Piɛrɛ1 3:4 - LAWA A BOO SONBORE

⁴ Sɛnɛ, kaa siĩnbaa lɛ goã foo wɔ kɛ lɛa, bɛa siĩnbaa kɛ lɛ a kiɛ̃ wa, a n boe foo-basiɛ̃ laanka ga là nyantoro li ǹ taasiɛ nɛ, bɛ lɛ n soɛ màn tumaa nɛ Lawa yɔrɔ-a.

LAWA A BOO SONBORE 2011

⁴ Sɛnɛ, kaa siĩnbaa lɛ goã foo wɔ kɛ lɛa, bɛa siĩnbaa kɛ lɛ a kiɛ̃ wa, a n boe foo-basiɛ̃ laanka ga là nyantoro li ǹ taasiɛ nɛ, bɛ lɛ n soɛ màn tumaa nɛ Lawa yɔrɔ-a.

Piɛrɛ1 3:4 Iomraidhean Croise

Loen 131:2

Sɛnɛ, má giã kiĩn ma din yiri li. Ka nɛ bɛ́ lɔn ǹ dan dɔ̀ɔ̃ nɛ, a nyɔ mii doo wa, man miɛ̃ kiĩn ka bɛa nɛ lɛ nɛ.

Loen 147:6

Dɛnaa Lawa nə n doe nɔmaa-wɔlen lɛ, á nə́ ǹ siɛ ǹ diɛ lon. Min baraan kɛn, a n bɛn gisĩ yǎa tán.

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Loen 25:9

A n din-gisiĩ wolen diɛ zii pepere la, a nə ǹ darɛɛ a zii lɛ a tɔ wɔ ganaa.

Loen 45:13

Bɛa biikoo li, Tiiri minin kɛn, pàãma lɛa ǹ nə́ la min tumaa nɛ, bɛn tá re gɔn màn boe ǹ da kɔ n la, mà ǹsɛn man nə n mɛ boe n ne.

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Zeremii 51:59

Neriya a nɛgiĩ, Maseya a nɔ̀ɔn Seraya na á goã Zudaan kii Sedekiasi a sɔraasin sii yɔrɔ-bɔle lɛa. Sedekiasi a kiibaa lɛ̀ siibaa ǹ wɔ li, Seraya kɔ lɛ á woo Baabilonii. Koe mɛn tumaa doamaa bɛ́ a Baabilonii kiwi yɛ, ka boon mɛnɛn bɛ́ a n li a ǹ da kiwi lɛ ganaa, Zeremii goã á bɛn tumaa kiɛ̃ sɛ́wɔ munii la.

Matiə 11:29

Ma a kakaarɛ wa, ma a min puusə koe wa. Ma bɛ́ guĩ mɛn koe ka la ka bɛ lɛ si, ka maa doroo ma, piɛ̃ á re kiɛ ka ganaa.

Matiə 21:5

«Ka pɛ *Siɔn kele minin manɛ Zeruzalɛmu kiwi: Kaa kii á ke die ka li, á n din boɛɛn kɔ, á dii dundun dan la, ka a nɛ banɛɛ nɛ, dundun dan a nɛ lɛa.»

Matiə 23:26

Fariziɛ̃ yii tere-an kɛn! Ka paan lɛ gɔ́ɔ̃ pii bɔrɔ, a dɔ̀ɔ̃ lɛ dɔ á die boe.

Matiə 5:5

Min mɛnɛn bɛ́ sabarɛbaa nɛ, Lawa á re barka diɛ bɛn ganaa, a giala Lawa màn mɛn a lɛ kɔ ǹ la, á re bɛ lɛ koe ǹ la.

Luku 11:40

Ka baãnaan kɛn! Lawa mɛn bɛ́ á màn dɔ̀ɔ̃ lɛ zɛnaa, a din bie a ná a gɔ́ɔ̃ lɛ dɔ zɛnaa wa?

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Rɔmu minin 1:23

Lawa mɛn bɛ́ a nyɛɛ duduu wa, ǹ bɛ guguru kɔ wa. Maǹ nə́ goã màn gã wolen nyínin guguru koe, minbuiinin ni, bàanan nɛ, tɔɔ gòã siidɛnan nɛ, ka màn nɔ̀ giɛraa tán wolen ne.

Rɔmu minin 2:29

Gɔ́ɔ̃ wɔ n min biɛ Zuifu taãn lɛa, kurii n boe foo li, Lawa a Yiri Fu barka nɛ, sɛnɛ Lawa a boo kiɛ̃ kɛ dinsɔɔ̃ barka bie wa. Bɛa Zuifu taãn kɛ a tɔ bɔ bie boe minbuiinin li wa sɛnɛ, a n boe Lawa li.

Rɔmu minin 6:6

Ka daa wɔ kɛ giala ma sɔnbɔraanɛ: Wɔa tɔ wɔ ǹ gɔn zizi lɛ na á gã kun ka Krita nɛ dere ǹ gɔn ganaa. Wɔa sii baraa zɛnaa ǹ dùũ lɛ gã. Bɛ lɛ nɛ, wɔ a boe la wɔ n baa sii baraa a bɛ̀rɛn lɛa doo wa.

Rɔmu minin 7:22

Ma gɔ́ɔ̃ nɛ, Lawa a dí-pɛn man kɔɔ̃n ma ganaa.

Korɛnti2 10:1

Masɛ Pooli dinmaa n kɛ pii ka nɛ, masɛ mɛn bɛ́, ǹ nə pii mà bɛ̀ ma á ka li, mà man min basiɛ̃ lɛa, sɛnɛ, mà bɛ̀ ma a ka li wa, mà man kakaarɛ ka ganaa. Man ka nyankoe ka *Krita a foo basiɛ̃ laanka a sonborebaa nɛ.

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Galaasi minin 5:23

foo-basiɛ̃ nɛ ka boomadinla nɛ. Dí-pɛn ba yɔ boe bɛa sii kɛ miã kɔ́n ganaa wa.

Efɛɛzi minin 4:2

Ka goã din boɛɛn-kɔlen lɛa, ka foo n basiɛ̃nɛ, sii simaa wolen lɛa baraabaraa. Ka kɔn a sii si ka ganaa ka kɔn-narɛɛ nɛ.

Kolɔɔsi minin 3:12

Lawa din na á ka bɔ, ka na a din a tɔrɔ lɛa, a tá ka narɛ. Bɛ lɛ tɔ ganaa, ka toa makara-doɛ̃ laanka bǐɛ̃baa goã ka foo ne, ka din-gisiĩ ni, ka sabarɛbaa nɛ, ka sii simaa nɛ.

Kolɔɔsi minin 3:3

Sonbore, ka gã, kaa yiikoonaabaa lɛ n durii-n Lawa gɔn, ka Krita bɛ́ durii-n lɔn.

Tesaloniki1 4:11

Ka n doa ka giã kiĩni, didie na a din a sii yɔrɔ bɔ, a dí nya ka a din gɔn nɛ, ka wɔ bɛ́ wɔ́ pɛ wɔ́ laa ka ganaa lɔn.

Tesaloniki2 3:12

Wɔ ǹ pii bɛa dɛnan lɛn manɛ, wɔ á laɛ ǹ ganaa ka wɔa Dɛnaa Yezu Krita tɔ nɛ, wáa ǹ bɛ lɛ da, ǹ di nya baraabaraa, ǹ nə ǹ dininmaan sɛ̀fuu màn bii.

Timote1 2:2

kiin laanka min mɛn tumaa bɛ́ pàã lɛ la. Man giɛ li máa wɔ bɛ zɛnaa, màn mɛn bɛ́ toɛ, wɔ goã là nyantoro la, wɔ yiri n bǎã goon ne, wɔ n nyɛ́ɛ biɛ Lawa nɛ, wɔ n tɔ wɔ ǹ gɔn sonbore la.

Timote2 2:25

Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.

Tiitii 3:2

Mà ǹ nyan boo baraa da min kɔ́n ganaa wa, ǹ nə n bɔ zia wɔlɔ li. A pɛ ǹ nɛ, mà ǹ nə n dinin nyaa yiri koa minin li wolen lɛa, ǹ nə ǹ min basiɛ̃baa nyaa min tumaa wɔ paǹ li biikoo tumaa li.

Zaaki 1:21

Bɛ lɛ taman yii, sii mɛn tumaa bɛ́ *gɔ̀ loe min ganaa, ka n bɔ bɛ wɔlɔ li, ka nya ǹ dí babaraa tumaa nɛ. Lawa na a boo mɛn wɔ ka foo ne, ka lɛ kɔ bɛ ganaa ka din-gisiĩ ni, a giala, á boe la a ka kirisibaa.

Piɛrɛ1 1:23

Sonbore, ka ǹ ká yɛ gunyin paa, ka bie ka yɛ díi gã wolen la doo wa, ka ǹ ká yɛ díi kɔ́n la, a n màn tɔrɔ gãbaã wole lɛa, bɛ n ka Lawa a boo yiikoonaa kɛ nɛ, a kiɛ̃ duduu wa.

Piɛrɛ1 3:15

Sɛnɛ, ka toa *Krita goã kaa Dɛnaa lɛa, ka bǎã kɔ a dinsɔɔ̃ la ka foo ne. Ka n yɔrɔ bɔ biikoo tumaa li ka koa, foo-doa mɛn bɛ́ ka lon, bɛ̀ minin tá nɔ̀n diɛ ka la bɛ wɔ gɔn la, ka toa ka a yɔrɔ sonbore nyaa ǹ nɛ.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»