Piɛrɛ1 5:5 - LAWA A BOO SONBORE

⁵ A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

LAWA A BOO SONBORE 2011

⁵ A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Piɛrɛ1 5:5 Iomraidhean Croise

KZS2 6:41

Kanna kəni Dɛnaa Lawa, yoo n da n susu ǹ bǎã nɛ, yoo ka n lɛ kɔ kɔn la ǹ goo kɛ nɛ goo kɛ lɛ n din pàã nyɛɛ! N kirisibaa kɛ nə n kɔ n wúlu-bɔlen kɛn lɛ ka mɔnaa bɛ́ lɔn! N din a min sonboren kɛn, bɛn die ǹ nə n nyɛnyɛɛ ka foo kɔɔ̃n gole ne!

Zɔbu 22:29

Lawa n min baraan n sii yɔrɔ bɔn ziziɛ̃, sɛnɛ min mɛnɛn bɛ́ n dinin gisĩ, a n bɛn kirisibiɛ.

Zɔbu 29:14

Man má goã peperebaa we ma din-a ka dɔnkɛ bɛ́ lɔn. Maa peperebaa kɛ na á goã dɔnkɛ gole lɛa ma ganaa, zín màn lɛa ma mìi-a.

Loen 132:16

Ma din tá re ma pàã koe a wúlu-bɔlen kɛn lɛ, ma ǹ kirisibaa. A min sonboren kɛn tá re n nyɛnyɛɛ ka lɛn gole ne.

Loen 132:9

N din pàã die a n minin kirisibaa, toa bɛ lɛ kɔ n wúlu-bɔlen kɛn lɛ ka mɔnaa bɛ́ lɔn. N din a min sonboren kɛn, bɛn die ǹ nə n nyɛnyɛɛ ka lɛn gole ne,

Loen 138:6

Ta Dɛnaa Lawa din nə lon sɔsɔɔ lɔn, a yii tá minbuiin tumaa a kiɛɛrɛdɛnaa ganaa, a nə n toɛ sɔsɔɔ, a din gole-kɔlen dɔ̃.

Suusun 25:7

Bɛ̀ ǹ nə́ pɛ n nɛ mà n nə n zɔ̃ n da nyɛɛnɛ, bɛ á soɛ n yii puusə kɔ nɛ kii yɔrɔ-a.

Suusun 3:34

Dɛnaa Lawa nə n foo nyɛɛ din koa wolen mala, sɛnɛ a na a sonborebaa nyɛɛ din gisiĩ wolen manɛ.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Ezekieli 26:16

Tɔrɔn mɛnɛn bɛ́ yìsi mu lɛ-a, bɛn goledɛnan tumaa á re gisĩ ǹ nə n bɔ ǹ kii dankanan la, ǹ tá re ǹ dɔnkɛ dadaran wɛɛ, ǹ nə ǹ mɔnaa sɛsian kɛn sɔlɔ, ǹ nə ǹ bɔ ǹ dinin ganaa. Nyɛ́ɛ á re ǹ kuĩ. Ǹ tá re giɛ̃ tán-a, ǹ gɔ̀nɔn nə́ bìn diɛ duduu. N sii lɛ á re nyɛ́ɛ diɛ ǹ ganaa.

Lawa a wúlu-bɔlen 19:32

Ka min gole guguru kɔ, ka yoo ka bǎã kɔ la. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa yii ni. Masɛ din Dɛnaa Lawa n má pɛ.

Luku 22:26

Sɛnɛ, kaa wɔ ba miɛ̃ wa. A yɔrɔ n ka kɛ nɛ, ka tumaa a gole lɛ nə n baa ka kaa kiɛɛrɛdɛnaa bɛ́ lɔn. Kaa nyɛɛnaandɛnaa nə n baa kaa dí-nyali lɛa.

Rɔmu minin 12:10

Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka n zɔɔ̃ kɔn ka kɔn guguru kɔ nɛ.

Rɔmu minin 13:14

Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.

Efɛɛzi minin 5:21

Kasɛn mɛnɛn bɛ́ nyɛ́ɛ biɛ Krita nɛ, ka kɔn lɛ si.

Filipi minin 2:3

Ka baran sii kɔ́n zɛnaa ka foo a wuu-pɛ nɛ, ka din gole kɔ-n wa. Sɛnɛ, ka n dinin boɛɛn kɔ, ka min kɔsɔn pɛsã kɔ ka dinin manɛ.

Kolɔɔsi minin 3:12

Lawa din na á ka bɔ, ka na a din a tɔrɔ lɛa, a tá ka narɛ. Bɛ lɛ tɔ ganaa, ka toa makara-doɛ̃ laanka bǐɛ̃baa goã ka foo ne, ka din-gisiĩ ni, ka sabarɛbaa nɛ, ka sii simaa nɛ.

Timote1 5:1

N nyan kakaarɛ kɔ min golen ganaa wa, sɛnɛ, boo da ǹ nɛ ka n bɛ́ boo diɛ n díi-n lɔn. Tɔntɔraan kũ n din dɔɔ̃nɔn lɛa.

Ebrəə 13:17

Ka kaa nyɛɛnaandɛnan bɔlɔ si, ka goã doroo ne ǹ ne. Sonbore, maǹ giɛ ka telenboenən walan, a giala, ǹ tá re n bɔlɔ pii Lawa yɔrɔ-a bɛa lɛa. Bɛ̀ ka á ǹ bɔlɔ sii, ǹ tá re dí nyɛɛ ka nyɛnyɛɛ nɛ. Bɛ̀ ka a ǹ bɔlɔ sii wa, ǹ tá re nyɛɛ ka yɔrɔ-kɔsiɛ nɛ. Bɛ̀ á yɔrɔ-kɔsiɛ baa, ka dɔn dinin là ba a-n wa.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Piɛrɛ1 4:1

*Krita lɛ bɛ́ á fuu yɛ a din gɔ̀nɔn nɛ, ka dɔn doamaa nɛ ka ka dinin yɔrɔ bɔ bɛa lɛa. A giala, min mɛn bɛ́ fuu yii a din gɔ̀nɔn nɛ, bɛa dɛnaa nə n dɔ̀ɔ̃ we sii baraa nɛ.

Piɛrɛ1 4:5

Sɛnɛ, ǹ tá re n bɔlɔ pii kànaa ka boɛɛn nɛ Lawa yɔrɔ-a, a kiri wɔ yiikoonaan laanka geren ganaa biikoo li.