Piɛrɛ2 1:1 - LAWA A BOO SONBORE

¹ Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

LAWA A BOO SONBORE 2011

¹ Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Piɛrɛ2 1:1 Iomraidhean Croise

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Zeremii 33:16

Bɛa waáraa, Zudaa gána á re goɛ̃ a din gɔn wìi a lɛa, Zeruzalɛmu minin yiri á re goɛ̃ bǎã goon ne. Zeruzalɛmu tɔ n die goɛ̃: "Dɛnaa Lawa n wɔ kirisibaali lɛa".

Matiə 10:2

A dia dí-a wole fulupaa lɛn tɔn nə́ ke: Simɔn nɛ bɔrɔ (ǹ bɛ́ ǹ mɛn bíi Piɛrɛ) ka ǹ dɔɔ̃n Andre ne, Zaaki laanka ǹ diɛ̃ ZAÃ nɛ, Zebedee a nɛnyaanan man bɛn nɛ,

Matiə 4:18

Yezu bɛ́ kiɛ̃ Galilee tà lɛ-a, á dɔɔ̃ngiĩ min paa yɛ, ǹ nə́ zɔ̀-kũlin lɛa: Ǹ bɛ́ Simɔn mɛn bíi Piɛrɛ, bɛ laanka ǹ dɔɔ̃n Andre ne. Maǹ nə́ goã zɔ̀ɔ zuĩ tà mu li, ǹ nə́ zɔ̀ kuĩ.

Luku 1:47

Ma foo piɛ̃maa-n ka nyɛnyɛɛ nɛ maa Lawa taman yii, a giala a n die ma nyin sii.

Luku 11:49

Bɛ lɛ nɛ, Lawa pɛ a boo ne: Ma á re maa boo gii-dalin laanka maa dia dí-a wolen diɛ ka la. Ka tá re ǹ tɛnɛn dii ǹ gã, ka tá re fuu nyɛɛ ǹ tɛnɛn manɛ.»

Zaã a sɛ́wɔ 1:42

Á kũ á daa-n Yezu li. Yezu nə́ ǹ yiin doa Piɛrɛ la á pɛ: «ZAÃ a nɛgiĩ Simɔn lɛ n ka n din ni. N tɔ á die n bíi Sefasi (bɛ giala mà Kɔlɔ, ǹ tá boe la ǹ bíi dɔn mà Piɛrɛ).»

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 20:21

Bɛ kio, Yezu wusoo á pɛ ǹ nɛ doo: «Là nyantoro die a giã ka li. Maa Díi Lawa bɛ́ á masɛ dia lɔn ke, masɛ dɔ n ka diɛ miɛ̃.»

Nya ǹ dín 15:14

Lawa din nə saa lɔn a giala koe li, á minin bɔ tɔrɔ kɔsɔn bii, á ǹ baa a din wɔn lɛa, Simɔn na á wusoo á wɔsɛn yiri da bɛ lɛ nɛ.

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Rɔmu minin 1:12

Haayii, man die ka li, golee Lawa li goon mɛn bɛ́ wɔ lon, wɔ pàã yɛ kun ka bɛ barka nɛ, kaa wɔ ma foo taã, ma dɔ wɔ ka dɔn foo taã.

Rɔmu minin 1:17

A giala Boo Tii Kɔɔ̃n nə nyɛɛ Lawa bɛ́ min biɛ min pepere lɛa a din yɔrɔ-a lɔn goleemali dinsɔɔ̃ barka nɛ, ka a bɛ́ kiɛ̃-n Lawa a boo sɛ́wɔ-n lɔn: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti1 15:9

A giala, ma din nə Yezu a dia dí-a wolen tumaa a boɛɛndɛnaa lɛa. Ma a kɔnboe dinin, ǹ ma bíi dia dí-a wole wa, a giala, man má goã boe Lawa a sɔmɔ minin yii-n lɛlɛ.

Korɛnti1 9:1

Masɛ a ma din gɔn wìi a lɛa wa? Ma a dia dí-a wole lɛa wa? Ma Dɛnaa Yezu yɛ ka ma yii-n wa? Ma din a nya ǹ dí a lɛa bie ka á Dɛnaa wɔn lɛa wa?

Korɛnti2 4:13

Á n pɛ Lawa a sɛ́wɔ nɛ: «Má golee Lawa li, bɛ lɛ-n má boo da.» Bɛa goleemali ǹ yiri goon kɛ lɛ gɔ́ɔ̃ nɛ, masɛ dɔ n má golee Lawa li, bɛ lɛ-n ma á Boo Tii Kɔɔ̃n kɛ diɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Galaasi minin 2:8

A giala, Lawa mɛn dia dí-a wolebaa ǹ dí kɔ Piɛrɛ la Zuifun wɔ lɛa, a din lɛ na á kɔ masɛ dɔ la tɔrɔ kɔsɔn wɔ lɛa.

Efɛɛzi minin 3:5

Lɛlɛ, Lawa bɛa sii-durii kɛ lɛ nyaa minbuiinin ni wa. Sɛnɛ kanna, a din na á nyaa, Yezu a dia dí-a wole sonboren laanka Lawa a boo gii-dali sonboren nə́ dɔ̃, a din a Yiri Fu pàã ganaa.

Efɛɛzi minin 4:11

A din lɛ dɔ na á bǐɛ̃ totoron zɛnaa minbuiinin ni: Á minin kɔnɔn baa dia dí-a wolen lɛa, á kɛn baa Lawa a boo gii-dalin lɛa. Á ǹ tɛnɛn baa Boo Tii Kɔɔ̃n laakalaalin lɛa, á gialakunun baa ga Lawa a sɔmɔ walan wolen lɛa, ǹ nə́ minin darɛɛ.

Efɛɛzi minin 4:5

A din Dɛnaa goon nə wɔ tumaa wɔ lɛa. Wɔ n golee-n boo goon li, *batɛmu goon ne wɔ tumaa yɛ.

Filipi minin 1:1

Masɛ Pooli laanka Timote n Yezu *Krita a bɛ̀rɛn lɛa. Lawa a zaman mɛn bɛ́ Filipi kiwi ǹ nə́ golee-n Yezu Krita li, wɔ ǹ sɛ́wɔ kɛ diɛ bɛn la, ǹ laanka ǹ Lawa a sɔmɔ nyɛɛnaandɛnan nɛ, ka ǹ dɔmalɛ wolen ne.

Filipi minin 1:29

A giala, Krita wɔ paǹ li, Lawa na á bǐɛ̃ zɛnaa ka nɛ mà ka dí nya nɛ goleemali gɔ́ɔ̃ nɛ. Bɛ din sɔɔ̃ bie wa, a n mà ka fuu dɔ yɛ a lɛa.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Timote2 1:5

Goleemali sonbore mɛn bɛ́ n lon, ma yiri a boe-n wa, bɛ miã goleemali lɛ na á goã n náa gole Luizi laanka n dan Inisi lon lɛlɛ. Má waa la máa bɛa goleemali kɛ lɛ miã tá n dɔ lon.

Tiitii 1:1

Masɛ Pooli n Lawa a bɛ̀rɛ lɛa, Yezu *Krita a dia dí-a wole lɛa. Dí na á n kɔ ma la, mà Lawa min mɛnɛn bɔ, mà man dɔ bɛn lɛ ǹ goleemali yɛ. Wɔa Lawa a zii bɛ́ minin darɛɛ sonbore mɛn ganaa, mà ma bɛ nyaa ǹ nɛ,

Tiitii 1:4

Tiiti, goleemali bɛ́ wɔa lɛ kaa kun màn lɛa, n nə́ maa nɛ sonbore lɛa a gɔ́ɔ̃ nɛ, man sɛ́wɔ kɛ diɛ n la. Wɔ Di Lawa laanka wɔ Nyin-sili Yezu Krita a bǐɛ̃ die a dɔ n ganaa, ǹ là nyantoro kɔ n la.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

Piɛrɛ1 1:1

Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Piɛrɛ1 2:7

Haya kəni, kasɛn golee Lawa li wolen lɛn, kɔlɔ kɛ lɛ a barka n kasɛn wɔ lɛa. Sɛnɛ, golee Lawa li baãnaan kɛn, bɛn wɔ á ke: «Kion-dɔlen nə n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa.

Piɛrɛ1 5:1

Min mɛnɛn bɛ́ ka bii, ǹ nə́ Lawa a sɔmɔ lɛ a minin nyɛɛnaandɛnan lɛa, man kɔn ka bɛn nɛ sisia. Ma dɔ dinmaa lɛ n nyɛɛnaandɛnaa lɛa. *Krita fuun mɛnɛn yɛ, ma bɛn yɛ ma yii ni, ma nə ǹ siére lɛa. Krita lɛ bɛ́ re die ǹ mɛn pinaa, ma á re maa wɔ gii yii a gugurubaa kɛ nɛ. Ma á màn mɛn nyankoe bɛa nyɛɛnaandɛnan lɛn lon, bɛ n ka kɛ nɛ:

Piɛrɛ2 1:4

A din lɛ barka nɛ, wɔ́ naforo laanka bǐɛ̃baa sonboren yɛ, a n lɛ kɔ wɔ la ka ǹ mɛnɛn lɛn nɛ, mà asɛ á re wɔ sii kanaa gɔ́ɔ̃ nɛ ǹ dùũ sii babaraan kɛn laanka bɔnɛɛbaa kɛ la, á wɔ bɔyaa wɔ sɔ̀n nə́ n baa ka a din wɔ bɛ́ lɔn.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.