Piɛrɛ1 5:3 - LAWA A BOO SONBORE

³ Lawa min mɛnɛn kɔ ka la mà ka ǹ nyɛɛnaan bɔ, ka baran pàã nyaa bɛn man wa, sɛnɛ, ka n baa tɔ wɔ ǹ gɔn sonbore nyaa ǹ minin lɛa zaman lɛ nyɛɛnɛ.

LAWA A BOO SONBORE 2011

³ Lawa min mɛnɛn kɔ ka la mà ka ǹ nyɛɛnaan bɔ, ka baran pàã nyaa bɛn man wa, sɛnɛ, ka n baa tɔ wɔ ǹ gɔn sonbore nyaa ǹ minin lɛa zaman lɛ nyɛɛnɛ.

Piɛrɛ1 5:3 Iomraidhean Croise

Loen 33:12

Dɛnaa Lawa bɛ́ tɔrɔn mɛnɛn Lawa lɛa, bɛn wɔ na á bǐɛ̃ kɔ. A bɛ́ á tɔrɔ mɛn a minin bɔ a din wɔn lɛa, á re barka diɛ bɛn ganaa.

Loen 74:2

N yiri koa n din a zaman kɛ nɛ, n zaman mɛn pii, ń baa n din wɔ lɛa haalɛ lɛlɛ. N yiri koa ka *Siɔn kele kɛ nɛ, n din bɛ́ n nə́ n giã ǹ bǎã koa ǹ mɛn la ke lɛn.

Ezekieli 34:4

Tɔɔn mɛnɛn pàã bɛ́ á nya, ǹ màn-bii kɔ bɛn la ǹ nə́ pàã yɛ wa. Ǹ mɛn bɛ́ busulə lɛa, ǹ dagòã bɔ bɛ-n wa. Ǹ mɛn gòã bɛ́ á yiɛ, ǹ màn yii bɛ gòã ganaa wa. Ǹ mɛn bɛ́ á n na, ǹ bɛ loo ǹ nə́ daa-n wa. Ǹ mɛn papaã, ǹ wo ga bɛ li ǹ nə́ daa-n wa. Sɛnɛ, maǹ nə́ ǹ lɛduə̃ ka kakaarɛbaa nɛ, ǹ nə́ bɔ ǹ yii ni.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Minin nimi 18:7

Sɛnɛ, n din Aarɔn laanka n tanlɛ nɛ, kasɛn die ka Lawa a wúlu-bɔlebaa ǹ dí nya wúlu bɔ ǹ bǎã kɛ laanka bǎã sonbore sonbore kɛ nɛ, kion bii kuru kɔn-a ǹ mɔnaa kɛ kio. Ma din ni ka goe ka bɛa dí lɛ nɛ. Bɛ̀ min kooro nə́ n mɔrɔ, ǹ dɛnaa nyin nə n boe.»

Zaã a sɛ́wɔ 13:15

Sii a kɔnboe n ke ma á nyɛɛ ka nɛ, ma sii mɛn zɛnaa ka nɛ, ka dɔn nə zɛnaa miɛ̃.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Korɛnti1 11:11

Sɛnɛ, Dɛnaa yɔrɔ-a, lɔ ba n toɛ̃ kɔn ka giĩ-n doɛ̃ wa, giĩ dɔ ba n toɛ̃ kɔn ka lɔ-n doɛ̃ wa.

Korɛnti1 3:5

Kasɛn gɔ́ɔ̃ nɛ, mà Apolɔɔsi n wàa lɛa? Pooli dɔ n wàa lɛa? Wɔ ǹ dí-nyali kooron lɛa, wɔ́ ka kaa goleemali ni. Dɛnaa màn mɛn kɔ wɔ gogoonmaa la, didie na á bɛ lɛ nyaa ka nɛ.

Korɛnti1 3:9

Wɔsɛn man kun Lawa a dí-nyalin lɛa, kasɛn man Lawa a wuru lɛa, á n kɔsɛ. Lawa bɛ́ kion mɛn dɔ doe, ka ǹ bɛ lɛa.

Korɛnti2 1:24

Goleemali wɔ paǹ li, wɔ ba li wáa wɔ sii kɔ́n da ka mìi-n wa. A giala, mà ka gòã doa parsiini goleemali gɔ́ɔ̃ nɛ. Sɛnɛ, wɔ ǹ taasɛ wáa wɔ dí nya kun ka nɛ kaa yii-nyɛɛ a lɛa.

Korɛnti2 4:5

Sonbore, bɛ̀ ma á boo laakalɛɛ, ma bie ma din boo diɛ wa: Yezu Krita mɛn bɛ́ Dɛnaa lɛa, man bɛ boo diɛ ka nɛ. Masɛ n kaa dí-nyali dinsɔɔ̃ lɛa Yezu taman yii.

Timəə dí-pɛn 32:9

A giala, Dɛnaa Lawa wɔ gii bɛ́ ka màn mɛn nɛ, a din a minin kɛn manɛ. Zakɔba tɔrɔn lɛn, bɛn lɛn man doe a ganaa.

Filipi minin 3:17

Ma dɔɔ̃nɔn lɛn, ka tumaa toa ka ma lɛn zɔɔ̃. Má sii zɛnaa ǹ gɔn nyaa ka nɛ; a bɛ́ miɛ̃, min mɛnɛn bɛ́ koe bɛa sii zɛnaa ǹ gɔn kɛ lɛ lɛ, ka bɛn gòɛ̃ saa.

Filipi minin 4:9

Ka màn mɛn yɛ masɛ li, ká n daraa a ganaa, ka ma lɛ ma boo mɛn diɛ, ká ma yɛ a sii zɛnɛɛ, ka toa ka bɛ tumaa a sii zɛnaa. Bɛ̀ á n baa miɛ̃, Lawa mɛn bɛ́ là nyantoro koe wɔ la, bɛ á re goɛ̃ kun ka nɛ.

Tesaloniki1 1:7

Bɛ lɛ na á toa, kaa tɔ wɔ ǹ gɔn nə́ Masedoanɛ gána laanka Grɛki gána a golee Lawa li wolen tumaa daraa.

Tesaloniki2 3:9

A bie ka wɔ doamaa bie ka kaa dɔmalɛ-n wa, sɛnɛ, wɔ ǹ wɔ́ kɛ zɛnaa, wɔ n giɛ li wáa ka dɔn nə zɛnaa miɛ̃.

Timote1 4:12

N nyan toa min kɔ́n nə n yii puusə kɔ n nɛnyaanbaa kɛ taman yii wa. Sɛnɛ, da ǹ boo ne, tɔ wɔ ǹ gɔn nɛ, kɔn-narɛɛ nɛ, goleemali laanka *yoreenbaa nɛ, toa n goã bɛn yɔrɔ-nyaali lɛa golee Lawa li wolen manɛ.

Tiitii 2:7

N dinmaa lɛ kəni, n doamaa nɛ, n goã dí sonboren giala-nyaali lɛa sii tumaa gɔ́ɔ̃ nɛ. N goã parsiidɛnaa lɛa, n boo ná a giala la, n minin-daraa gɔ́ɔ̃ nɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.