Piɛrɛ2 1:3 - LAWA A BOO SONBORE

³ Sonbore ne, wɔ laadoo bɛ́ màn mɛn tumaa ganaa, wɔ boo la wɔ tɔ wɔ ka nyɛ́ɛbaa Lawa yii-n ni, Dɛnaa na á bɛ kɔ wɔ la ka a din pàã nɛ. Wɔ n bɛ tumaa yii, bɛ̀ wɔ á Dɛnaa doɛ̃, asɛ mɛn bɛ́ á wɔ bíi, wɔ́ daa a ganaa, ka a din a gugurubaa laanka a sonborebaa barka nɛ.

LAWA A BOO SONBORE 2011

³ Sonbore ne, wɔ laadoo bɛ́ màn mɛn tumaa ganaa, wɔ boo la wɔ tɔ wɔ ka nyɛ́ɛbaa Lawa yii-n ni, Dɛnaa na á bɛ kɔ wɔ la ka a din pàã nɛ. Wɔ n bɛ tumaa yii, bɛ̀ wɔ á Dɛnaa doɛ̃, asɛ mɛn bɛ́ á wɔ bíi, wɔ́ daa a ganaa, ka a din a gugurubaa laanka a sonborebaa barka nɛ.

Piɛrɛ2 1:3 Iomraidhean Croise

Loen 110:3

N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Suusun 12:4

Lɔ yiridɛnaa nə ǹ zuũ tɔ boe. Sɛnɛ lɔ mɛn bɛ́ sìi diɛ ǹ zuũ ganaa, bɛ n ka busu bɛ́ lɔn a wen sɔsoɛ̃.

Suusun 31:10

Lɔ mɛn foo bɛ́ tã, die n die bɛ yii? A barka la nyaǹ mànan manɛ.

Suusun 31:29

«Lɔ gigiã foo á tã, sɛnɛ nsɛ la ǹ tumaa nɛ.»

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Rɔmu minin 9:24

Lawa wɔ dinin mɛnɛn bíi, wɔ́ n wɔ ba Zuifun dininsɔɔ̃nɔn lɛa wa, wɔ n tɔrɔ kɔsɔn dɔn lɛa.

Korɛnti1 1:9

Lawa a wusii a boo diɛ kio wa, a din Lawa kɛ lɛ na á ka bíi, mà ka goã doa-n kɔn ka a Nɛgiĩ Yezu Krita, wɔa Dɛnaa kɛ nɛ.

Korɛnti2 12:9

Sɛnɛ, a na á pɛ ma nɛ: «Maa bǐɛ̃-zɛnaa kɛ dinsɔɔ̃ tá n boe, a giala, man dɔmalɛ we n ne n pàãwɛɛnaabaa gɔ́ɔ̃ nɛ.» Bɛ lɛ n toɛ kanna, ma á n din kalɛɛ maa pàãwɛɛnaabaa gɔ́ɔ̃ nɛ, ń giɛ Krita a dɔmalɛ kɛ tá n koe ma lɛ.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 4:4

Wɔ tumaa n gɔ̀nɔn goon lɛa. Yiri Fu goon toto n wɔ tumaa nɛ. Wɔ tumaa foo n doa-n màn goon ganaa, ka Lawa bɛ́ wɔ bíi mà wɔ zɛnaa lɔn.

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Filipi minin 4:8

Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.

Kolɔɔsi minin 1:16

Lawa na á màn tumaa zɛnaa ka a din lɛ barka nɛ, lon mànan laanka tán wɔn nɛ, a yii a yɛ wolen laanka a yii a yɛbaã wolen dɔn dinin ni, ka lon màn pàãdɛnan bɛ́ lɔn ka ǹ goledɛnan nɛ. Lawa na á màn tumaa zɛnaa a din lɛ barka nɛ, a na á ǹ zɛnaa a din dɔ a lɛa.

Tesaloniki1 2:12

Wɔ́ ka gù kaa, wɔ́ ka foo taã. Wɔ́ ka nyankɔ parsiini, wáa ka tɔ wɔ a kɔnpɛ ka Lawa foo sii ni, asɛ mɛn bɛ́ lɛ diɛ ka la, mà ka gii yɛ a kiibaa ǹ bǎã laanka a gugurubaa kɛ nɛ.

Tesaloniki1 4:7

Lawa bie á wɔ bíi gɔgɔrɛbaa taman yii wa, a na á wɔ bíi yoreenbaa taman yii.

Tesaloniki2 2:14

A na á ka bíi bɛ lɛ a lɛa, ka wɔa Boo Tii Kɔɔ̃n pɛ ka nɛ kɛ barka nɛ, mà ka kaa wɔ gii yɛ wɔa Dɛnaa Yezu Krita a gugurubaa kɛ nɛ.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.

Timote2 1:9

Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Piɛrɛ1 1:15

Sɛnɛ, kaa bíi wole lɛ bɛ́ *yoreen lɔn, ka dɔn nə toa ka goã min yoreenən lɛa miɛ̃ kaa sii tumaa zɛnaa gɔ́ɔ̃ nɛ.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Piɛrɛ1 2:21

Lawa na á ka bíi bɛ lɛ a lɛa, a giala, *Krita lɛ dɔ na á fuu yɛ kaa lɛa, á bɛ nyaa ka nɛ sii zɛnaa ǹ gɔn lɛa, màn mɛn bɛ́ toɛ, ka kɔ a gòɛ̃ lɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Piɛrɛ1 3:9

Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Piɛrɛ2 1:10

Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

Piɛrɛ2 1:2

Lawa á re bǐɛ̃ gigiã zɛnɛɛ ka nɛ, a là nyantoro gigiã kɔ ka la. Bɛ á re n zɛnɛɛ, bɛ̀ ka á Lawa laanka wɔa Dɛnaa Yezu kɛ doɛ̃, ka á woe nyɛɛnɛ.

Piɛrɛ2 1:5

Bɛ lɛ taman yii-n dinin ma á pii ka nɛ, máa ka n wen waa parsiini, ka tɔ wɔ ǹ gɔn sonbore naa kaa golee Lawa li lɛ ganaa, ka doɛ̃ naa tɔ wɔ ǹ gɔn sonbore kɛ dɔ ganaa.

Piɛrɛ2 1:6

Ka n doa dɔn ka boo ma din la naa doɛ̃ ganaa, ka sii simaa naa boo ma din la ganaa, ka tɔn nyɛ́ɛ baa Lawa-n naa sii simaa kɛ ganaa.

Piɛrɛ2 1:8

A giala, bɛa para pɛ ǹ siin kɛn lɛn, bɛ̀ bɛn tá ka lon gigiã, ǹ ba toɛ ka goã dí-nyali baãnaan lɛa wa, ǹ ba toɛ dɔn ka fɔ̃ wɔa Dɛnaa Yezu Krita doɛ̃ li wa.

Piɛrɛ2 2:20

Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Uruti 3:11

Maa nɛlɔ, kanna kəni, n baran nyɛ́ɛ baa wa. N bɛ́ re màn mɛn tumaa pii masɛ nɛ, man die bɛ zɛnɛɛ n nɛ. A giala, wɔa minin tumaa á doɛ̃ taãn-taãnɛ mà ma n lɔ sonbore lɛa.