Piɛrɛ1 2:6 - LAWA A BOO SONBORE

⁶ A giala, Lawa a boo n pii: «Bɛ lɛ nɛ man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n foo doa a ganaa, bɛa dɛnaa a re bìn diɛ wa.»

LAWA A BOO SONBORE 2011

⁶ A giala, Lawa a boo n pii: «Bɛ lɛ nɛ man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n foo doa a ganaa, bɛa dɛnaa a re bìn diɛ wa.»

Piɛrɛ1 2:6 Iomraidhean Croise

Siin Giala 49:24

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.

Loen 40:14

Dɛnaa Lawa, bǐɛ̃ kɔ n ma kirisibaa! Dɛnaa Lawa, da n dɔ ma lɛ fufuu!

Loen 89:19

Dɛnaa Lawa, n din nə ń wɔ tamaali kɛ kɔ wɔ la, Izirayeli a Lawa sonbore, n din nə ń kii kɛ koa wɔ mìi la.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 41:11

Á ke, min mɛnɛn tumaa lɛ bɛ́ n li, bɛn wɔ n ka sìi ni ka tɔ ziziɛ̃ nɛ. Min mɛnɛn bɛ́ kɔn-a n nɛ ka zia nɛ bɛn tá re màn kooro biɛ, ǹ tá re papaɛ̃.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Izayii 50:7

Dɛnaa Lawa n die maa gú ganaa, bɛ lɛ nɛ, ma yii puusə kɔ wa. Bɛ lɛ nɛ, má n yɔrɔ laa ka kɔlɔ bɛ́ lɔn, ma á doɛ̃ máa sìi á ma kuĩ wa.

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Zakarii 10:4

Kiã tɔrɔ tumaa n die boe Zudaa gána nɛ, pàã nə́ ǹ tɛnɛn lon ka kion giala daa ǹ kɔlɔn bɛ́ lɔn, ǹ tɛnɛn nə́ paraa-n tán ka zìã kion a kiɛn bɛ́ lɔn, gialakunun man kaka ka ziabaa ǹ sa bɛ́ lɔn.

Matiə 12:18

«Masɛ din Lawa a dí-nyali n ka kɛ nɛ, má bɔ. Man bɛ lɛ narɛ, a sii á kɔɔ̃n ma ganaa. Man die ma din a Yiri Fu koe la. Á die ma foo sii boo diɛ tɔrɔn tumaa nɛ.

Marki 12:10

Sàabaa ba la wa, ka boo kɛ pɛ Lawa a sɛ́wɔ-n wa? A n pii: «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa.

Luku 20:17

Sɛnɛ, Yezu ga ǹ ganaa á pɛ: – Lawa a boo lɛ a paǹ kɛ n wàa mɛn giala pii: «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na a wusoo á kɛ gùrù dɔ ǹ kɔlɔ baa?»

Luku 23:35

Zaman lɛ na á goã golee ne giɛ. Pàã a goledɛnan kɛn sɛn man nə́ goã yaa we bɛ̀ ǹ nə́ pii: «Ń min kɔsɔn nyin si, n din wɔ si sisia kəni, bɛ̀ Nyin-sili kɛ lɛ Lawa n die diɛ, Lawa din a min boe lɛ, bɛ̀ n tá bɛ lɛa sonbore!»

Zaã a sɛ́wɔ 7:38

Bɛ̀ min mɛn golee masɛ li, yiikoonaabaa kɔ ǹ mu á die bɛa dɛnaa foo basɛ̃, min kɔsɔ dɔ wɔ bǐɛ̃ kɔ a gɔ́ɔ̃ nɛ, ka mu bɛ́ n toɛ tà nɛ, a baa si a wo bǎã kɔsɔ dɔ bǐɛ̃ kɔ lɔn. Lawa a boo na á pɛ miɛ̃.»

Nya ǹ dín 1:16

– Ma dɔɔ̃nɔn lɛn, Lawa a boo saa lɛlɛ á màn mɛn da Zudaasi wɔ gɔn la, a na á n baa pàã lɛa bɛ lɛ pã. Zudaasi mɛn Yezu kũlin nyɛɛnaan bɔ, Yiri Fu na á wɔ Davida lɛ-n, á bɛ lɛ boo da.

Rɔmu minin 10:11

A giala, Lawa a boo n pii: «Min woo min, á n foo doa Lawa ganaa, sìi á re bɛa dɛnaa kuĩ wa.»

Efɛɛzi minin 1:4

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Timote2 3:16

Lawa a boo-kiɛ̃ tumaa n boe Lawa din li. Bɛa boo lɛ a là n ka kɛ nɛ: a n min darɛɛ a sonbore a woo ǹ bǎã dɔ̃, a n piã ka soɛ nɛ, a n din doroo, a na a zɛnaa ǹ sii tele.

Piɛrɛ1 2:4

Ka n mɔrɔ Dɛnaa lɛ ganaa. A din lɛ n kɔlɔ yiikoonaa lɛ lɛa, minin nə́ n piã nɛ, sɛnɛ, a din lɛ-n Lawa bɔ, á n soɛ kɔlɔ tumaa nɛ a yɔrɔ-a.

Piɛrɛ1 2:8

Ka bɛ dɔ-n doo, gòã na ma ganaa ǹ kɔlɔ nɛ, minin daa ǹ gɛ̀fu ni.» Golee Lawa li baãnaan lɛn manə n gòã niɛ a ganaa, a giala, ǹ nə́ n piã, ǹ ba golee Lawa a boo li wa. Lawa na á bɛ lɛ yɔrɔ bɔ ǹ lɛa lɛlɛndun.

Piɛrɛ2 1:20

Bibinaa nɛ, ka dɔ̃, mà min kɔn ba boe la a Lawa a boo gii yɔrɔ pɛ a din li wa.

Piɛrɛ2 3:16

A n bɛ lɛ pii a sɛ́wɔn tumaa nɛ bɛa siin lɛn wɔ gɔn la. Sonbore, a sɛ́wɔn lɛn nɛ, bǎã kakan tɛnɛn tan minin kɔnɔn nə́ ǹ boo giala kɔkɔrɔ. Bɛa minin kɛn lɛn man sii giala ma baãnaan lɛa ka foo-doa baãnaan nɛ. Maǹ bɛa dí kɛ lɛ nyɛɛ Lawa a boo lɛ a paǹ gialakunun kɛn dɔn ganaa. Ǹ dinin bɔ̀n-baa ǹ dí ni.