ́ daa a ganaa, ka a din a gugurubaa laanka a sonborebaa barka nɛ.

Piɛrɛ2 1:4

A din lɛ barka nɛ, wɔ́ naforo laanka bǐɛ̃baa sonboren yɛ, a n lɛ kɔ wɔ la ka ǹ mɛnɛn lɛn nɛ, mà asɛ á re wɔ sii kanaa gɔ́ɔ̃ nɛ ǹ dùũ sii babaraan kɛn laanka bɔnɛɛbaa kɛ la, á wɔ bɔyaa wɔ sɔ̀n nə́ n baa ka a din wɔ bɛ́ lɔn.

Piɛrɛ2 1:8

A giala, bɛa para pɛ ǹ siin kɛn lɛn, bɛ̀ bɛn tá ka lon gigiã, ǹ ba toɛ ka goã dí-nyali baãnaan lɛa wa, ǹ ba toɛ dɔn ka fɔ̃ wɔa Dɛnaa Yezu Krita doɛ̃ li wa.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.