Piɛrɛ1 3:11 - LAWA A BOO SONBORE

¹¹ A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

LAWA A BOO SONBORE 2011

¹¹ A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Piɛrɛ1 3:11 Iomraidhean Croise

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Zɔbu 2:3

Dɛnaa Lawa tɔ́n pɛ nɛ: «Táa ń masɛ a dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ. A ke, a tɔn sii kɔn la wa, n dɔ á ke ma diɛ a dɛ ganaa kooro.»

Zɔbu 28:28

Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»

Loen 125:4

Dɛnaa Lawa, min mɛnɛn bɛ́ sii bǐɛ̃ zɛnɛɛ, bǐɛ̃ zɛnaa bɛn manɛ. Min mɛnɛn gɔ́ɔ̃ bɛ́ fu, bǐɛ̃ zɛnaa bɛn manɛ.

Loen 34:14

yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.

Loen 37:27

N bɔ sii baraa wɔlɔ li, n sii bǐɛ̃ zɛnaa. N tá re giã ǹ bǎã yii gána lɛ nɛ biikoo tumaa li.

Suusun 16:17

Min pepere nə n nyɛnɛɛ baraa nɛ. Min mɛn bɛ́ n yiri koɛ a din a giã ǹ gɔn li, a nə n nyin tamɛɛ.

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 3:7

N nyan taasɛ mà nsɛ n yiridɛnaa lɛa wa. Sɛnɛ, nyɛ́ɛ baa Dɛnaa Lawa yii ni, n nə n wɔlɔ lui sii baraa ganaa.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Matiə 5:9

Min mɛnɛn bɛ́ dí nyɛɛ là nyantoro a lɛa, Lawa á re barka diɛ bɛn ganaa, a giala ǹ tá re ǹ bíi Lawa a nɛnyaanan!

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Marki 14:7

A giala, doobaan tá kun ka nɛ biikoo tumaa li, bɛ̀ ka á li ka bǐɛ̃ zɛnaa ǹ nɛ ǹ mɛn pinaa, ka á boe la ka zɛnaa ǹ nɛ. Sɛnɛ, masɛ bie re goɛ̃ kun ka-n miɛ̃ wa.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Luku 6:9

Yezu pɛ ǹ nɛ: «Man nɔ̀n diɛ ka la, kasɛn landa siin lɛn man lɛ koe wàaǹ sii nə n zɛnaa min ni susu ǹ pii pinaa? Sii bǐɛ̃ hinlaa sii baraa? Min nyin si gɛ̀ la hinlaa a nyin bɔ?»

Zaã a sɛ́wɔ 17:15

Ma bie n nyankoe, máa n nə ǹ bɔ n nə ǹ bɔ kanaa lɛ gɔ́ɔ̃-n wa, sɛnɛ, máa n nə ǹ kanbaa *Sɛtaan Baraa kɛ ganaa.

Rɔmu minin 12:18

Bɛ̀ á boe la a n zɛnaa, bɛ̀ a bɔ ka dinin li wa, ka n doa là nyantoro goã ka bii ka min tumaa nɛ.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 7:19

Wɔ bɛ́ giɛ bǐɛ̃ mɛn li, wɔ a bɛ zɛnɛɛ wa. Wɔ bɛ́ wɔ a giɛ baraa mɛn li wa, wɔ n bɛ zɛnɛɛ.

Rɔmu minin 7:21

Sii lɛ nə n zɛnɛɛ masɛ-n kɛnɛn: masɛ mɛn bɛ́ giɛ li ma bǐɛ̃ zɛnaa, man boe sii baraa dinsɔɔ̃ a zɛnaa la.

Rɔmu minin 8:6

Taasiɛ doa gɔ̀nɔn foo siin ganaa n woe min diɛ gɛ̀ nɛ. Taasiɛ doa Lawa a Yiri Fu dùũ siin ganaa n woe min diɛ nyin nyabaã laanka là nyantoro ne.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.

Timote1 6:18

A pɛ ǹ nɛ, mà ǹ sii bǐɛ̃ zɛnaa, ǹ naforodɛnan baa sii sonbore zɛnaa gɔ́ɔ̃ nɛ. Ǹ toa bǐɛ̃baa ǹ foo yɛ ǹ lon, ǹ min kɔsɔn gɔ ka màn nɛ.

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Ebrəə 13:16

Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.

Zaaki 4:17

Bɛ gɔ́ɔ̃ nɛ, bɛ̀ min mɛn tá sii sonbore zɛnaa ǹ gɔn doɛ̃, a ná a ba zɛnɛɛ wa, bɛa dɛnaa n sii baraa diɛ a din mìi ni.

Piɛrɛ1 3:12

A giala, Dɛnaa n giɛ sii pepere-zɛnaalin walan, a too n koo ǹ nyankɔ li, sɛnɛ, Dɛnaa nə n piɛ̃ ka baraa-zɛnaalin ni.»

Zaã3 1:11

Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.

Sii yɔrɔ-bɔlen 11:14

Zɛftee wusoo á minin dia Amɔn tɔrɔn kii lɛ la,