Piɛrɛ2 1:8 - LAWA A BOO SONBORE

⁸ A giala, bɛa para pɛ ǹ siin kɛn lɛn, bɛ̀ bɛn tá ka lon gigiã, ǹ ba toɛ ka goã dí-nyali baãnaan lɛa wa, ǹ ba toɛ dɔn ka fɔ̃ wɔa Dɛnaa Yezu Krita doɛ̃ li wa.

LAWA A BOO SONBORE 2011

⁸ A giala, bɛa para pɛ ǹ siin kɛn lɛn, bɛ̀ bɛn tá ka lon gigiã, ǹ ba toɛ ka goã dí-nyali baãnaan lɛa wa, ǹ ba toɛ dɔn ka fɔ̃ wɔa Dɛnaa Yezu Krita doɛ̃ li wa.

Piɛrɛ2 1:8 Iomraidhean Croise

Suusun 19:15

Yoobaa n min gù dii, bòo n dí-nyali baãnaa sɛ kuĩ.

Matiə 13:22

Min tɛn dɔ n kɔnboe ka màn tɔrɔ nɛ á mɛnaa nyan bii. Ǹ nə́ boo lɛ ma koe, sɛnɛ, kanaa sii a taasiɛn laanka naforo a lɛn bebelee siin man boo lɛ kuĩ, ǹ baa nɛ-kɔbaã wole lɛa.

Matiə 20:3

Wasa bɛ́ á kaa, á wusoo á soo kanaa doo, á kɔsɔn yɛ golee-n bii-a, dí ba ǹ gɔn wa.

Matiə 20:6

Wasa miɛ-n lɛn li, á soo á kɔsɔn dɔn yɛ golee-n bii-a, á tɔ́n nɔ̀n da ǹ la: «Wàa na á baa ka lɛawaa kaara lɛ nya baãnbii-a kooro ka n ka a dí nyɛɛ wa?»

Matiə 25:26

A mìinaa lɛ tɔ́n pɛ nɛ: «Dí naarɛ nyali, yoonaa! Táa n tá doɛ̃ mà ma bɛ́ ma màn tɔrɔ da bǎã mɛn nɛ wa, mà man màn kuri walan?

Zaã a sɛ́wɔ 15:2

Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Zaã a sɛ́wɔ 5:42

Ma á ka doɛ̃ parsiini, Lawa a kɔn-narɛɛ ba ka foo-n wa.

Rɔmu minin 12:11

Ka n doa, ka baran yoo baa wa. Ka n we yii ka dí nya Dɛnaa nɛ.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Korɛnti2 8:2

Damagɔ́ɔ̃li fuu nyaa ǹ golee Lawa li wolen man taãn-taãnɛ. Sɛnɛ, ǹ foo kɔɔ̃n kɔ gole kɔ, ǹ nə́ n dinin nyaa ka bǐɛ̃baa ǹ foo ne, ǹ laanka ǹ doobaabaa baraa kɛ nɛ.

Korɛnti2 8:7

Màn tumaa tá ka gɔn gigiã, goleemali ni, boo da doɛ̃ nɛ, màn-doɛ̃ nɛ, din kɔ sii ganaa duduu ni. Ka kɔn-narɛɛ dɔ yɛ á bɔ masɛ li. Ka toa bǐɛ̃baa ǹ foo gole dɔ goã ka nɛ, dɔmalɛ ǹ dí kɛ a lɛa.

Korɛnti2 9:14

Ǹ tá re Lawa nyankoe ka a lɛa, ǹ nə ǹ kɔn-narɛɛ nyaa ka nɛ. A giala, Lawa bǐɛ̃ gole gole baa ka nɛ.

Filipi minin 1:9

Ma bɛ́ Lawa nyan mɛn koe ka a lɛa, bɛ á ke: Ma na a nyankoe, máa a kaa kɔn-narɛɛ gole kɔ a wo nyɛɛn miɛ̃, a toa sii-doɛ̃ taãn mɛ li, ka sii giala ma sonbore ne,

Filipi minin 2:5

Ka toa Yezu Krita din a taasiɛn nə goã ka bii.

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Kolɔɔsi minin 2:7

Ka toa ka goã golee-n taãn-taãn a din li, ka kaa sii tumaa zɛnaa, ka doa a din ganaa. Ka toa ka wo nyɛɛnɛ, ka golee a din li taãn-taãnɛ, a kɔnpɛ daraa kɛ nɛ ǹ nə́ kɔ ka la. Ka toa ka bǐɛ̃ dɔ̃ Lawa nɛ parsiini.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Tesaloniki1 3:12

Kɔn-narɛɛ mɛn bɛ́ ka lon kɔn wɔ a paǹ li, min tumaa dɔ wɔ a paǹ li, Dɛnaa die a màn da bɛ li, a baa wɔsɛn kɔn-narɛɛ kɛ miã lɛa kaa wɔ a paǹ li.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki2 1:3

Dɔɔ̃nɔn lɛn, wɔ doamaa-n wɔ barka da Lawa nɛ biikoo tumaa li kaa lɛa. A n siĩn miɛ̃, a giala, màn tá miɛ kaa golee Lawa li li parsiini, kɔn-narɛɛ mɛn dɔ bɛ́ ka lon kɔn wɔ paǹ li, bɛ dɔ á gole koe ka tumaa gɔ́ɔ̃ nɛ.

Timote1 5:13

Ka bɛ dɔ nɛ, dí bɛ́ a ba ǹ gɔn wa, maǹ kiɛnlɛn koe kɔn. Ǹ dí nyabaã kɛ dinsɔɔ̃ bie wa, sɛnɛ, maǹ nə n lɛ dɔ we boo tumaa nɛ, ta ǹ mɛn ba ǹ bǎã-n wa. Boo mɛn ba da ǹ boo lɛa wa, maǹ bɛ diɛ.

Tiitii 3:14

Wɔ dɔn Lawa-nyankɔlen lɛn doamaa nɛ ǹ nə n daraa dí sonbore nyali taãnbaa lɛ ganaa. Màn mɛn bɛ́ toɛ, ǹ boo la ǹ laadoo taãnan saa ǹ bɔ kɔn la. Bɛa yɔrɔ kɛ la, ǹ tá kanaa ba re goɛ̃ là ná a ba a ganaa wa.

Filemɔn 1:6

Man Lawa nyankoe, golee Lawa li mɛn bɛ́ n laanka Lawa-nyankɔlen tumaa lon, bɛ pàã yɛ n foo ne, màn mɛn bɛ́ toɛ, wɔ bɛ́ boe la wɔ bǐɛ̃ mɛn tumaa zɛnaa, wɔ Krita tɔ bɔ nɛ, n bɛ dɔ̃ n zɛnaa.

Ebrəə 6:12

Wɔ ba li yoobaa ka kũ wa. Sɛnɛ, min mɛnɛn bɛ́ golee Lawa li, ǹ nə́ sii sii ǹ ganaa, yǎa ǹ Lawa a lɛ-kɔ ǹ mànan kɛn yii, ka tɔ lɛ wɔ ka bɛn bɛ́ lɔn.

Piɛrɛ2 1:2

Lawa á re bǐɛ̃ gigiã zɛnɛɛ ka nɛ, a là nyantoro gigiã kɔ ka la. Bɛ á re n zɛnɛɛ, bɛ̀ ka á Lawa laanka wɔa Dɛnaa Yezu kɛ doɛ̃, ka á woe nyɛɛnɛ.

Piɛrɛ2 1:3

Sonbore ne, wɔ laadoo bɛ́ màn mɛn tumaa ganaa, wɔ boo la wɔ tɔ wɔ ka nyɛ́ɛbaa Lawa yii-n ni, Dɛnaa na á bɛ kɔ wɔ la ka a din pàã nɛ. Wɔ n bɛ tumaa yii, bɛ̀ wɔ á Dɛnaa doɛ̃, asɛ mɛn bɛ́ á wɔ bíi, wɔ́ daa a ganaa, ka a din a gugurubaa laanka a sonborebaa barka nɛ.

Piɛrɛ2 2:20

Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.