Piɛrɛ1 3:12 - LAWA A BOO SONBORE

¹² A giala, Dɛnaa n giɛ sii pepere-zɛnaalin walan, a too n koo ǹ nyankɔ li, sɛnɛ, Dɛnaa nə n piɛ̃ ka baraa-zɛnaalin ni.»

LAWA A BOO SONBORE 2011

¹² A giala, Dɛnaa n giɛ sii pepere-zɛnaalin walan, a too n koo ǹ nyankɔ li, sɛnɛ, Dɛnaa nə n piɛ̃ ka baraa-zɛnaalin ni.»

Piɛrɛ1 3:12 Iomraidhean Croise

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

KZS2 7:15

A kũ kanna ganaa, ma nə n yii buĩ. Lawa nyankɔ mɛn tumaa bɛ́ re n woe Lawa a kion kɛ nɛ, ma á re n too koe li sɔnbɔraanɛ.

Loen 11:4

Sɛnɛ, Dɛnaa Lawa tá a giã ǹ bǎã sonbore kɛ nɛ. A tá a kiibaa ǹ bǎã kɛ-n lon, a yii tá min tumaa ganaa, á giɛ minbuiinin zɛnaa ǹ sii ganaa.

Loen 33:18

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, ǹ nə́ n foo doɛ a kɔn-narɛɛ gole kɛ ganaa, Dɛnaa Lawa n giɛ bɛn walan.

Loen 65:2

Lawa, n din nə *Siɔn kiwi kɛ nɛ, n doamaa nɛ min gogoonmaa nə n tɔ bɔ, min gogoonmaa nə n lɛ kɔ ka sii mɛn nɛ ǹ bɛ zɛnaa n wɔ paǹ li,

Loen 80:16

N din da giala mɛn wɔ tán ka n gɔn nɛ, bɛ tamaa, n din a zaman kɛ lɛ nɛ, n nɛgiĩ lɛa.

Suusun 15:29

Dɛnaa Lawa wɔlɔ n sɔsɔɔ min baraan ganaa. Sɛnɛ, a nə n too koe sii sonbore-zɛnaalin nyankɔ li.

Suusun 15:3

Dɛnaa Lawa yii n bǎã tumaa nɛ, a yii n min baraan ganaa ka min sonboren ne.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Zeremii 21:10

Dɛnaa Lawa a da ǹ boo á ke: Hiĩ, man die yui Zeruzalɛmu gialaa, ma baraa zɛnaa nɛ, bǐɛ̃ boo bie wa. Man die we Baabiloniin kii gɔn, a tɛ da a ganaa.»

Zeremii 39:12

«Wo kũ n da nɛ, n ga a walan, min kɔn nyan baraa zɛnaa-n wa, n tamaa ka a bɛ li lɔn.»

Ezekieli 15:7

Man die n yɔrɔ bɔyɛɛ ma da ǹ la. Maǹ nə́ soo tɛ-n, sɛnɛ, tɛ á re wusii a ǹ kũ. Bɛ̀ má n yɔrɔ bɔyaa má da ǹ la ǹ mɛn waáraa, ka á re doɛ̃ kəni, mà ma din nə Dɛnaa Lawa lɛa.

Lawa a wúlu-bɔlen 17:10

Min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ ǹ mɛn màn mà wɔ a lɛ-n, masɛ á die n bɔyɛɛ man yɔrɔ da bɛa dɛnaa la, ma loo ma bɔ Izirayeli tɔrɔn bii.

Lawa a wúlu-bɔlen 20:3

Masɛ dinmaa n die n bɔyɛɛ, man yɔrɔ da bɛa dɛnaa kɛ lɛ la, ma bɔ ma bɔ Izirayeli tɔrɔn bii. A giala, a ná a nɛ kɔ Molɛki la. Bɛ̀ min mɛn dɔ́ bɛ zɛnaa, ǹ dɛnaa na á maa kion sonbore kɛ gɔgɔrɛ kɔ, á ma tɔ sonbore kɛ ziziɛ̃.

Lawa a wúlu-bɔlen 20:6

Bɛ̀ min mɛn woo gere nyín bíi boon kion, a n goon ka ǹ dɛnaa na á dì wúlu bɔ. Bɛ̀ min mɛn bɛ zɛnaa, masɛ á die n bɔyɛɛ man yɔrɔ da bɛ la, ma bɔ ma bɔ maa tɔrɔ minin bii.

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Zakarii 4:10

Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

Zaã a sɛ́wɔ 9:31

Min tumaa á doɛ̃ mà Lawa ba sii baraa-zɛnaalin lɛ sii wa. Sɛnɛ, bɛ̀ min mɛn tá nyɛ́ɛ biɛ a yii ni, a ná a foo sii zɛnɛɛ, a n bɛa dɛnaa lɛ sii.

Timəə dí-pɛn 11:12

Bɛa gána lɛ, kaa Lawa, Dɛnaa Lawa lɛ n giɛ a walan. A yii n la miɛ̃, a saa lɛ̀ a giala-kɔ ganaa, a wo a gɔn-nyɔmiɛ̃ yaa.

Zaaki 5:16

Bɛ lɛ taman yii, ka kaa sii baraan pɛ kɔn nɛ, ka Lawa nyankɔ kɔn a lɛa, màn mɛn bɛ́ toɛ, ka kakabaa yɛ. Min mɛn bɛ́ Lawa bɔlɔ sii, pàã tá bɛa dɛnaa a Lawa-nyankɔ nɛ.