Piɛrɛ2 2:12 - LAWA A BOO SONBORE

¹² Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.

LAWA A BOO SONBORE 2011

¹² Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.

Piɛrɛ2 2:12 Iomraidhean Croise

Loen 49:10

Min tá boe la a goã a yii n koo yǎa duduu? Min tá boe la a goã a ná a giɛ̃ wa?

Loen 92:6

Dɛnaa Lawa, n nya ǹ dín lɛn tá dadara dɛ. N taasiɛn lɛn tá zuzulu, á la yii ni.

Loen 94:8

Kaa baãnaabaa lɛ la yii ni, ka toa ka sii dɔ̃. Ka yiri lɛ kiɛɛrɛ kɔ á la yii ni, ka á re sii giala miɛ ǹ kɔn pinaa dinin le?

Suusun 14:32

Min baraa a baraabaa nə n bɔyɛɛ a kirəə a din la. Sɛnɛ, ta gɛ̀ biikoo ne, min pepere foo n doa nɛ.

Zeremii 10:21

Zaman-lɛduə̃lin nə́ baãnaabaa zɛnaa. Ǹ ga Dɛnaa Lawa li wa. Bɛ lɛ nɛ, ǹ sii kɔn yɔrɔ yɛ wa. Ǹ bɛ minin mɛnɛn mìi la, ǹ tumaa pɛsɛ̃.

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 12:3

Sɛnɛ, Dɛnaa Lawa, ń tá ma doɛ̃, ń yii tá ma-a. Ń tá doɛ̃ ma man kunun n ni ka ma foo din tumaa nɛ. Min baraan kɛn kaa para-a ka sèren bɛ́ lɔn, ǹ nə́ woe ǹ bɔlɔ kuri. Ǹ kaa ǹ gɔrɔn dɔlɔ pinaa kɛ taman yii!

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zeremii 5:4

Man taasɛ: «Min mɛnɛn bɛ́ ǹ ba n taasɛ sɔsɔɔ wa, bɛn zɛnaa ǹ sii n kɛ nɛ. Maǹ sii zɛnɛɛ ǹ nə́ ǹ ba n taasɛ wa. Taãn nɛ! Ǹ ba ǹ Dɛnaa Lawa dùũ doɛ̃ wa, ǹ ba a dí-pɛn dɔn doɛ̃ wa.

Ezekieli 21:31

Ma din Dɛnaa Lawa gole n kɛ pii: Ǹ tá re n kiibaa ǹ bafolo laanka n gɛ̀lɛ boe ǹ bɔ n mìi-a, siin nə n bɔyaa. Min mɛn bɛ́ tán, bɛ á re yui lon, min mɛn bɛ́ lon, bɛ á re gisĩ tán.

Marki 7:22

naarɛbaa nɛ, yii a bɔ min kɔsɔ gɔn màn li ni, baraabaa nɛ, din kũ-doɛ̃baã nɛ, minin bebele ne, foo a wuu pɛ nɛ, min kɔsɔ tɔ ziziɛ̃ nɛ, din gole kɔ nɛ, ka baãnaabaa nɛ.

Zaã a sɛ́wɔ 8:21

Yezu wusoo á pɛ ǹ nɛ: «Man die woe. Ka tá re giɛ ma li, sɛnɛ, ka tá re giɛ̃ ka kaa sii baraa nɛ ka mìi ni. Ma bɛ́ woe bǎã mɛn nɛ, ka a boe la ka wo walan wa.»

Galaasi minin 6:8

Bɛ̀ min màn da á kɔnpɛ ka a gɔ̀nɔn foo sii ni, gɔ̀nɔn foo sii bɛ́ màn mɛn koe, a n die bɛ kuri: Gɛ̀ nɛ. Sɛnɛ, bɛ̀ min màn da á kɔnpɛ ka Yiri Fu foo sii ni, Yiri Fu bɛ́ màn mɛn koe, a n die bɛ kuri: nyin nyabaã nɛ.

Kolɔɔsi minin 2:22

Bɛa boon kɛn lɛn bɛ́ n diɛ mànan mɛnɛn tumaa wɔ gɔn la, bɛ̀ ǹ tá dí nyɛɛ ǹ nɛ, bɛn tumaa n ziziɛ̃. Bɛa boon kɛn lɛn man minbuiinin dí-pɛn lɛa ka ǹ daraan nɛ.

Piɛrɛ2 1:4

A din lɛ barka nɛ, wɔ́ naforo laanka bǐɛ̃baa sonboren yɛ, a n lɛ kɔ wɔ la ka ǹ mɛnɛn lɛn nɛ, mà asɛ á re wɔ sii kanaa gɔ́ɔ̃ nɛ ǹ dùũ sii babaraan kɛn laanka bɔnɛɛbaa kɛ la, á wɔ bɔyaa wɔ sɔ̀n nə́ n baa ka a din wɔ bɛ́ lɔn.

Piɛrɛ2 2:19

Maǹ pii bɛa minin kɛn lɛn manɛ, mà ǹ tá re yii-nyɛɛ yii, a da yaa ǹ dinin dɔn man bɛ̀rɛn lɛa lɛ-mui siin gɔn, ǹ mɛnɛn bɛ́ woe ǹ kiɛ gɛ̀ nɛ. A giala, sii mɛn bɛ́ á min kũ á yii ka kaka, ma n bɛa sii lɛ a bɛ̀rɛ lɛa.

Zude 1:10

Sɛnɛ, soɛ-bɔlen kɛn lɛn sɛn, ǹ bɛ́ ǹ ba màn mɛn giala miɛ wa, maǹ sɔ koe bɛ ganaa. Ǹ bɛ́ mànan mɛnɛn doɛ̃ ǹ dinin ganaa, baãnaabaa gɔ́ɔ̃ nɛ ka tɔɔn wɔ bɛ́ lɔn, bɛ lɛ nə ǹ papaɛ̃.