Piɛrɛ1 3:10 - LAWA A BOO SONBORE

¹⁰ Sonbore, Lawa a boo n pii: «Bɛ̀ min mɛn tá li a tá kanaa bǐɛ̃ kɔ, a nyin sasa yɛ là nyantoro gɔ́ɔ̃ nɛ, yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.

LAWA A BOO SONBORE 2011

¹⁰ Sonbore, Lawa a boo n pii: «Bɛ̀ min mɛn tá li a tá kanaa bǐɛ̃ kɔ, a nyin sasa yɛ là nyantoro gɔ́ɔ̃ nɛ, yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.

Piɛrɛ1 3:10 Iomraidhean Croise

Zɔbu 2:4

Zɔ́ɔ tɔ́n pɛ Dɛnaa Lawa nɛ: «Didie n giɛ a din nyin li bɔrɔ. Minbuiin nɛ á boe la a n gɔn màn tumaa kɔ, a ga a din nyin li ni.

Zɔbu 33:28

Á ma kanbaa, màn mɛn bɛ́ toɛ, ma baran gã wa. Á ma kanbaa, màn mɛn bɛ́ toɛ, ma yii wusoo a goã koo.»

Zɔbu 9:25

Maa lɛawaan lɛn gòã yii á fuu, ǹ nə́ la baa-silin manɛ, Maǹ baa sii, má n ma tɔn yii-nyɛɛ yɛ wa.

Loen 106:5

N toa man din a yii gɔgoɛ̃ wolen yii-nyɛɛ kɛ yɛ, man nyɛnyɛɛ kun ka n zaman kɛ nɛ, ma maa wɔ gii yɛ n din a minin nyaǹ bɔ kɛ nɛ.

Loen 27:13

Má waa la máa ma á re Dɛnaa Lawa a bǐɛ̃baa yii yiikoonaan kanaa kɛ nɛ.

Loen 49:19

A yii bɛ́ koo, a nə n nyɛnyɛɛ, minin man a laakalɛɛ, a giala, asɛ a sii tumaa n bǐɛ̃ koe.

Suusun 3:18

Sii-doɛ̃ lɛ n ka yiikoonaabaa ǹ da bɛ́ lɔn. A bɛ́ min mɛnɛn gɔn, ǹ yii n nyɛɛ nɛ.

Suusun 3:2

Ka bɛ nɛ, n yii á re goɛ̃ koo, n tá re nyin sasa yii, ka là nyantoro ne.

Suusun 4:22

Min mɛnɛn tumaa bɛ́ maa boon sii, a n yiikoonaabaa koe ǹ la ka kakabaa nɛ.

Suusun 8:35

Taãn nɛ, bɛ̀ min mɛn ma yɛ, a na á yiikoonaabaa yɛ. A sii n kɔɔ̃n koe Dɛnaa Lawa ganaa.

Boo-laakalaali 2:3

Má bɔ ma foo ne, máa man die n din koe duvɛ̃ la. A ma yii toa kɔɔ̃nɛ, má n sii doɛ̃, máa man die n gɔn parɛɛ gàãnaabaa ganaa, yǎa ma doɛ̃, sii mɛn bɛ́ siĩni, minbuiin nɛn nə zɛnaa ǹ yiikoonaabaa biikoo li, kanaa kɛ nɛ.

Matiə 19:17

Yezu tɔ́n pɛ nɛ: «Wàa na á baa n tá nɔ̀n diɛ ma la sii sonbore wɔ gɔn la? Min goon dinsɔɔ̃ n siĩni, bɛ n ka Lawa nɛ. Bɛ̀ n tá li n nyin nyabaã yɛ, Lawa a dí-pɛn tamaa.»

Marki 8:35

A giala, min mɛn bɛ́ giɛ a din nyin li, bɛa dɛnaa nyin tá re nyɛɛ. Sɛnɛ, min mɛn nyin bɛ́ re nyɛɛ masɛ laanka Boo Tii Kɔɔ̃n kɛ taman yii, bɛa dɛnaa nyin tá re goɛ̃.

Zaã a sɛ́wɔ 1:47

Yezu ga Natanayeli ganaa die a li, á tɔ́n pɛ a wɔ gɔn la: «Izirayeli min taãn goon nə́ ke, kɔkɔrɔbaa ná a ba a wɔlɔ li wa.»

Zaã a sɛ́wɔ 12:25

Bɛ̀ min mɛn yii á boe a din ganaa wa, bɛa dɛnaa á die bɔ̀n biɛ. Sɛnɛ, bɛ̀ min mɛn nə́ n yii bɔ a din ganaa kanaa kɛ gɔ́ɔ̃ nɛ, bɛa dɛnaa á die nyin nyabaã yii.

Timəə dí-pɛn 32:47

A giala, boo kɛ lɛ bie boo kooro lɛa wa. Boo kɛ lɛ, ka nyin biɛ nɛ. Bɛ̀ ká si, ka bɛ́ re Zurdɛ̃ tà kuri, ka wɔ gána mɛn lɛ nɛ ka si ka baa kaa wɔ lɛa, ka á re nyin sasa yii a nɛ.»

Zaaki 1:26

Bɛ̀ min pɛ mà a n Lawa a zii tɔ we, a lɛ dɔ ná a kuĩ wa, bɛa dɛnaa na a din bebele, a Lawa a zii tɔ-we lɛ n kooro lɛa.

Piɛrɛ1 2:1

Haya, ka baraabaa tɔrɔ tumaa kaa, ka soɛ tɔrɔ tumaa nɛ, ká bɔlɔ paa pɛ tɔrɔ tumaa nɛ. Ka foo wuu pɛ kaa, ká kɔn tɔ ziziɛ̃ nɛ.

Piɛrɛ1 2:22

Asɛ sii baraa zɛnaa wa, boo kɔkɔrɔ kɔ́n bɔ a lɛ-n wa.

Sii-nyaan 14:5

Min kɔ́n nə ǹ yɛ soɛ boe haalɛ pinin goon wa, sɔ̀n baraa kɔ́n goã ǹ ganaa wa.