Piɛrɛ1 5:8 - LAWA A BOO SONBORE

⁸ Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

LAWA A BOO SONBORE 2011

⁸ Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Piɛrɛ1 5:8 Iomraidhean Croise

Zɔbu 2:2

Dɛnaa Lawa nɔ̀n da la: «Ma n boe maa kəni?» Zɔ́ɔ lɛ Dɛnaa Lawa lɛ si: «Man má woo n bibiə̃ kanaa, má kɔɔ̃naa wɔ.»

Loen 104:21

Yàran man wɔɔsaa we ǹ siĩ kio, manə ǹ màn-bii liɛ n din la, Lawa.

Loen 109:6

Ǹ nə́ kɛ pɛ dɔn dinin maa wɔ paǹ li: Min bɔ, bɛ yoo a gialaa a zɛ̀rɛ baali lɛa. Toa ǹ dɛnaa goã min babaraa lɛa, a n tele lon a gusin, sɛnɛ, a baran n dɔ lɛ wa.

Suusun 19:12

Kii a foo-yoo na á kɔnbɔ ka yàra a lɛbaa nɛ, sɛnɛ, a sonborebaa n ka pele bɛ́ lɔn buu ganaa.

Suusun 20:2

Bɛ̀ kii foo yoo, a n ka yàra bɛ́ lɔn wɔɔsiɛ̃. Bɛ̀ min mɛn màn da bɛa foo-yoo kɛ li, a nə n din nyin boe.

Suusun 28:15

Nyɛɛnaadɛnaa baraa mɛn bɛ́ boe doobaa zaman yii ni, bɛ n goon ka yàra mɛn bɛ́ wɔɔsiɛ̃, ka gòon màn gole mɛn bɛ́ parɛ.

Izayii 50:8

Dɛnaa Lawa n mɔrɛɛ-n ma ganaa, asɛ mɛn bɛ́ sonbore koe ma la. Die yii n we a kiri wɔ ma ganaa? Wɔ n ta kiri wɔ ǹ bǎã-n kəni. Die n li a ma zɛ̀rɛ baa? Ǹ dɛnaa nə n zɔ̃ a dɔ ma li.

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 51:38

Sisia, a zaman tumaa n ka yàran bɛ́ lɔn lɛ biɛ. Maǹ lɛ biɛ ka gòon màn bɛ́ lɔn.

Ezekieli 19:7

Á kiin kɛbɔlɔ kaa, á ǹ kiwin yuyu. A wɔɔsaa lɛ bɛ́ á bɔ, nyɛ́ɛ gána lɛ a minin kũ.

Ezekieli 22:25

Kiwi lɛ a Lawa a boo gii-dalin nə́ kɔn ma boo-a. Ká yàra bɛ́ siĩ soɛ̃ lɔn, á n wɔɔsaa we la, ǹ dɔn man minin dii miɛ̃, ǹ nə́ ǹ wɔrɔ laanka ǹ gɔn mànan goɛ. Maǹ lɔ giɔɔrɔn gialaa ǹ mɔnɛɛ kiwi lɛ nɛ.

Ozee 11:10

A nɛn tá re tɔ we Dɛnaa Lawa kio, asɛ áre lɛ biɛ ka yàra bɛ́ lɔn, Á re lɛ biɛ sonbore! Ǹ tá re n toɛ lɛ̀nyɛɛnɛ ǹ da ka baa nɛ, ǹ gɔ̀nɔn nə́ bìn diɛ.

Ozee 13:8

Ma á re ka kuĩ ka gòon màn babaraa nɛn dan bɛ́ lɔn ǹ ná a nɛ si la, ma á re ka tìãbii toɛ̃ kɔn. Man die ka soɛ̃ ka yàra nɛn dan bɛ́ lɔn, don mànan tá re ka geren wɔ̃woɛ̃ kɔn.

Amɔɔsi 1:2

Amɔɔsi na á goã kɛ pii: Dɛnaa Lawa nə n toɛ *Siɔn kele la á n wɔɔsaa we, a nə n toɛ Zeruzalɛmu kiwi á n paraa we. Tɔɔn-lɛduə̃lin tɔɔn lɛduə̃ ǹ bǎãn kɛn nə́ ziziɛ̃, Karmɛli kele mìi kɛ bǎã gere baa.

Amɔɔsi 3:4

Bɛ̀ ń yàra yaa wɔɔsaa we daã nɛ, màn na a lɛ-a. Bɛ̀ ń yàra ten yaa n toɛ a waa ǹ bǎã nɛ a ń lɛ biɛ, a na á màn kũ.

Amɔɔsi 3:8

Bɛ̀ yàra wɔɔsaa wɔ, nyɛ́ɛ na a die kuĩ wa? Bɛ̀ Dɛnaa Lawa boo da, die nə n piɛ̃ mà asɛ a bɛ pii wa?

Zakarii 11:3

Ka n too kɔ tɔrɔn tɔɔn-lɛduə̃lin kɛn lon gini. A giala, ǹ pàã nya. Ka n too kɔ yàra nɛ tenən lɛ-baa li. A giala, Zurdɛ̃ tà lɛ a bǎã sonbore lɛ ziziɛ̃.

Zakarii 3:1

Dɛnaa Lawa wúlu-bɔlen kiã Yesuwa nyaa ma nɛ. A n golee-n lon Dɛnaa Lawa a lon a dia dí-a wole lɛ yɔrɔ-a. *Sɛtaan, zɛ̀rɛ da ma la wole kɛ n golee-n Yesuwa gusin, a n die a zɛ̀rɛ biɛ.

Matiə 13:39

Zɔ́ɔ mɛn bɛ́ á buu babaraa lɛ pɛsɛ̃ wuru lɛ nɛ, Sɛtaan din nə ka bɛ nɛ. A kurii waáraa ke, kanaa a nya waáraa n ka bɛ nɛ. Dí-nyalin mɛnɛn bɛ́ kuri, bɛn man lon a dia dí-a wolen lɛa.

Matiə 24:42

Bɛ lɛ taman yii, ka n yii toa koo, a giala ka ba kaa Dɛnaa a daa pinaa doɛ̃ wa.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 4:1

Bɛ kio, Yiri Fu mɛ Yezu nyɛɛnɛ, á woo-n diə gole ne, màn mɛn bɛ́ toɛ *Sɛtaan nə n da a gɔ́ɔ̃ li walan.

Matiə 4:11

Bɛ kio, Sɛtaan kiɛ̃ á toa walan. Lon a dia dí-a wolen nə́ daa Yezu li, ǹ ná a laadoo bǐɛ̃ kɔ.

Marki 4:15

Màn tɔrɔ lɛ mɛnaa zii mɛn lɛkoro-a, min tɛn nə goon ka bɛa zii kɛ lɛ nɛ. Bɛ̀ ǹ nə́ Lawa a boo lɛ ma lɔn, *Sɛtaan nə die, a bɛa boo kɛ lɛ bɔ a bɔ ǹ yiri ni.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Luku 21:36

Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»

Luku 22:31

Dɛnaa pɛ: «Simɔn, Simɔn, n too kɔ. Sɛtaan na á nɔ̀n da mà Lawa zii kɔ asɛ la, asɛ nə ǹ duwəə ka ǹ bɛ́ wii duwii lɔn.

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Korɛnti2 2:11

màn mɛn bɛ́ toɛ, *Sɛtaan nyan boo wɔ la wa. A giala, wɔ tá a nya ǹ dí doɛ̃.

Efɛɛzi minin 4:27

Ka nyan toa *Sɛtaan wɔ ǹ bǎã yɛ ka ganaa wa.

Efɛɛzi minin 6:11

Lawa bɛ́ ziabaa ǹ mànan mɛnɛn koe ka la, ka tumaa bɛn kaa ka ganaa, màn mɛn bɛ́ toɛ, ka boo la ka yɔ bɔ *Sɛtaan a minin bebere ǹ yirin kɛn ganaa.

Timote1 2:15

Sɛnɛ, a nɛn danbaa taman yii, lɔ á die kirisibiɛ, bɛ̀ á sii si a ganaa á goã goleemali gɔ́ɔ̃ nɛ, ka kɔn-narɛɛ laanka *yoreenbaa nɛ, ka din-gisiĩ ni.

Timote1 2:9

Lɔn wɔ gɔn la, man giɛ li, máa ǹ mɔnaa wɔ ǹ gɔn kɔnpɛ ka a yɔrɔ sonbore ne. Mɔnaa mɛn bɛ́ zɛnɛ ǹ lɛ, ǹ bɛ wɔ, ǹ baran là kaa ǹ dinin la wa. Mìi-tiɛ̃ giɔ̀mɔ kaka-an kɛn, sana mànan laanka bɔlɔ-a ǹ giin ni, ka mɔnaa giɔ̀mɔ kaka-an nɛ, ǹ nə n bɔ bɛn wɔlɔ li.

Timote1 3:11

Ǹ lɔn dɔn doamaa nɛ ǹ yii goã guguru. Ǹ baran goã minin tɔ-ziziɛ̃lin lɛa duduu wa. Ǹ goã din-kũlin lɛa, bɔlɔ pepere-pɛlen lɛa sii tumaa gɔ́ɔ̃ nɛ.

Timote1 3:2

Ga Lawa a sɔmɔ walan wole doamaa nɛ a goã zɛ̀rɛ baãnaa lɛa, lɔ goon-dɛnaa lɛa, din-kũli lɛa, sii saa ka yiri-n wole lɛa, a tɔ wɔ ǹ gɔn nə́ siĩni. A doamaa nɛ a goã tii-kũli lɛa, á n boe minin daraa la.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!

Tiitii 1:8

Yǎa ǹ dɛnaa goɛ̃ tiin kũ doɛ̃ wole lɛa, á n sii sonbore narɛ. Yǎa á goɛ̃ mìiwedɛnaa lɛa, min pepere lɛa, Lawa wɔ lɛa, a boo la a n din kũ doɛ̃.

Tiitii 2:12

Bɛa bǐɛ̃ kɛ lɛ n wɔ darɛɛ, mà wɔ piã ka Lawa-n tii, ka kanaa dùũ sii babaraan kɛn nɛ, ń giɛ wɔ á goɛ̃ kanaa kɛ nɛ, mìiwedɛnan lɛa, min peperen lɛa, wɔ n bɔlɔgoondɛnan lɛa Lawa nɛ.

Tiitii 2:2

A pɛ giĩ zizin manɛ, mà ǹ toa ǹ boo ǹ dinin la, ǹ gugurubaa yɛ, ǹ nə́ mìiwedɛnan lɛa. Ǹ toa ǹ goã piɛ̃-n ka goleemali sonbore ne, ka minin-narɛɛ nɛ, ka foo-kũ ni.

Tiitii 2:4

ń giɛ ǹ tá lɔ tenən darɛɛ ǹ zuũn narɛɛ ganaa ka ǹ nɛnyaanan nɛ.

Tiitii 2:6

A din goon ne, nɛ tenən dɔn foo taã, ǹ goã mìiwedɛnan lɛa.

Zaaki 4:7

A bɛ́ miɛ̃, ka n dinin boɛɛn kɔ Lawa nɛ. Sɛnɛ, ka golee *Sɛtaan yɔrɔ-a ka n gòãn doa a ganaa. Bɛ̀ ka bɛ zɛnaa, á die woe sɔsɔɔ a n bɔ ka li.

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Sii-nyaan 12:10

Má lɛn gole goon ma, boe lon, a n pii: «Sisia wɔa Lawa na á gɔ̀lɔ̀baa yɛ! A ná a din pàã nyaa, a ná a kiibaa saa. Sisia, a bɛ́ á min mɛn bɔ á baa kii lɛa, pàã n bɛ gɔn! A giala wɔ dɔɔ̃nɔn biɛ-kɔle na á fɔ̃, asɛ mɛn bɛ́ á goã ǹ biɛ koe tèlò-n ka baayɛlɛ nɛ, wɔa Lawa yɔrɔ-a, ǹ nə́ bɔ lon ǹ nə́ zũ tán.

Sii-nyaan 12:12

Bɛ lɛ a lɛa, kasɛn mɛnɛn bɛ́ lon, kaa bǎã ná a nɛ, ka n nyɛnyaa! Sɛnɛ, tán nɛ ka yìsi mu gole ne, bɔ̀n kasɛn yɛ! A giala Sɛtaan gisĩ ka li. A n doɛ̃ mà biikoo bǐɛ̃ ba a gɔn doo wa, a foo n yoo-n parsiini.»

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.

Sii-nyaan 20:2

Á tɔɔ babaraa piɛ̃ wole kɛ kũ á da fɔlɔ biɛ nɛ, mà yǎa lɛ̀ duu goon. A din lɛ n lɛlɛ a miɛ̃ lɛ lɛa, ǹ nə́ bíi nɔ̀ɔn babaraan kiã, ǹ nə́ bíi *Sɛtaan dɔn.

Sii yɔrɔ-bɔlen 14:5

Sansɔn yoo kun ka ǹ di laanka ǹ dan nɛ, ǹ nə́ woo Timnaa kiwi. Ǹ bɛ́ re doe Timnaa *rezɛ̃ da wurun kɛn li, bɛ̀ yàra ten bɛ́ die a ganaa, á n wɔɔsaa we.