Piɛrɛ1 3:1 - LAWA A BOO SONBORE

¹ Kasɛn dɔn lɔn lɛn, ka dɔn nə ka zuũn bɔlɔ si a din yɔrɔ kɛ lɛ la, màn mɛn bɛ́ toɛ, ta ǹ tɛnɛn manə n piɛ̃, mà ǹ ba golee Lawa a boo li wa, ǹ lɔn tɔ wɔ ǹ gɔn dinsɔɔ̃ nə ǹ kũ, bɛ̀ boo diɛ ná a ba a-n dinin wa.

LAWA A BOO SONBORE 2011

¹ Kasɛn dɔn lɔn lɛn, ka dɔn nə ka zuũn bɔlɔ si a din yɔrɔ kɛ lɛ la, màn mɛn bɛ́ toɛ, ta ǹ tɛnɛn manə n piɛ̃, mà ǹ ba golee Lawa a boo li wa, ǹ lɔn tɔ wɔ ǹ gɔn dinsɔɔ̃ nə ǹ kũ, bɛ̀ boo diɛ ná a ba a-n dinin wa.

Piɛrɛ1 3:1 Iomraidhean Croise

Siin Giala 3:16

Á tɔ́n pɛ lɔ dɔ nɛ kɛnɛn: «Bɛ̀ ń tá nɔ̀ nɛ ǹ mɛn waáraa, má á re màn diɛ n nɔmaa li, n tá re nɛ yii ka là paparɛɛ nɛ. Giã kun ka n zuũ-n tá re goɛ̃ wɛ̃ nɛ n ganaa, sɛnɛ, n zuũ n die goɛ̃ n mìi la.»

Suusun 11:30

Min pepere a nya ǹ dín man ka yiikoonaabaa ǹ da bɛ́ lɔn, Sii-dɔ̃li n yiikoonaabaa koe.

Suusun 18:19

Dɔɔ̃n mɛn bɛ́ ń sii la la, a dɔmali á kaka á la kiwi mɛn bɛ́ ǹ nə́ kungɔn pɛnɛ a ganaa. Zia dɔ n foo soɛ, ka goo nɛ á ke kiɛnlɛ soɛ lɔn.

Matiə 18:15

«Bɛ̀ n dɔɔ̃n nə́ wɔ n zɛ̀rɛ nɛ, wo dɔ a li, n dinsɔɔ̃ ka a dinsɔɔ̃, n na a sã pɛ nɛ. Bɛ̀ a ná a zɛ̀rɛ si, a na á wusoo á n dɔɔ̃n baa.

Rɔmu minin 10:16

Sɛnɛ, min tumaa golee Boo Tii Kɔɔ̃n lɛ li wa. Sonbore, Izayii pɛ bɛ wɔ gɔn la: «Dɛnaa, die na á golee wɔsɛn boo diɛ li?»

Rɔmu minin 6:17

Ka daa wɔ barka da Lawa nɛ. Ka n ká goã sii baraa a bɛ̀rɛn lɛa lɛlɛ, sɛnɛ, daraa ke á n kɔ ka la, sii yɔrɔ sonbore mɛn bɛ́ a nɛ, ká bɛ si ka ka foo din tumaa nɛ.

Rɔmu minin 7:2

Bɛa yɔrɔ kɛ la, bɛ̀ lɔ wɔ giĩ li, dí-pɛ na á tan, a nə́ ǹ doɛ kɔn yǎa giĩ lɛ giɛ̃. Sɛnɛ, bɛ̀ giĩ lɛ gã, doa-kɔn-a ǹ dí-pɛ ba lɔ lɛ mìi-n doo wa.

Korɛnti1 11:3

Sɛnɛ, ma tá li máa ka kɛ dɔ dɔ̃: Giĩ tumaa a mìilandɛnaa n ka Krita nɛ, lɔ a mìilandɛnaa n ka giĩ ni, Krita a mìilandɛnaa n ka Lawa nɛ.

Korɛnti1 14:34

Ka a bɛ́ n zɛnɛɛ Lawa-nyankɔlen bii Lawa a sɔmɔ tumaa-n lɔn, lɛsɔkɔn bǎã nɛ, lɔn ba kɔnboe ǹ boo da wa. Ǹ na a lɛ kɔ, mà ǹ boo da wa. Ǹ doamaa nɛ ǹ goã lɛ-kɔlen lɛa, ka Lawa a Landa sɛ́wɔ dɔ bɛ́ pii lɔn.

Korɛnti1 7:16

Nsɛ Lawa-nyankɔle lɔ dɛnaa lɛ, ma n siɛ lɔn n tɔn dɔ̃, mà n tá re n zuũ kirisibiɛ? Nsɛ Lawa-nyankɔle giĩ dɛnaa lɛ, ma n siɛ lɔn n tɔn dɔ̃, mà n tá re n lɔ kirisibiɛ?

Efɛɛzi minin 5:33

Ta á n baa lɔn, ka gogoonmaa doamaa nɛ, a na a lɔ narɛ ka a bɛ́ a din narɛ lɔn, lɔ gogoonmaa dɔ doamaa nɛ a ǹ zuũ guguru kɔ.

Kolɔɔsi minin 3:18

Lɔn lɛn, ka ka zuũn lɛ si, ká a doamaa bɛ́ a n zɛnaa lɔn, bɛ̀ ka á kaa-n kun ka Dɛnaa nɛ.

Kolɔɔsi minin 4:5

Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Ebrəə 11:8

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 3:2

A giala, ǹ tá re kaa tɔ wɔ ǹ gɔn sonbore kɛ yii, ka ǹ dininmaan lɛn dɔn guguru kɔ ǹ gɔn kɛ nɛ.

Piɛrɛ1 3:7

Kasɛn dɔn, giĩn lɛn, a din yɔrɔ kɛ lɛ la, ka dɔn nə goã kun kaa lɔn nɛ, ka n doɛ̃ mà pàã ba ǹ lon ka kaa wɔ bɛ́ lɔn wa. Ka ǹ guguru kɔ, a giala, ǹ dɔn doamaa nɛ, ǹ Lawa a bǐɛ̃baa ǹ nyin nyabaã kɛ lɛ yɛ kun ka nɛ. Ka zɛnaa miɛ̃, màn mɛn bɛ́ toɛ, màn kɔ́n baran ka sàabaa Lawa-nyankɔ ganaa wa.

Piɛrɛ1 4:17

Sonbore, kiri lɛ a wɔ giala-kɔ biikoo dɔ, a n die n giala koe Lawa a zaman lɛ din ganaa. Haya, bɛ̀ á re n giala koe wɔ dinin ganaa, minin mɛnɛn bɛ́ n piɛ̃ ka Lawa a Boo Tii Kɔɔ̃n lɛ nɛ, ǹ nə́ ǹ ba golee li wa, bɛn wɔa giala-nyɔmiɛ á die baraa koe!