Piɛrɛ1 3:9 - LAWA A BOO SONBORE

⁹ Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.

LAWA A BOO SONBORE 2011

⁹ Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.

Piɛrɛ1 3:9 Iomraidhean Croise

Siin Giala 42:25

Bɛ kio, á tɔ́n pɛ, mà ǹ belee kaa ǹ mànan nɛ ǹ pã, ǹ wusoo ǹ didie a wɔrɔ da a boroo gɔ́ɔ̃ nɛ, ǹ màn-bii kɔ ǹ la, ǹ die ǹ bii zii gialaa. A na á zɛnaa ǹ nɛ miɛ̃.

Suusun 17:13

Min mɛn bɛ́ sii bǐɛ̃ sarɛɛ ka sii baraa nɛ, koe á re goɛ̃ a kion duduu.

Suusun 20:22

N nyan pɛ: «Man die baraa sarɛɛ ka baraa nɛ.» Sɛnɛ, n foo doa Dɛnaa Lawa ganaa, á re n kirisibiɛ.

Suusun 28:10

Min mɛn bɛ́ min peperen siɛ̃ ǹ kiɛ sii baraa nɛ, a nyankɔrɔ mɛn fɔ̃, a din nə die n doe a nɛ. Sɛnɛ, min sonboren tá re là nyantoro yii.

Matiə 19:29

Bɛ̀ min mɛn ná a kionən toa walan masɛ tɔ taman yii, ǹ dɔɔ̃ngiĩn ni, ǹ miãnɛnɛn nɛ, ǹ di laanka ǹ dan nɛ, a nɛnyaanan nɛ, hinlaa a wuru ni, bɛa dɛnaa á die bɛ din tumaa a laman paabiɛ yii, a wusoo a nyin nyabaã dɔ yɛ.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 5:39

Sɛnɛ, masɛ n pii ka nɛ, bɛ̀ min nə́ sii la n la, n baran a gɛ̀ dòo bɔ a ganaa wa. Bɛ̀ min nə́ n gɔn tɔ n gusin a para nɛ, a toa a tɔ n gɔsɛ wɔ lɛ dɔ-n gɔrɔ.

Matiə 5:44

Sɛnɛ masɛ n pii ka nɛ, ka kaa zɔ́ɔn narɛ. Min mɛnɛn bɛ́ fuu nyɛɛ ka nɛ, ka Lawa nyankɔ bɛn manɛ.

Marki 10:17

Yezu bɛ́ á mɛ zii la á n woe, giĩ goon baa si á daa kaa tán a giulun á nɔ̀n da la kɛnɛn: «Mìinaa sonbore, masɛ doamaa-n ma wàa zɛnaa ma tɔn nyin nyabaã yɛ?»

Luku 10:25

Á ke, landa sii-daraali goon na á yoo, á boo da á n da Yezu gɔ́ɔ̃ li á pɛ: «Mìinaa, masɛ doamaa nɛ ma wàa zɛnaa, masɛ tɔn nyin nyabaã yɛ saraa lɛa?»

Luku 18:18

Zuifun goledɛnaa goon na á nɔ̀n da Yezu la: «Mìinaa sonbore, masɛ doamaa nɛ ma wàa zɛnaa, màn mɛn bɛ́ toɛ, masɛ nyin nyabaã yɛ?»

Rɔmu minin 12:14

Min mɛnɛn bɛ́ boe ka yii ni, ka Lawa nyankɔ bɛn lɛa, mà Lawa bǐɛ̃ zɛnaa ǹ nɛ. Ka Lawa nyankɔ ǹ lɛa, ka baran dì bíi ǹ li wa.

Rɔmu minin 12:17

Bɛ̀ min sii baraa zɛnaa ka nɛ, ka baran a dòo saraa ka sii baraa-n wa. Ka ga sii bǐɛ̃ zɛnaa li min din tumaa yɔrɔ-a.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Rɔmu minin 8:30

Lawa din bɛ́ á min mɛnɛn kaa ǹ gɔrɔn, a din na á bɛn bíi, mà ǹ na asɛ a minin baa. A min mɛnɛn bíi, a din na á lɛ kɔ bɛn ganaa min peperen lɛa. A din lɛ kɔ min mɛnɛn ganaa min peperen lɛa, á gugurubaa kɔ bɛn la.

Galaasi minin 3:14

Bɛ na á n zɛnaa, màn mɛn bɛ́ toɛ, Lawa barka mɛn da Abrahamu ganaa, bɛ dɔ tɔrɔ kɔsɔn kɛn tumaa ganaa Yezu Krita pàã ganaa. Bɛa yɔrɔ kɛ lɛ la, goleemali barka nɛ, wɔ n boe la, wɔ Lawa a lɛ-kɔ ǹ Yiri Fu kɛ yɛ.

Efɛɛzi minin 4:32

Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Tesaloniki1 5:15

Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

Ebrəə 12:17

Ka á doɛ̃, bɛ kio, a bɛ́ mà a n giɛ li ǹ mɛn waáraa, mà ǹ di Izaaki Lawa bǐɛ̃ bíi asɛ li, ǹ di nə́ n piã nɛ. A boo la doo duduu, á bɛa sii kɛ lɛ bɔyaa wa, a laanɛ a ná a nyankɔ ka yii mu ni.

Ebrəə 6:14

Á pɛ: «Hiĩ, ma á re barka gigiã we n ne, ma á re n tɔrɔ mɔnɛɛ.»

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Samayeli1 26:11

Dɛnaa Lawa min mɛn bɔ á koa, Dɛnaa Lawa die a ma kanbaa bɛa dɛ ganaa! Sɛmiɛ̃ mɛn bɛ́ a mìi wɔlɔ li, bɛ laanka mu tɔn lɛ sɛ saa, wɔ n tan.»