Piɛrɛ2 1:9 - LAWA A BOO SONBORE

⁹ Sonbore, bɛ̀ bɛa para pɛ ǹ siin kɛn lɛn ba min mɛn lon wa, ǹ dɛnaa n goon ka yii tere-a nɛ, á n tatalɛɛ. A yiri n boe mà Lawa ná a lɛlɛ a sii baraan pii, á ǹ bɔ a ganaa.

LAWA A BOO SONBORE 2011

⁹ Sonbore, bɛ̀ bɛa para pɛ ǹ siin kɛn lɛn ba min mɛn lon wa, ǹ dɛnaa n goon ka yii tere-a nɛ, á n tatalɛɛ. A yiri n boe mà Lawa ná a lɛlɛ a sii baraan pii, á ǹ bɔ a ganaa.

Piɛrɛ2 1:9 Iomraidhean Croise

Lawa a wúlu-bɔlen 13:55

Sulii bǎã lɛ a pii kio, wúlu-bɔle lɛ wusoo a ga a ganaa. Bɛ̀ a sulii bǎã lɛ yii nàn nə n bɔyaa wa, haalɛ tà màn dɔ din mɛ li wa, a bɛ́ màn mɛn ganaa, mà màn gɔgɔrɛ nɛ. Ǹ doamaa nɛ ǹ tã. A giala mɔnaa nɛ, sulii lɛ sɔ̃ a làfu ganaa hinlaa a yɔrɔ ganaa.

Marki 10:21

Yezu ga a ganaa ka kɔn-narɛɛ nɛ, á pɛ nɛ: «Sii goon nə n nyaabiɛ. Woo, n nə n gɔn màn tumaa sã, n na a wɔrɔ gii doobaan manɛ. Bɛ zɛnaa, n tɔn da kɔ masɛ kio lɛ. N tá re gɔn màn gigiã yii Lawa a piɛ.»

Luku 18:22

Yezu bɛ́ á bɛ ma, á pɛ nɛ: «Sii goon tá tɔn nə n nyaabiɛ: N gɔn màn tumaa sã, n na a wɔrɔ gii doobaan manɛ. N tá re gɔn màn gigiã yii lon Lawa a piɛ. Bɛ zɛnaa n tɔn da kɔ masɛ kio lɛ.»

Rɔmu minin 6:11

Ka doamaa-n ka n taasɛ ka dinin sii ganaa bɛa yɔrɔ goon kɛ lɛ la. Ka n ká gã sii baraa wɔ a paǹ li, sɛnɛ, ka bɛ́ kun Yezu Krita nɛ, ka yii n koo Lawa a lɛa.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Sii-nyaan 3:17

Ma n pii mà ma n pàãma lɛa, mà ń gɔn màn-dɛnaa baa, mà n laadoo ba màn kɔ́n ganaa doo wa. N ba doɛ̃ mà ma n yii koe-yɛle lɛa, makara-bɔle lɛa, ma n doobaa lɛa, n nə́ yii tere-a lɛa, n nə́ gɔ̀nɔn kooro-an dɔ lɛa wa.