Piɛrɛ2 2:15 - LAWA A BOO SONBORE

¹⁵ Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.

LAWA A BOO SONBORE 2011

¹⁵ Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.

Piɛrɛ2 2:15 Iomraidhean Croise

Kiin1 18:18

Yilii ná a lɛ si: «Masɛ sii bie wa. N din laanka n kion minin sii ni. A giala, ka Dɛnaa Lawa a gɔn waa ǹ boon toa walan, ka bɛ dɔ nɛ, ń *Baali nyínin guguru kɔ.

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Nehemii 13:2

A giala, Amɔn tɔrɔn lɛn laanka Moabu tɔrɔn lɛn nə goã ǹ nə́ daa n da Izirayeli minin lɛn lɛ, ka màn-bii laanka mu-n wa. Ka bɛ dɔ nɛ, Moabu gána goã á Balaamu lɛ pii á da Izirayeli minin lɛn ganaa, á lɛn baraa bíi ǹ li. Sɛnɛ, wɔa Lawa bɛa lɛn baraa kɛ lɛ bɔyaa, á baa sii bǐɛ̃ lɛa.

Suusun 28:4

Min mɛnɛn bɛ́ ǹ ba koe dí-pɛn lɛ wa, maǹ min baraan laakalɛ. Sɛnɛ, min mɛnɛn bɛ́ koe dí-pɛn lɛ, bɛn manə n gòãn dii ǹ ganaa.

Ezekieli 9:10

A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Misee 6:5

Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Minin nimi 22:23

Dundun dan lɛ Dɛnaa Lawa a lon a dia dí-a wole lɛ yɛ doa-n zii lɛ la, ka gɔya sa ná a gɔn, a ná a ba a kii-n wa. Dundun dan lɛ tɔ́n zii da, á n dɔ da lɛ-n. Balaamu dundun dan lɛ məə, á da zii la doo.

Minin nimi 22:28

Dɛnaa Lawa tɔ́n dundun dan lɛ da boo diɛ ganaa, á n lɛ da Balaamu lɛ: «Ma n má wàa pɛ n ganaa, ń tá koɛ kɔn la gunyin sɔɔ masɛ dii?»

Minin nimi 22:32

Dɛnaa Lawa a lon a dia dí-a wole lɛ tɔ́n nɔ̀n da la kɛnɛn: «Wàa na á baa ń koa kɔn la gunyin sɔɔ, n nə́ n dundun dan lɛ dɛ? Á ke, ma din ni má soo má daa zii tã n ganaa, a giala zii-tɔ lɛ nyɛɛn ba re bǐɛ̃ biɛ n ganaa wa.

Minin nimi 31:16

A da yaa, bɛa Madiã lɔn kɛn lɛn dinin man nə́ n saa Balaamu a boo li, ǹ nə́ toa Izirayeli minin lɛn nə́ n baa bɔlɔgoonbaãdɛnan lɛa Dɛnaa Lawa yɔrɔ-a wa, Pewɔɔrɔ a sii kɛ gɔ́ɔ̃ nɛ. Bɛ́ toa koe bɔ Dɛnaa Lawa a zaman lɛ ganaa.

Matiə 26:9

Toa bɛ̀ wɔ n wɔ́ nyɔɔ kɛ lɛ sã giɔ̀mɔ kaka ganaa, wɔ́ a wɔrɔ kɔ doobaan la!»

Nya ǹ dín 1:18

Sɛnɛ, bɛa giĩ kɛ lɛ na á wuru pii ka a baraabaa a saraa nɛ. Á bɔ á n tɔ tán a mìi la, á n nɔ̀ toɛ̃ a gɔ́ɔ̃gɔ́ɔ̃ ǹ nàn kaa lenlen.

Nya ǹ dín 13:10

á pɛ nɛ: «*Sɛtaan min ni, yiri tá n lon n nə́ sii kɔkɔrɔ tɔrɔ tumaa zɛnɛɛ nɛ, n ba lɛ koe sii pepere kɔ́n zɛnaa ganaa wa. N ba Dɛnaa a sii yɔrɔ bɔn kɛn sàabaa lɛ diɛ wa?

Piɛrɛ2 2:13

Ǹ nɔmaan mɛnɛn da ǹ miãn mìi ni, bɛn saraa ǹ dɔlɔn man die wusii, ǹ dɔ ǹ dinin ganaa. A n kɔɔ̃nɛ ǹ ganaa, ǹ nə ǹ dùũ sii babaraan kɛn zɛnaa penleen tiɛɛ̃n nɛ. Bɛ̀ ǹ tá kun ka nɛ kaa màn bii ǹ bǎã nɛ, manə ǹ sii kɔkɔrɔn lɛn zɛnɛɛ. Ǹ tá ka bii lɛ din nə *gɔ̀ laanka wɔ̀lɔ̀ lɛa.

Zude 1:11

Bɔ̀n nə ǹ wɔ lɛa! A giala, maǹ nə́ Kanyɛ a baraabaa ǹ zii kɛ saa. Ǹ dɔn nə́ n dinin kɔ minin bebele a màn si ǹ dí kɛ la, ka Balaamu bɛ́ á goã zɛnɛɛ lɔn. Koore minin gɔ́ɔ̃ tii lɔn, ǹ tumaa bɔ̀n baa kun, ǹ dɔn man nə́ bɛa zii lɛ saa, ǹ nə́ woe bɔ̀n biɛ.

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.