Piɛrɛ2 1:19 - LAWA A BOO SONBORE

¹⁹ Ka bɛ din tumaa nɛ, Lawa a boo gii-dalin nə màn mɛn da, wɔ foo á doa-n bɛ ganaa dinin. Á soɛ ka ga bɛ ganaa, a giala, a n goon ka bólon ne, kuĩ wɔlɔ tì bǎã nɛ yǎa lɛ̀ wɛɛ, Yezu Krita n baayɛlɛ a leere kɛ lɛa, die wɔlɔ fúlu kiɛ ka foon ne.

LAWA A BOO SONBORE 2011

¹⁹ Ka bɛ din tumaa nɛ, Lawa a boo gii-dalin nə màn mɛn da, wɔ foo á doa-n bɛ ganaa dinin. Á soɛ ka ga bɛ ganaa, a giala, a n goon ka bólon ne, kuĩ wɔlɔ tì bǎã nɛ yǎa lɛ̀ wɛɛ, Yezu Krita n baayɛlɛ a leere kɛ lɛa, die wɔlɔ fúlu kiɛ ka foon ne.

Piɛrɛ2 1:19 Iomraidhean Croise

Loen 119:105

N da ǹ boo lɛ n bólon lɛa ma gòãn li, a n tɛ fúlu lɛa, maa zii la.

Suusun 6:23

Doroo n ka bolon bɛ́ lɔn, daraa n wɔlɔ fúlu lɛa. Gɔn waa manɛ n min yii buĩ. A n yiikoonaabaa ǹ zii lɛa.

Izayii 14:12

Sɔ̀ tɛ-pɛle, nsɛ baayɛlɛ a nɛ, a n siɛ lɔn kəni n tá niɛ̃ lon mɛnɛɛ? Ń bɔ lon ń mɛnaa! Ǹ nə́ n zũ tán, nsɛ mɛn goã tɔrɔn bɔyɛɛ ǹ kiɛ.

Izayii 41:26

Die na á bɛ pɛ wɔ nɛ a giala-kɔ li, mà wɔ dɔ̃? Die na á n gɔn waa wɔ-n lɛlɛ, mà wɔ pɛ mà sonbore ne? Ka bii min kɔn màn kɔn pɛ wa. Min kɔn nə n lɛ bũ wa. Min boo kɔn din ma ka lɛ-n wa.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Izayii 9:2

Dɛnaa Lawa, n nə́ ǹ kã ka foo kɔɔ̃nbaa nɛ, ǹ foo kɔɔ̃n kɔ á la yii ni. Maǹ nə n nyɛnyɛɛ n yɔrɔ-a, ka ǹ bɛ́ n nyɛnyɛɛ kaa-piɛ waáraa lɔn. Maǹ foo kɔɔ̃nbaa ǹ lɛ dii, ka ǹ bɛ́ bɔ zia la ǹ mànan gii lɔn.

Matiə 4:16

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì ni, geren piɛ, wɔlɔ fúlu á re boe bɛn manɛ.

Zaã a sɛ́wɔ 5:35

ZAÃ na á n baa ka bolon bɛ́ lɔn, ǹ ná a lɛ siɛ̃, a n wɔlɔ fúli. Ka n ká lɛ kɔ, ká n nyɛnyɛɛ a fúlu li biikoo boɛɛn gɔ́ɔ̃ nɛ.

Zaã a sɛ́wɔ 5:39

Ka ǹ Lawa a boo gɔsiɛ, a giala, ka ǹ taasɛ mà bɛ lɛ n toɛ kasɛn nə nyin nyabaã yɛ. A din Lawa a boo kɛ lɛ n siére lɛa masɛ wɔ gɔn la,

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Nya ǹ dín 15:29

Dì wúlu-bɔ ǹ siĩn kɛn, ka n na ka n bɔ bɛn ganaa, ka màn mà nɛ, ka tɔɔ bɔlɔ-yui wolen siĩn ni, ka naarɛbaa nɛ. Bɛ̀ ka á bɛa siin kɛn toɛ walan sɔnbɔraanɛ, á die bǐɛ̃ koe taãn-taãnɛ. «Wɔsɛn boo yii n ka bɛ nɛ.»

Nya ǹ dín 17:11

Minbuiinbaa goã bɛn nɛ á la Tesaloniki a Zuifun manɛ. Ǹ nə́ boo lɛ si ka foo sonbore ne. Baraabaraa maǹ nə́ goã Lawa a Boo Sɛ́wɔ lɛ pii, ǹ nə́ giɛ-a bɛ̀ a n miɛ̃ sonbore.

Ebrəə 2:2

Lawa a lon a dia dí-a wolen nə dí-pɛ mɛn kɔ wɔ digolon la, bɛ ná a dí nya. Sii baraa doamaa bɛ́-n ka dɔlɔ mɛn nɛ, bɛ̀ á daa yaa bɛ nə́ n bɔ bɔlɔ-tii tɔrɔ tumaa a lɛa,

Zaaki 2:8

Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»

Piɛrɛ1 1:10

Lawa bǐɛ̃ mɛn yɔrɔ bɔ á koa ka nɛ, a boo gii-dalin nə́ boo da bɛ wɔ gɔn la. Ǹ nə́ ga kirisibaa kɛ lɛ a sii giala li, ǹ nə́ gɔgɔsɛ mà ǹ na a giala ma.

Zaã1 5:10

Bɛ̀ min mɛn tá golee Lawa a Nɛgiĩ li, bɛa siérebaa ǹ boo kɛ lɛ tá ǹ dɛnaa nɛ. Sɛnɛ, bɛ̀ min mɛn ba golee Lawa li wa, bɛa dɛnaa n Lawa biɛ soɛ-bɔle lɛa. A giala, Lawa siérebaa ǹ boo mɛn kɔ a Nɛgiĩ wɔ paǹ li, a golee bɛ li wa.

Zaã3 1:6

Ǹ nə́ n minin-narɛɛ kɛ boo da wɔa Lawa a sɔmɔ minin yɔrɔ-a. Ma nə n nyankoe, n dɔ ǹ lɛ ǹ zii tɔ-wɔ kɛ gɔ́ɔ̃ nɛ, a kɔnpɛ ka Lawa foo sii ni.

Sii-nyaan 2:28

A gɔ̀lɔ̀baa a lɛa, ma á re baayɛlɛ a leere dɔ koe la.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.