Piɛrɛ1 5:6 - LAWA A BOO SONBORE

⁶ Bɛ lɛ taman yii, ka ka dinin boɛɛn kɔ Lawa pàãdɛnaa lɛ giulun, màn mɛn bɛ́ toɛ, a ka saa lon a kɔnpɛ a biikoo ne.

LAWA A BOO SONBORE 2011

⁶ Bɛ lɛ taman yii, ka ka dinin boɛɛn kɔ Lawa pàãdɛnaa lɛ giulun, màn mɛn bɛ́ toɛ, a ka saa lon a kɔnpɛ a biikoo ne.

Piɛrɛ1 5:6 Iomraidhean Croise

Kiin1 21:29

«Ń Akaabu a din gisĩ ǹ gɔn kɛ yɛ ma yɔrɔ-a? A bɛ́, á n din gisĩ ma yɔrɔ-a, bɛ lɛ n ke ma ba re koe boe a ganaa, a yiikoonaabaa gɔ́ɔ̃-n wa. A nɛgiĩ a yiikoonaabaa gɔ́ɔ̃ nɛ, man die koe boe a kion lɛ ganaa.»

Kiin2 22:19

a giala, boon lɛn nə́ dí nya n foo ne. Ma bɛ́ má màn mɛn pɛ bǎã kɛ lɛ laanka a minin wɔ paǹ li máa bɔ̀n tá re bǎã lɛ yii, koe dɔ bɔ bɔ-a, n bɛ́ ń bɛa boo lɛ ma, man nə́ n din gisĩ masɛ Dɛnaa Lawa yɔrɔ-a, n nə́ n mɔnaan tɔtoɛ̃, ń wuu pɛ ma yɔrɔ-a, ma dɔ tɔ́n nə n nyankɔ lɛ ma. Dɛnaa Lawa a da ǹ boo ne.

KZS2 12:12

Roboamu nə́ n din gisĩ. Bɛ lɛ taman yii, Dɛnaa Lawa a foo-yoo lɛ nə́ n lɛ goa, a na a bɔ̀n baa lenlen wa. A da yaa dɔ́n màn sonboren tá tɔn yii Zudaa gána nɛ.

KZS2 30:11

A da yaa minin tɛnɛn nə́ ǹ siɛ̃ dɔ̃ Asɛɛrɛ tɔrɔn bii, Manaasee laanka Zabulɔn wɔn nɛ, ǹ nə́ daa Zeruzalɛmu.

KZS2 32:26

A laanka a din gole kɔ lɛ tumaa nɛ, Ezekiasi laanka Zeruzalɛmu minin nə́ n dinin boɛɛn kɔ Dɛnaa Lawa yɔrɔ-a. Bɛ lɛ nɛ, Dɛnaa Lawa toa a foo-yoo lɛ nə yɔrɔ dia ǹ la Ezekiasi a yiikoonaabaa gɔ́ɔ̃-n wa.

KZS2 33:12

A koe lɛ gɔ́ɔ̃ nɛ, Manaasee Dɛnaa Lawa, a Lawa nyankɔ. Á n din boɛɛn kɔ ǹ digolon Lawa yɔrɔ-a parsiini,

KZS2 33:19

Lawa a boo gii-dali "Ozayii a sɛ́wɔ" kɛ na a Lawa nyankɔ kɛ nyɛɛ, ka Lawa na a lɛ si ka yɔrɔ mɛn nɛ. A tá a sii baraan dɔn boo diɛ ka a bɔlɔgoonbaãdɛnaabaa nɛ Lawa wɔ paǹ li. Manaasee a bǎãn doan nɛ, a dìn doa bǎãn mɛnɛn nɛ, ka dì nyín-sɛlɛn nɛ, Manaasee na á bɛn zɛnaa á tɔn nə n din boɛɛn kɔ Lawa yɔrɔ-a.

KZS2 33:23

Sɛnɛ, a n din boɛɛn kɔ Dɛnaa Lawa yɔrɔ-a ka ǹ di bɛ́ á zɛnaa lɔn wa. Asɛ din wusoo doo á sii baraa zɛnaa á la ǹ di Manaasee ne.

KZS2 36:12

Á sii bɔnɛɛ zɛnaa Dɛna Lawa, a Lawa yii li. Á n piã ka din gisiĩ ni Lawa a boo gii-dali Zeremii yɔrɔ-a, ke boo diɛ Dɛnaa Lawa tɔ nɛ.

Zɔbu 36:22

Lawa n nyɛɛ ka a din pàã kɛ nɛ, mà màn kɔn ba kiɛ̃ asɛ la wa. Die n boe la a min doroo ka Lawa bɛ́ lɔn?

Loen 75:10

Masɛ wɔ paǹ li kəni, man die Zakɔba a Lawa kɛ laakalɛɛ biikoo tumaa li, bɛ̀ má n loe loe, a tɔ boe ne.

Loen 89:13

N din nə ń gɔsɛ laanka gusin a lɛ̀gɔn zɛnaa. Tabɔɔrɔ laanka Ɛrmɔn kelen maǹ nə́ n din para pii.

Bɔ bɛ̀rɛbaa nɛ 10:3

Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

Bɔ bɛ̀rɛbaa nɛ 3:19

Sɛnɛ, ma á doɛ̃ máa Ezipti gána a kii lɛ a re lɛ koe ka soo wa, yǎa bɛ̀ pàã nə́ n nyaa nɛ.

Bɔ bɛ̀rɛbaa nɛ 32:11

Sɛnɛ, Muizu Dɛnaa Lawa nyankɔ, mà a n foo basã. Á pɛ nɛ: – Dɛnaa, wàa na á baa, n foo-yoo gɔ́ɔ̃ nɛ, n nə yui n din a zaman kɛ gialaa, n din bɛ́ ń zaman mɛn bɔ Ezipti gána nɛ, ń soo ne ka n din pàã gole kɛ nɛ?

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 40:4

Ka tii kaa nyankɔrɔ basa kɛn nɛ, n yoo lon. Ka kelen laanka tentenen sɛlɛ, ǹ kɔnpɛ. Ka tenten mìin tumaa bɔyaa, ǹ wurun baa. Ka kelen tumaa baa nyankɔrɔ basa lɛa.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Zeremii 13:18

A pɛ kii laanka kii ǹ dan nɛ kɛnɛn: Ka giã tán furu-n a giala, kaa kii bafolo sonbore kɛ bɔ ka mìi ganaa á mɛnaa.

Zeremii 44:10

A da kaa pelo ǹ lɛ, min kɔn tɔn nə n din boɛɛn kɔ, á ma guguru kɔ wa. Min kɔn tɔn kɔ maa daraan laanka maa dí-pɛn kɛn lɛ wa, kɛn má ǹ kɔ ka la kɔnlɛ ka ka digolon ne.»

Ezekieli 17:21

A sɔraasi kurun lɛn sɔraasi sonboren tumaa á re giɛ̃ zia la. Ǹ mɛnɛn bɛ́ re goɛ̃, bɛn tá re n pɛsɛ̃, ǹ wo bǎã tumaa nɛ. Ǹ tá re doɛ̃ ka bɛ-n kəni, mà ma din Dɛnaa Lawa má boo da.

Ezekieli 21:6

Dɛnaa Lawa wusoo á boo da ma nɛ á pɛ:

Lawa a wúlu-bɔlen 26:41

Bɛ lɛ na á toa masɛ dɔ yɔ bɔ ǹ ganaa, má ǹ kũ má ǹ dia ǹ zɔ́ɔn gána nɛ. Maǹ nə́ sii la, bɛ lɛ nɛ masɛ dɔlɔ bɔ ǹ ganaa. Bɛ̀ ǹ dinin nə́ daa ǹ nə́ dɔ̃ ǹ mɛn waáraa, mà masɛ bie mɛnɛɛ ǹ la wa,

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Matiə 23:12

Min mɛn bɛ́ n din gole koe, bɛa dɛnaa n die kiɛɛrɛ koe. Min mɛn bɛ́ n din kiɛɛrɛ koe, bɛa dɛnaa á die golebaa yii.»

Luku 1:52

A n die kiin nyanɛɛ a ǹ bɔ ǹ kii dankan la, a din boɛɛn-kɔlen saa lon.

Luku 14:11

A giala min woo min, a tá n din siɛ lon, Lawa á re bɛ gisĩ, min mɛn bɛ́, n din boɛɛn koe, Lawa á re bɛ siɛ lon.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Rɔmu minin 5:6

Wɔ bɛ́ sii baraa pàã giulun ǹ mɛn waáraa, Lawa din biikoo mɛn bɔ á koa, Krita na á gã bɛ li Lawa a zɔ́ɔn lɛa.

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Timəə dí-pɛn 32:35

Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Timote1 2:6

Asɛ lɛ na á n din kɔ minbuiin tumaa nyin si ǹ giɔ̀mɔ lɛa. A na á bɛ zɛnaa á kɔnpɛ ka a biikoo ne.

Tiitii 1:3

Sɛnɛ, a biikoo bɛ́ á dɔ kanna, a na á nyaa wɔ nɛ, ka a din a boo ne. Bɛa boo lɛ n ke á n kɔ masɛ Pooli la, wɔ Kirisibaali Lawa din ma dia a laakalɛɛ.

Zaaki 4:10

Ka n dinin gisĩ Dɛnaa giulun, á die ka mìi siɛ lon.

Zaaki 4:7

A bɛ́ miɛ̃, ka n dinin boɛɛn kɔ Lawa nɛ. Sɛnɛ, ka golee *Sɛtaan yɔrɔ-a ka n gòãn doa a ganaa. Bɛ̀ ka bɛ zɛnaa, á die woe sɔsɔɔ a n bɔ ka li.

Zaaki 5:10

Ma dɔɔ̃nɔn lɛn, Lawa a boo gii-dalin mɛnɛn nə boo da ka Dɛnaa tɔ nɛ, ka dɔn nə nɔmaa si ka ganaa ka bɛn lɛn wɔ bɛ́ lɔn.