Piɛrɛ2 1:10 - LAWA A BOO SONBORE

¹⁰ Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

LAWA A BOO SONBORE 2011

¹⁰ Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

Piɛrɛ2 1:10 Iomraidhean Croise

Loen 112:6

Màn kɔn ba re bìn diɛ bɛa dɛnaa ganaa wa. Yiri a boe ka min pepere-n duduu wa.

Loen 121:3

Dɛnaa Lawa a toɛ n gòã talaa wa. N lɛduə̃li lɛ a nyuù we wa.

Loen 15:5

A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.

Loen 37:24

Ta á n gòã na, a mɛnɛɛ wa, a giala, Dɛnaa Lawa n kuĩ a gɔn ganaa.

Loen 62:2

Man boe la ma goã là nyɛɛ la kun ka Lawa dinsɔɔ̃ nɛ, maa kirisibaa n boe a din li.

Loen 62:6

Yǎa ma giɛ là nyɛɛ li Lawa dinsɔɔ̃ li, a giala, a din nə ma foo doɛ.

Izayii 56:2

Maa boon kɛn máa ǹ diɛ, min mɛn bɛ́ koe ǹ lɛ ka a parsiini bɛa dɛnaa á re foo kɔɔ̃nbaa yii. Ǹ dɛnaa á re foo kɔɔ̃nbaa yii taãn-taãnɛ, asɛ mɛn bɛ́ *susu ǹ pii koɛ, a nə́ n nyɛnɛɛ sii baraa nɛ.»

Misee 7:8

Wɔa zɔ́ɔn lɛn, ka nyan yaa wɔ wɔ ganaa wa koe! A giala, ta wɔ́ mɛnaa, wɔ á re wusii wɔ yoo. Ta wɔ n giã-n wɔlɔ tì li, Dɛnaa Lawa din nə wɔa tɛ fúlu lɛa.

Matiə 22:14

Yezu tɔ́n pɛ: «Sonbore ne, Lawa min tumaa bíi, sɛnɛ, a min mɛnɛn bɔ, bɛn ba tɛ wa.»

Rɔmu minin 11:29

A giala, bɛ̀ Lawa màn kɔ, a na á kɔ, bɛ̀ á min dɔ bíi, a na á bíi, a ba wusii a sii zɛnaa kio wa.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Ebrəə 6:11

Sɛnɛ, wɔ bɛ́ giɛ màn mɛn li, bɛ ǹ ka kɛ nɛ, wáa ka gogoonmaa nə n doa, ka wo nyɛɛnɛ ka bɛa gù we yii kɛ lɛ nɛ, yǎa giala-nyɔmiɛ ganaa, màn mɛn bɛ́ toɛ, kaa foo-doa ǹ sii lɛ nə n zɛnaa.

Ebrəə 6:19

Bɛa foo-doa kɛ lɛ n wɔ kuĩ, á golee wɔ-n sɔnbɔraanɛ. A na á Lawa a kion bii kuru kɔn-a ǹ mɔnaa kɛ bii wɔsɔ lon gɔ́ɔ̃ nɛ, á kiɛ̃ á wɔ kion nyɛɛnaan sonbore kɛ nɛ.

Zaaki 2:10

Sonbore ne, bɛ̀ min mɛn Lawa a dí-pɛn kɛn goon din sɔɔ̃ ziziɛ̃, a zɛ̀rɛ n ka ǹ tumaa nɛ, haalɛ ta a ná a gialakunun kɛn tumaa tamaa.

Zozoe 7:3

Bɛ kio, ǹ nə́ n bɔyaa, ǹ nə́ daa Zozoe li ǹ nə́ pɛ nɛ: «Mìi ba la zaman lɛ tumaa din woo wa. Min duu paa hinlaa duu sɔɔ kɛ miã á boe Ayii minin lɛn la. Ka baran bɛa nɔmaa kɛ da zaman lɛ tumaa mìi-n walan wa. A giala, Ayii minin lɛn ba tɛ wa.»

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Piɛrɛ2 1:3

Sonbore ne, wɔ laadoo bɛ́ màn mɛn tumaa ganaa, wɔ boo la wɔ tɔ wɔ ka nyɛ́ɛbaa Lawa yii-n ni, Dɛnaa na á bɛ kɔ wɔ la ka a din pàã nɛ. Wɔ n bɛ tumaa yii, bɛ̀ wɔ á Dɛnaa doɛ̃, asɛ mɛn bɛ́ á wɔ bíi, wɔ́ daa a ganaa, ka a din a gugurubaa laanka a sonborebaa barka nɛ.

Piɛrɛ2 1:5

Bɛ lɛ taman yii-n dinin ma á pii ka nɛ, máa ka n wen waa parsiini, ka tɔ wɔ ǹ gɔn sonbore naa kaa golee Lawa li lɛ ganaa, ka doɛ̃ naa tɔ wɔ ǹ gɔn sonbore kɛ dɔ ganaa.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Piɛrɛ2 3:17

Haya, maa giaáran lɛn, dan bɛ́ á n da ka nɛ! Ka ka dinin kũ doɛ̃, piã dí-pɛn nɛ wolen mɛnɛn bɛ́ papaã nɛ, ka baran toa ǹ ka yiri sã ǹ ka papaã wa. Gòãn doa ǹ bǎã sonbore mɛn bɛ́ ka lon, ka nyan toa min ka nyanaa a ka bɔ bɛ la wa.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.