Piɛrɛ1 5:12 - LAWA A BOO SONBORE

¹² Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

LAWA A BOO SONBORE 2011

¹² Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Piɛrɛ1 5:12 Iomraidhean Croise

Zaã a sɛ́wɔ 21:21

Piɛrɛ bɛ́ á yɛ, á tɔ́n pɛ Yezu ni: «Dɛnaa, kɛ dɔ, wàa mɛn sii n die bɛ yii?»

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 15:22

Dia dí-a wolen lɛn laanka nyɛɛnaandɛnan lɛn nə́ kɔnwɔ ma ka Lawa a sɔmɔ minin lɛn nɛ, ǹ nə́ golee li, ǹ nə́ minin bɔ ǹ dinin bii, ǹ nə́ ǹ dia Antiɔsi kiwi, kun ka Pooli ni ka Barnabaasi ni. Bɛa minin lɛn, Zudaasi ni, ǹ nə́ bíi Barsabaasi, ka Silaasi ni, min yii guguru-an manɛ ǹ dɔɔ̃nɔn bii.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Rɔmu minin 5:2

A giala, a na á zii bũ wɔ nɛ, wɔ́ boo la wɔ́ n mɔrɔ Lawa a bǐɛ̃baa lɛ ganaa. Wɔ n wɔ́ lɛ kɔ bɛa bǐɛ̃ lɛ ganaa, golee Yezu li barka nɛ, wɔ na a din bǐɛ̃ kɛ lɛ gɔ́ɔ̃ nɛ, haalɛ ka pelo yii ni. Sisia kəni, wɔ foo á kɔɔ̃nɛ, a giala, wɔ á waa-n la, wáa Lawa á re toɛ wɔ wɔa wɔ gii yɛ a din a gugurubaa kɛ nɛ.

Korɛnti1 15:1

Ma dɔɔ̃nɔn lɛn, ma Boo Tii Kɔɔ̃n mɛn laakalaa ka nɛ, ka si, ka foo n tɔn doa-n a ganaa, man wusii ma á ka yiri diɛ bɛ nɛ.

Korɛnti2 1:19

A giala masɛ nɛ, ka Silaasi laanka Timote ne, wɔ Lawa a Nɛ Yezu Krita mɛn boo laakalaa kaa piɛ, a bie á goã pii mà «Hiĩ», a da yaa «Haayii» na a gɔ́ɔ̃-n wa. Ka bɛ-n dinin, a na á goã Lawa a «Hiĩ» lɛa.

Korɛnti2 1:24

Goleemali wɔ paǹ li, wɔ ba li wáa wɔ sii kɔ́n da ka mìi-n wa. A giala, mà ka gòã doa parsiini goleemali gɔ́ɔ̃ nɛ. Sɛnɛ, wɔ ǹ taasɛ wáa wɔ dí nya kun ka nɛ kaa yii-nyɛɛ a lɛa.

Efɛɛzi minin 3:3

Lawa lɛ kɔ, á sii nyaa ma nɛ, mà ma boo la ma a din a sii-durii yɔrɔ bɔ kɛ dɔ̃. Ma boon mɛnɛn kiɛ̃ kio sisia, bɛn man bɛ giala pii ka nɛ.

Efɛɛzi minin 6:21

Wɔ dɔɔ̃n taãn Tisiki mɛn bɛ́ bɔlɔgoondɛnaa lɛa, Dɛnaa a dí kɛ gɔ́ɔ̃ nɛ, ma bɛ́ ka yɔrɔ mɛn nɛ, bɛ á re die a bɛ tumaa pɛ ka nɛ, ma bɛ́ màn mɛn lɛa ka bɛ dɔ̃.

Kolɔɔsi minin 1:7

Ka dinin Epafrasi mɛn bɛ́ wɔa giaára lɛa, á n wɔ miã dí-nyali dɔ lɛa, bɛ na á ka daraa bɛ ganaa. A n bɔlɔgoondɛnaa lɛa a dí kɛ nɛ, á nyɛɛ Krita nɛ kaa lɛa.

Kolɔɔsi minin 4:7

Wɔ dɔɔ̃ngiĩ sonbore Tisiki mɛn bɛ́, Dɛnaa a dí-nyali bɔlɔgoondɛnaa lɛa, a n ma miã dí nya kun wole lɛa Dɛnaa nɛ, bɛ á re maa sii din tumaa yɔrɔ pii ka nɛ.

Kolɔɔsi minin 4:9

Onezimu mɛn bɛ́ ma dɔɔ̃n bɔlɔgoondɛnaa lɛa, a sii n kaka ma ganaa, bɛ ǹ diɛ zii. Ka dinin min ni ka bɛa Onezimu lɛ nɛ. Sii mɛn tumaa bɛ́ n zɛnɛɛ kànaa, ǹ tá re bɛ pii ka nɛ.

Tesaloniki1 1:1

Masɛ Pooli ni, ka Silaasi laanka Timote ne, wɔ n sɛ́wɔ kɛ diɛ Tesaloniki a Lawa a sɔmɔ minin la. Kasɛn mɛnɛn bɛ́ Díi Lawa laanka Dɛnaa Yezu *Krita wɔn lɛa, Lawa die a bǐɛ̃ zɛnaa ka nɛ, a là nyantoro kɔ ka la.

Tesaloniki2 1:1

Masɛ Pooli ni, Silaasi ni, ka Timote ne, wɔ n sɛ́wɔ kɛ diɛ Tesaloniki a Lawa a sɔmɔ minin la, kasɛn mɛnɛn bɛ́ wɔ Di Lawa laanka Dɛnaa Yezu *Krita wɔn lɛa.

Ebrəə 13:22

Dɔɔ̃nɔn lɛn, man ka nyankoe, ka doroo ǹ boon kɛn si ka ganaa. Kɛ din nə boo nɛ paa kooro lɛa ma á diɛ ka la.

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Piɛrɛ1 4:10

Lawa bǐɛ̃baa ǹ màn tɔtɔ mɛn kɔ ka gogoonmaa la, didie nə n doa a n dɔ ǹ miãn lɛ ka a wɔ nɛ, ka goã dí sonboren nyalin lɛa ka Lawa a bǐɛ̃baa ǹ màn tɔtɔ lɛ nɛ.

Piɛrɛ2 1:12

Bɛ lɛ a lɛa-n ma á giɛ li biikoo tumaa li, ma ka yiri gisĩ kɛ nɛ, a laanɛ ka á doɛ̃ gɔrɔ, ka n tɔ dɔ din we sɔnbɔraanɛ ke sonbore la, ka sonbore mɛn si ke lɛn.

Piɛrɛ2 2:15

Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.

Zaã3 1:12

Demetriyusu wɔ paǹ li, min tumaa na a tɔ bǐɛ̃ pii. Taãn dɔ nɛ ǹ tá pii. Wɔsɛn dɔn dinin tá a siéren biɛ. N tá doɛ̃ mà bɛ̀ wɔ siére mɛn pɛ, mà a n taãn lɛa.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.