Piɛrɛ2 1:7 - LAWA A BOO SONBORE

⁷ Ka dɔɔ̃nbaa a kɔn kũ doɛ̃ naa nyɛ́ɛ baa Lawa-n lɛ ganaa. Bɛ din tumaa kio kəni, ka kɔn-narɛɛ naa dɔɔ̃nbaa a kɔn kũ doɛ̃ kɛ ganaa.

LAWA A BOO SONBORE 2011

⁷ Ka dɔɔ̃nbaa a kɔn kũ doɛ̃ naa nyɛ́ɛ baa Lawa-n lɛ ganaa. Bɛ din tumaa kio kəni, ka kɔn-narɛɛ naa dɔɔ̃nbaa a kɔn kũ doɛ̃ kɛ ganaa.

Piɛrɛ2 1:7 Iomraidhean Croise

Rɔmu minin 12:10

Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka n zɔɔ̃ kɔn ka kɔn guguru kɔ nɛ.

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Kolɔɔsi minin 3:14

Bɛ din tumaa kio, ka toa kɔn-narɛɛ goã ka foo ne, a giala, kɔn-narɛɛ lɛ n toɛ, Lawa a bǐɛ̃ màn gialakun kɛ lɛ yii lɛ pã sɔnbɔraanɛ.

Tesaloniki1 3:12

Kɔn-narɛɛ mɛn bɛ́ ka lon kɔn wɔ a paǹ li, min tumaa dɔ wɔ a paǹ li, Dɛnaa die a màn da bɛ li, a baa wɔsɛn kɔn-narɛɛ kɛ miã lɛa kaa wɔ a paǹ li.

Tesaloniki1 5:15

Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

Ebrəə 13:1

Ka toa dɔɔ̃nbaa ǹ kɔn-narɛɛ goã ka bii.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 2:17

Ka min din tumaa guguru kɔ, ka ka dɔɔ̃n Lawa-nyankɔlen narɛ, ka nyɛ́ɛ baa Lawa nɛ, ka kii gole kɛ guguru kɔ.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Zaã1 3:14

Wɔ á doɛ̃, wáa wɔ́ n bɔ gɛ̀ nɛ, wɔ́ wɔ yiikoonaabaa nɛ. Wɔ ǹ bɛ doɛ̃, a giala, mà wɔ n wɔ dɔɔ̃nɔn narɛ. Min mɛn bɛ́ a min narɛ wa, bɛ n tɔn gɛ̀ gɔ́ɔ̃ nɛ.

Zaã1 3:16

Kɔn-narɛɛ bɛ́ màn mɛn lɛa, wɔ ǹ doɛ̃ kɛ lɛ li: Krita na á n din nyin kɔ wɔa lɛa. Wɔ dɔn doamaa nɛ wɔ n nyin kɔ wɔ dɔɔ̃nɔn lɛa.

Zaã1 4:21

Krita dí-pɛ mɛn kɔ wɔ la, bɛ n ka kɛ nɛ: Min mɛn bɛ́ Lawa narɛ, a doamaa nɛ a ǹ dɔɔ̃n dɔ narɛ.