Piɛrɛ2 2:10 - LAWA A BOO SONBORE

¹⁰ Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

LAWA A BOO SONBORE 2011

¹⁰ Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Piɛrɛ2 2:10 Iomraidhean Croise

Siin Giala 49:6

Ǹ bɛ́ n duri, bɛ̀ ǹ kɔn yɛ boo mɛn ganaa, ma ba li ma wo a bǎã-n wa, ma ba li ma wo ǹ kɔn yɛ ǹ bǎã-n wa. A giala, ǹ foo bɛ́ á yoo, ǹ nə́ minin dɛ, ǹ bɛ́ mà maǹ là kiɛ sii ganaa, ǹ nə́ diin dɛdɛ kooro.

Samayeli2 20:1

Giĩ gɛsɛ kɔn na á goã walan, a tɔ n Sebaa. Bikrii mɛn bɛ́ Bɛnzamɛn tɔrɔ lɛa, bɛa nɛgiĩ ni. Asɛ lɛ na á bɛn doa a lɛ-a á pɛ kɛnɛn: Wɔa màn kɔn ba kun ka Davida-n wa. Wɔa sii kɔn ba kun ka Izayii a nɛgiĩ kɛ-n wa. Izirayeli minin lɛn, didie wo piɛ!

Kiin1 12:16

Izirayeli minin tumaa yɛ mà kii lɛ nə n too kɔ ǹsɛn lon wa. Zaman lɛ tɔ́n kii lɛ lɛ si kɛnɛn: «Wɔa wàa n kiɛ kun ka Davida nɛ? Wɔa sii kɔn ba kɔn wɔlɔ li ka Zesee a nɛgiĩ kɛ-n wa. Izirayeli minin, ka daa wɔ n ta piɛ! Kanna, Davida, n kion a sii yɔrɔ bɔ.» Bɛ kio, Izirayeli minin nə́ kiɛ̃ ǹ nə́ woo piɛ.

Loen 12:4

Dɛnaa Lawa, ǹ kɔn bebele ǹ lɛ kɛ lɛ kuru. Ǹ boo dadara da ǹ lɛwɔn kɛ lɛ kuru.

Bɔ bɛ̀rɛbaa nɛ 22:28

«Ka doamaa bie ka goã kio ka masɛ Lawa wɔ gii ni, *belee wɔ paǹ li wa, duvɛ̃ nɛ ka *olivie nyɔɔ nɛ. «Ka kaa nɛgiĩ bibinaan koa masɛ din wɔn lɛa.

Boo-laakalaali 10:20

N baran lɛn baraa bíi kii li wa, haalɛ n gɔ́ɔ̃-n dinin. N waa ǹ kion, n baran lɛn baraa bíi pàãma li wa, a giala piɛ̃ tá boe la a n boo lɛ saa a pɛsɛ̃, n boo mɛn da, bɛ nə n da wɔlɔ la.

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Minin nimi 15:30

Sɛnɛ, bɛ̀ min mɛn sii baraa lɛ zɛnaa woone, kɛnaa hinlaa gùli ni, ǹ dɛnaa na á sɔ kɔ Dɛnaa Lawa ganaa. Ka bɛa min lɛ bɔ ka bɔ kun ka a tɔrɔ minin ni.

Luku 11:25

Bɛ̀ nɔ̀ɔn lɛ daa, a n yiɛ bɛa dɛnaa kɛ lɛ min sonbore baa, a sii yii n telee ne, á n kɔnboe ka kion mɛn bɛ́ ke ǹ nə́ wɔraa, ǹ ná a gɔ́ɔ̃gɔ́ɔ̃ ǹ mànan tetele.

Luku 19:14

Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.

Nya ǹ dín 23:5

Pooli pɛ ǹ nɛ: – Ma dɔɔ̃nɔn lɛn, ma dɔ̃ máa wúlu-bɔlen kiã-n wa. A giala, a tá kiɛ̃ nɛ sonbore: «N baran sɔ kɔ n tɔrɔ a goledɛnaa kɔ́n-a wa.»

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Korɛnti1 6:9

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,

Korɛnti2 10:3

Taãn nɛ, wɔ n kanaa kɛ a min lɛa, sɛnɛ, wɔ bie yɔ boe ka kanaa minbaa ǹ yɔrɔ dinsɔɔ̃-n wa.

Efɛɛzi minin 4:19

Sìi kɔ ǹ yiri nə́ n si ǹ la ka lenlen. Ǹ nə́ n dinin kɔ min kɔrɔbaa ganaa, ǹ ba a lɛ diɛ wa. Maǹ *gɔ̀ sii tɔrɔ tumaa zɛnɛɛ.

Efɛɛzi minin 5:5

Ka dɔ̃ taãnɛ, mà kɔrɔbaali ni, min gɔgɔrɛ nɛ, hinlaa yii mu-mili ni, mà bɛa minin kɛn kɔ́n gii ba Krita laanka *Lawa a kiibaa kɛ-n wa. Yii a mu mi màn li n goon ka dì guguru-kɔ nɛ.

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Tesaloniki1 4:7

Lawa bie á wɔ bíi gɔgɔrɛbaa taman yii wa, a na á wɔ bíi yoreenbaa taman yii.

Timote2 3:2

A giala, minbuiinin tá re zuũ-bɔlen biɛ, ǹ ga màn li sii á re kaka koe. Ǹ tá re n dinin laakalɛɛ, ǹ nə n dinin gole kɔ. Ǹ tá re Lawa tɔ ziziɛ̃, ǹ ba re ǹ yɛ wolen bɔlɔ miɛ wa, ǹ ba re bǐɛ̃ doɛ̃ wa. Ǹ tá re n yii we Lawa la,

Tiitii 1:7

Lawa a sɔmɔ nyɛɛnaan-bɔle doamaa nɛ, a ga Lawa a sɔmɔ mànan walan. Bɛ lɛ n toɛ, a doamaa bie lɛ pɔrɔ ǹ bǎã kɔ́n yɛ a wɔ paǹ li wa. A nyan din gole-kɔle baa wa, a nyan foo yoo fufuu wole baa wa, a nyan yɔ-mili baraa baa wa, a nyan zia-dali baa wa, a nyan ga là babaraa li wole baa wa.

Ebrəə 13:4

Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

Piɛrɛ2 3:3

Ka dɔ̃ dinin bɔrɔ, mà giala-nyɔmiɛ biikoo li, yaa-wɔlen tá re yii, ǹ nə́ tɔ we á n kɔnpii ǹ dinin dùũ sii babaraan nɛ. Maǹ die ka diɛ yaa lɛa,

Zude 1:10

Sɛnɛ, soɛ-bɔlen kɛn lɛn sɛn, ǹ bɛ́ ǹ ba màn mɛn giala miɛ wa, maǹ sɔ koe bɛ ganaa. Ǹ bɛ́ mànan mɛnɛn doɛ̃ ǹ dinin ganaa, baãnaabaa gɔ́ɔ̃ nɛ ka tɔɔn wɔ bɛ́ lɔn, bɛ lɛ nə ǹ papaɛ̃.

Zude 1:16

Biikoo tumaa waáraa, ǹ dinin lɛn man zùũzùũ sii, ǹ nə́ min kɔsɔn zɛ̀rɛ biɛ. Maǹ koe ǹ dinin dùũ sii babaraan kɛn dininsɔɔ̃nɔn lɛ. Maǹ nə ǹ dinin gole kɔ ǹ boon diɛ. Maǹ min kɔsɔn bebele ǹ dinin là a lɛa.

Zude 1:18

Ǹ nə́ goã ǹ nə́ pɛ ka nɛ, mà bɛ̀ giala-nyɔmiɛ biikoon nə́ dɔ, mà minin tá re die, ǹ ka da yaa lɛa, ǹ tɔ wɔ a kɔnpɛ ǹ dinin dùũ sii babaraan kɛn nɛ.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.

Samayeli1 10:27

Sɛnɛ min kɔrɔn nə́ yɛ, ǹ nə́ goã pii kɛnɛn: «Wàa-n sɛn! Kɛ lɛ n die wɔsɛn boe a nɛ!» Ǹ pàã wɔ Sayulu n wa, ǹ bǐɛ̃ goon baa la wa. Sɛnɛ Sayulu giã ka a din ni.