Piɛrɛ2 2:2 - LAWA A BOO SONBORE

² Min gigiã á re koe ǹ lɛ ǹ naarɛbaa gɔ́ɔ̃ nɛ. Ǹ dinin lɛn lɛa nɛ, minin tá re sonbore zii kɛ tɔ ziziɛ̃.

LAWA A BOO SONBORE 2011

² Min gigiã á re koe ǹ lɛ ǹ naarɛbaa gɔ́ɔ̃ nɛ. Ǹ dinin lɛn lɛa nɛ, minin tá re sonbore zii kɛ tɔ ziziɛ̃.

Piɛrɛ2 2:2 Iomraidhean Croise

Siin Giala 19:5

Ǹ nə́ Lɔti bíi ǹ nə́ pɛ-n kɛnɛn: «Giĩn kɛn lɛn, ǹ nə́ daa n kion tèlò kɛ lɛ nɛ, maǹ maa? Ǹ waa n da soo ǹ ne, wɔsɛn nə ga ǹ li.»

Loen 18:21

Dɛnaa Lawa na á ma kũ maa peperebaa li. A na á ma saraa, á kɔnpɛ maa sii la baã nɛ.

Izayii 35:8

Zii gole á re yii walan ǹ bíi "sonborebaa ǹ zii". Gɔ̀dɛnaa kɔn ba re boe walan wa, a n die goɛ̃ Lawa a zaman dinsɔɔ̃ wɔ lɛa. Baãnaan ba re die n dinin daɛ walan wa.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Matiə 22:16

Ǹ nə́ ǹ kialandɛnan dia, kun ka min mɛnɛn bɛ́ kii Erɔdi a pàã li, mà ǹ wo pɛ Yezu ni: «Mìinaa, wɔsɛn tá doɛ̃, n tá sonbore pii, n tá minin darɛɛ Lawa a zii ganaa ka a peperebaa nɛ, n ba nyɛ́ɛ biɛ minbuiinin taasiɛ-n wa, a giala n ba minin bɔkɔnlɛ we wa.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Matiə 7:14

Sɛnɛ, kiɛnlɛ mɛn bɛ́ woe min ni yiikoonaabaa ǹ bǎã nɛ bɛ n boɛɛnɛ, zii mɛn dɔ bɛ́ woe walan, bɛa kɔmalɛ n kaka. Min gigiã ba koe bɛ lɛ lɛ wa.

Marki 12:14

Ǹ nə́ woo ǹ nə́ nɔ̀n da la kɛnɛn: «Mìinaa, wɔsɛn tá doɛ̃, wáa n tá sonbore pii, minbuiinin bɛ́ màn mɛn taasɛ, n ba nyɛ́ɛ biɛ bɛ-n wa, a giala, n ba minin bɔkɔnlɛ we wa, sɛnɛ, ma n minin darɛɛ Lawa a zii ganaa ka peperebaa nɛ. Á siĩni wɔ nyin giɔ̀mɔ saraa Rɔmun kii gole gole la hinlaa, wɔ baran saraa wa?»

Marki 13:22

A giala, min tɛn tá re die a soɛ kuru mà asɛ n Minin Nyin-sili lɛa, min tɛn dɔ á re die a soɛ kuru mà asɛ n Lawa a boo gii-dali lɛa. Ǹ tá re sii a kɔnbɔn laanka kaãbaa ǹ sii kakan zɛnɛɛ ǹ minin yiri sã nɛ. Bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Nya ǹ dín 13:10

á pɛ nɛ: «*Sɛtaan min ni, yiri tá n lon n nə́ sii kɔkɔrɔ tɔrɔ tumaa zɛnɛɛ nɛ, n ba lɛ koe sii pepere kɔ́n zɛnaa ganaa wa. N ba Dɛnaa a sii yɔrɔ bɔn kɛn sàabaa lɛ diɛ wa?

Nya ǹ dín 14:2

Sɛnɛ, Zuifu kɔsɔn mɛnɛn bɛ́ ǹ lɛ kɔ boo lɛ a sonborebaa ganaa wa, bɛn nə́ tɔrɔ kɔsɔn lɛn gòãn sɔsɔmɔ, ǹ nə́ ǹ kaa Lawa-nyankɔlen lɛn ganaa.

Nya ǹ dín 16:17

A na á goã koe wɔ kio lɛ, wɔ laanka Pooli ni, bɛ̀ a nə́ n lɛ dii: «Minin kɛn man Lon a Lawa Gole a dí-nyalin lɛa. Maǹ kirisibaa ǹ zii boo pii ka nɛ.»

Nya ǹ dín 18:26

Á yoo á Lawa a boo pɛ lɛsɔkɔn kion ka foo tãbaa nɛ. Prisili laanka Akilaasi bɛ́ ǹ nə́ n too kɔ a lon, ǹ nə́ kũ ǹ nə́ da kunun ǹ dinin ni, ǹ nə́ wusoo ǹ nə́ Lawa a zii lɛ nyaa-n doo ka a peperebaa nɛ.

Nya ǹ dín 19:9

Sɛnɛ, ǹ tɛnɛn nə́ n too kaka kɔ, ǹ lɛ kɔ ǹ nə́ boo lɛ si taãn lɛa wa. Ǹ nə́ boo baraa da Dɛnaa a zii lɛ ganaa zaman lɛ bii. Pooli nə́ ǹ toa walan, á Lawa-nyankɔlen lɛn sɛn kũ ǹ gɔrɔn, bɛ̀ a Lawa a boo lɛ pɛ ǹ nɛ baraabaraa Tiranɔɔsi a minin daraa ǹ kion.

Nya ǹ dín 22:4

Man má goã yɔ boe kɔn ka Zii dii kɛ lɛ nɛ, máa ma dɛ a papaã. Bɛ lɛ gɔ́ɔ̃ nɛ, má ǹ da giĩn laanka lɔn yii ganaa ka fɔlɔ biɛn nɛ, ǹ nə́ ǹ zũzũ kòso-n.

Nya ǹ dín 24:14

Sɛnɛ, ma bɛ́ lɛ koe màn mɛn ganaa, man n die bɛ pii n ni: Masɛ n wɔ digolon Lawa kɛ guguru koe, á kɔnpii ka zii dii kɛ nɛ, ǹ bɛ́ mà Zii mɛn lɛ n soɛ lɛa. Sɛnɛ, màn mɛn tumaa bɛ́ kiɛ̃ nɛ, Muizu a landa sɛ́wɔ laanka Lawa a boo gii-dalin sɛ́wɔn nɛ, má golee bɛ tumaa li.

Rɔmu minin 2:24

Sonbore, a kiɛ̃maa tá Lawa a boo-n kɛnɛn: «Ka dinin kɛn lɛn lɛa nɛ, tɔrɔ kɔsɔn tá Lawa tɔ ziziɛ̃.»

Timote1 5:14

Bɛ lɛ-n ma á giɛ li, máa lɔ giɔɔrɔ tenən nə wusoo ǹ wɔ giĩ li, ǹ nɛnyaanan yɛ, ǹ ga ǹ dinin kion walan, màn mɛn bɛ́ toɛ, wɔa zɔ́ɔn baran wɔ tɔ ziziɛ̃ wa.

Tiitii 2:5

Ń giɛ dɔn ǹ tá boe la ǹ goã mìiwedɛnan lɛa, ǹ nə́ *yoreen ne, ǹ lɔ baa, ǹ dí-nyali sonboren baa kion, ǹ sii n siĩni, ǹ nə ǹ zuũn lɛ si. Màn mɛn bɛ́ toɛ, min kɔ́n baran boo-ziziɛ̃ da Lawa a boo wɔ paǹ li wa.

Tiitii 2:8

Boo peperen da, ǹ nə́ ǹ ba boe la ǹ lɛ pɔrɔ ǹ ganaa wa. Ń giɛ n zɔ́ɔn tá goɛ̃ ka sìi ni, ǹ yii ná a ba baraa kɔ́n ganaa, ǹ tá diɛ wɔa wɔ paǹ li wa.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Piɛrɛ2 2:12

Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.

Piɛrɛ2 2:15

Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Piɛrɛ2 2:21

A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.

Piɛrɛ2 2:7

Lawa din lɛ kɔ Lɔti mɛn ganaa min pepere lɛa, á bɛ bɔ bɛa bɔ̀n kɛ lɛ nɛ. Lɔti lɛ goã nɔmaa nɛ bɛa min babaraan kɛn lɛn naarɛbaan lɛa.

Zude 1:10

Sɛnɛ, soɛ-bɔlen kɛn lɛn sɛn, ǹ bɛ́ ǹ ba màn mɛn giala miɛ wa, maǹ sɔ koe bɛ ganaa. Ǹ bɛ́ mànan mɛnɛn doɛ̃ ǹ dinin ganaa, baãnaabaa gɔ́ɔ̃ nɛ ka tɔɔn wɔ bɛ́ lɔn, bɛ lɛ nə ǹ papaɛ̃.

Zude 1:15

màn mɛn bɛ́ toɛ, a kiri kuru min tumaa la. Á die dɔlɔ diɛ piã-wɔlen mìi ni, ǹ gɔ́ɔ̃ tii Lawa ganaa siin kɛn lɛa, ka ǹ boo bɔnɛɛn kɛn tumaa nɛ, ǹ nə́ ǹ da Lawa gana.»

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.