Piɛrɛ2 1:2 - LAWA A BOO SONBORE

² Lawa á re bǐɛ̃ gigiã zɛnɛɛ ka nɛ, a là nyantoro gigiã kɔ ka la. Bɛ á re n zɛnɛɛ, bɛ̀ ka á Lawa laanka wɔa Dɛnaa Yezu kɛ doɛ̃, ka á woe nyɛɛnɛ.

LAWA A BOO SONBORE 2011

² Lawa á re bǐɛ̃ gigiã zɛnɛɛ ka nɛ, a là nyantoro gigiã kɔ ka la. Bɛ á re n zɛnɛɛ, bɛ̀ ka á Lawa laanka wɔa Dɛnaa Yezu kɛ doɛ̃, ka á woe nyɛɛnɛ.

Piɛrɛ2 1:2 Iomraidhean Croise

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Luku 10:22

«Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Rɔmu minin 1:7

Ka mɛnɛn tumaa bɛ́ Rɔmu kiwi, Lawa n ka narɛ, á ka bíi á ka baa a din wɔn lɛa, ma á fòo diɛ ka nɛ. Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.

Piɛrɛ2 1:3

Sonbore ne, wɔ laadoo bɛ́ màn mɛn tumaa ganaa, wɔ boo la wɔ tɔ wɔ ka nyɛ́ɛbaa Lawa yii-n ni, Dɛnaa na á bɛ kɔ wɔ la ka a din pàã nɛ. Wɔ n bɛ tumaa yii, bɛ̀ wɔ á Dɛnaa doɛ̃, asɛ mɛn bɛ́ á wɔ bíi, wɔ́ daa a ganaa, ka a din a gugurubaa laanka a sonborebaa barka nɛ.

Piɛrɛ2 1:5

Bɛ lɛ taman yii-n dinin ma á pii ka nɛ, máa ka n wen waa parsiini, ka tɔ wɔ ǹ gɔn sonbore naa kaa golee Lawa li lɛ ganaa, ka doɛ̃ naa tɔ wɔ ǹ gɔn sonbore kɛ dɔ ganaa.

Piɛrɛ2 1:8

A giala, bɛa para pɛ ǹ siin kɛn lɛn, bɛ̀ bɛn tá ka lon gigiã, ǹ ba toɛ ka goã dí-nyali baãnaan lɛa wa, ǹ ba toɛ dɔn ka fɔ̃ wɔa Dɛnaa Yezu Krita doɛ̃ li wa.

Piɛrɛ2 2:20

Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zude 1:2

Lawa die a ka makara dɔ̃ parsiini, a là nyantoro laanka kɔn-narɛɛ gigiã kɔ ka la!

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.