Piɛrɛ2 2:14 - LAWA A BOO SONBORE

¹⁴ Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.

LAWA A BOO SONBORE 2011

¹⁴ Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.

Piɛrɛ2 2:14 Iomraidhean Croise

Zɔbu 31:7

Bɛ̀ má zii da, bɛ̀ ma foo nə́ n saa ma yii nànan li, bɛ̀ má *gɔ̀ sii zɛnaa,

Zɔbu 31:9

Bɛ̀ ma yii bɔ lɔ kɔsɔ li, bɛ̀ má n naa ma miã a kiɛnlɛ-a,

Suusun 5:6

A ba yiikoonaabaa ǹ zii siɛ wa. A siɛ̃ zii ganaa a ná a ba doɛ̃ wa.

Suusun 6:25

N baran n saa bɛ miã lɔ kɛ lɛ a siĩnbaa li wa, n nyan nə saa a yii bɔ mali li wa.

Izayii 1:16

Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.

Izayii 34:5

Dɛnaa Lawa a gɔya sa á ke yii lon. Á ke gisĩ Edɔmu minin la, a tɔrɔ mɛn lɛ bɔ á koa ziziɛ̃ taman yii.

Izayii 65:20

Nɛnyaan tiɛɛ̃n ba re yii, a ná a beleboe wa. Min zizin ba re giɛ̃, bɛ̀ ǹ nə́ ǹ zizi kɔ wa. Min mɛn bɛ́ re giɛ̃ ten, bɛ n die goɛ̃ lɛ̀ paabiɛ. Bɛ̀ min mɛn gã a ná a dɔ lɛ̀ paabiɛ wa, bɛ n goon ka lɛn baraa bíi ni.

Zeremii 13:23

Etiopii min tá boe la a n gɔ̀nɔn ki bɔyaa? Goe á boe la a na a sisiabaa kɛ bɔ a din ganaa? Haayii! Kasɛn mɛnɛn dɔn lɛ mui ka sii baraa zɛnaa nɛ, ka ǹ siɛ lɔn ka boo sii bǐɛ̃ zɛnaa la.

Ezekieli 13:18

n pɛ: Masɛ Dɛnaa Lawa n kɛ pii: Bɔ̀n tá re ka yii. A giala, ka n mɔnaa gɔnɔn zɛnɛɛ, ka n kiɛ min tumaa gɔn wìi-a, ka n pataran zɛnɛɛ, mà min tumaa bɛ kɔ a mìi lɛ, màn mɛn bɛ́ toɛ ka gɔn dɔ ǹ telenboenen ganaa. Ka n giɛ li ka maa zaman kɛa minin telenboenen kũ, ka dinin telenboenen kɛn, ka bɛn tamaa. Bɛ giala n ka wàa nɛ?

Matiə 12:34

Miɛ̃ tɔrɔn lɛn! Boo sonbore n siɛ lɔn a bɔ ka lɛ-n, a da yaa ka dininmaan nə́ baraa? A giala min gɔ́ɔ̃ bɛ́ á pã ka boo mɛn nɛ, a lɛ n bɛ lɛ diɛ.

Matiə 23:14

Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n mɛnɛɛ lɔ giɔɔrɔn la ka tá ǹ gɔn màn yii sii ǹ la, bɛ̀ ka wusoo ka wo Lawa nyankɔ ka belebɔ la, ka ka sii zɛnaa wa. Bɛ lɛ taman yii, Lawa á die dɔlɔ gole boe ka ganaa.]

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 5:28

Sɛnɛ, masɛ n pii ka nɛ, bɛ̀ giĩ mɛn ga ǹ miã a lɔ ganaa a yii bɔ li, bɛa dɛnaa na á naarɛbaa zɛnaa kun ni gɔrɔ a din foo ne.

Marki 13:22

A giala, min tɛn tá re die a soɛ kuru mà asɛ n Minin Nyin-sili lɛa, min tɛn dɔ á re die a soɛ kuru mà asɛ n Lawa a boo gii-dali lɛa. Ǹ tá re sii a kɔnbɔn laanka kaãbaa ǹ sii kakan zɛnɛɛ ǹ minin yiri sã nɛ. Bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Zaã a sɛ́wɔ 5:44

Ka n siɛ lɔn ka tɔn golee masɛ li, kasɛn mɛnɛn bɛ́ giɛ tɔ li kɔn li, a da yaa tɔ mɛn bɛ́ boe Lawa dinsɔɔ̃ li ka a giɛ bɛ li wa?

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Korɛnti1 11:19

A n siĩn dinin nana-kɔn yɛ ka bii, min mɛnɛn bɛ́ min peperen lɛa, wɔ tɔn boo la wɔ bɛn dɔ̃.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Zaaki 1:8

a giala, a gɔ́ɔ̃ n paa, a sii kɔ́n ba a giala la wa.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Piɛrɛ2 3:16

A n bɛ lɛ pii a sɛ́wɔn tumaa nɛ bɛa siin lɛn wɔ gɔn la. Sonbore, a sɛ́wɔn lɛn nɛ, bǎã kakan tɛnɛn tan minin kɔnɔn nə́ ǹ boo giala kɔkɔrɔ. Bɛa minin kɛn lɛn man sii giala ma baãnaan lɛa ka foo-doa baãnaan nɛ. Maǹ bɛa dí kɛ lɛ nyɛɛ Lawa a boo lɛ a paǹ gialakunun kɛn dɔn ganaa. Ǹ dinin bɔ̀n-baa ǹ dí ni.

Zaã1 2:16

A giala, màn mɛn tumaa bɛ́ kanaa wɔ lɛa, yii bɔ màn li ni, gɔ̀nɔn foo sii baraan manɛ, ka din koa kanaa siin la nɛ. Bɛn kɔ́n bie boe Díi Lawa li wa, sɛnɛ maǹ kanaa wɔn lɛa.

Zude 1:11

Bɔ̀n nə ǹ wɔ lɛa! A giala, maǹ nə́ Kanyɛ a baraabaa ǹ zii kɛ saa. Ǹ dɔn nə́ n dinin kɔ minin bebele a màn si ǹ dí kɛ la, ka Balaamu bɛ́ á goã zɛnɛɛ lɔn. Koore minin gɔ́ɔ̃ tii lɔn, ǹ tumaa bɔ̀n baa kun, ǹ dɔn man nə́ bɛa zii lɛ saa, ǹ nə́ woe bɔ̀n biɛ.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.