Piɛrɛ1 3:8 - LAWA A BOO SONBORE

⁸ Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

LAWA A BOO SONBORE 2011

⁸ Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Piɛrɛ1 3:8 Iomraidhean Croise

Loen 103:13

Min bɛ́ a nɛnyaanan makara doɛ̃ lɔn, Dɛnaa Lawa dɔ na a nyɛ́ɛbaaman wolen makara doɛ̃ miɛ̃.

Suusun 28:8

Min mɛn bɛ́ wɔrɔ giɔ̀mɔ diɛ minin ganaa ka là gole-n la, ta á pàãma baa, a gɔn màn lɛ n die min kɔsɔ wɔ biɛ, min mɛn bɛ́ doobaa makara doɛ̃.

Zakarii 7:9

«Dɛnaa Lawa Pàãyiidɛnaa n ke pii: Ka kiri pepere wɔ, ka goã min sonboren lɛa, kɔn-narɛɛ n ka bii.

Matiə 18:33

Nsɛ a boe la n makara bɔ ǹ miã lɛ ganaa, ka masɛ bɛ́ ma makara bɔ n dɔ ganaa lɔn wa?»

Luku 10:33

Bɛ kio, Samarii gána min goon na á goã woe zii ni. (Bɛa Samarii gána minin lɛn tìĩ n boe-n Zuifun nyin ni). A bɛ́ á daa á dɔ giĩ lɛ li, a yii bɛ́ á yɛ, a makara kũ.

Nya ǹ dín 2:1

Zɔ́n mɛn bɛ́ n zɛnɛɛ kiɛ̃mala ǹ wɔ kɛ a kiɛ̃ lɛawaa posooro pinaa, a tɔ n *Pantikɔti, bɛ dɔ. Kialandɛnan lɛn tumaa lɛ na á goã soe-n kɔn kun.

Nya ǹ dín 27:3

Wɔa woo a lɛawaa, wɔ́ dɔ Sidɔn. Zulusu na á goã Pooli kuĩ ka minbuiinbaa nɛ, á lɛ kɔ mà Pooli wo bɔ a giaáran li kiwi gɔ́ɔ̃ nɛ, bɛn na a laadoo siin zɛnaa nɛ.

Nya ǹ dín 28:7

Gána lɛ a min yii guguru-a tɔ n Pubulusu, bɛa wurun man nə́ goã kunu bǎã lɛ ganaa. Bɛ́ wɔ kũ á woo wɔ nɛ a piɛ wɔ giã walan, á wɔ kũ doɛ̃ sɔnbɔraanɛ yǎa lɛawaa sɔɔ.

Nya ǹ dín 4:32

Minbuiin gigiã mɛn din tumaa golee Lawa li, bɛn gɔ́ɔ̃n laanka ǹ taasiɛn man nə́ goã goon, ǹ kɔ́n dɔ goã giɛ a din gɔn màn kɔn-a a din wɔ lɛa wa, sɛnɛ, ǹ tumaa na á goã ǹ gɔn màn yii kiɛ kun.

Rɔmu minin 12:10

Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka n zɔɔ̃ kɔn ka kɔn guguru kɔ nɛ.

Rɔmu minin 15:5

Lawa n foo tãbaa laanka sii simaa koe. Bɛa Lawa lɛ nə n dɔ ka lɛ, ka lɛ boo la a goã kun, ka Yezu Krita bɛ́ giɛ li lɔn.

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Korɛnti1 12:26

Bɛ̀ gù goon tá nɔmaa nɛ, gù lɛ din tumaa na á nɔmaa lɛ gii kɔn. Bɛ̀ gugurubaa tá gù goon li, gù lɛ din tumaa na a nyɛnyɛɛ gii kɔn.

Efɛɛzi minin 4:2

Ka goã din boɛɛn-kɔlen lɛa, ka foo n basiɛ̃nɛ, sii simaa wolen lɛa baraabaraa. Ka kɔn a sii si ka ganaa ka kɔn-narɛɛ nɛ.

Efɛɛzi minin 4:31

Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.

Efɛɛzi minin 4:32

Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Filipi minin 2:3

Ka baran sii kɔ́n zɛnaa ka foo a wuu-pɛ nɛ, ka din gole kɔ-n wa. Sɛnɛ, ka n dinin boɛɛn kɔ, ka min kɔsɔn pɛsã kɔ ka dinin manɛ.

Filipi minin 3:16

Ta á n baa lɔn, ka daa wɔ n ta nyɛɛnɛ, a kɔnpɛ ka wɔ bɛ́ wɔ́ kɔ zii mɛn lɛ, á dɔ pelo ǹ ganaa.

Kolɔɔsi minin 3:12

Lawa din na á ka bɔ, ka na a din a tɔrɔ lɛa, a tá ka narɛ. Bɛ lɛ tɔ ganaa, ka toa makara-doɛ̃ laanka bǐɛ̃baa goã ka foo ne, ka din-gisiĩ ni, ka sabarɛbaa nɛ, ka sii simaa nɛ.

Ebrəə 13:1

Ka toa dɔɔ̃nbaa ǹ kɔn-narɛɛ goã ka bii.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Zaaki 5:11

Wɔ nə ǹ laakalɛɛ, a giala, ǹ nə́ sii si ǹ ganaa. Táa ka Zɔbu a sii simaa boo ma. Dɛnaa màn mɛn kɔ la bɛ kio, táa ka á bɛ dɔ doɛ̃. A giala, Dɛnaa a bǐɛ̃baa laanka a makara-doɛ̃ á gole.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 2:17

Ka min din tumaa guguru kɔ, ka ka dɔɔ̃n Lawa-nyankɔlen narɛ, ka nyɛ́ɛ baa Lawa nɛ, ka kii gole kɛ guguru kɔ.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Piɛrɛ2 1:7

Ka dɔɔ̃nbaa a kɔn kũ doɛ̃ naa nyɛ́ɛ baa Lawa-n lɛ ganaa. Bɛ din tumaa kio kəni, ka kɔn-narɛɛ naa dɔɔ̃nbaa a kɔn kũ doɛ̃ kɛ ganaa.

Zaã1 3:14

Wɔ á doɛ̃, wáa wɔ́ n bɔ gɛ̀ nɛ, wɔ́ wɔ yiikoonaabaa nɛ. Wɔ ǹ bɛ doɛ̃, a giala, mà wɔ n wɔ dɔɔ̃nɔn narɛ. Min mɛn bɛ́ a min narɛ wa, bɛ n tɔn gɛ̀ gɔ́ɔ̃ nɛ.