Piɛrɛ1 1:13 - LAWA A BOO SONBORE

¹³ Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

LAWA A BOO SONBORE 2011

¹³ Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Piɛrɛ1 1:13 Iomraidhean Croise

Kiin1 18:46

Dɛnaa Lawa pàã kɔ Yilii la, á n binbin yii, á giã Akaabu nyɛɛnɛ, á baa si yǎa Zizereyɛli kiwi.

Kiin2 4:29

Yiliizee pɛ Geazi ni: «Yoo n nə n binbin kũ, n maa bàlà lɛ saa n gɔn, n woo! Bɛ̀ ń nə n da min lɛ, n baran fòo da ǹ dɛnaa-n wa. Bɛ̀ min fòo da n nɛ, n baran ǹ dɛnaa lɛ si wa. N die n maa bàlà lɛ da nɛnyaan lɛ yɔrɔ la.»

Zɔbu 38:3

N bii yii kəni, n golee giĩbaa la, man die nɔ̀n diɛ n la, nsɛ masɛ daraa!

Zɔbu 40:7

«N bii yii, n golee giĩbaa la, man die nɔ̀n diɛ n la, nsɛ masɛ daraa kəni!

Bɔ bɛ̀rɛbaa nɛ 12:11

Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»

Izayii 11:5

A n die n binbin kuĩ ka peperebaa nɛ a n binbin yii ka bɔlɔgoondɛnaabaa nɛ.

Zeremii 1:17

Nsɛ Zeremii, n yɔrɔ bɔ kəni. Yoo! Ma bɛ́ re boo mɛn tumaa diɛ n nɛ, n wo ǹ pɛ. N nyan toa nyɛ́ɛ nə n gɔ̀nɔn bìn da ǹ yɔrɔ-a wa. Bɛ bie wa, masɛ din nə die n gɔ̀nɔn diɛ bìn diɛ ganaa ǹ yɔrɔ-a.

Matiə 20:4

Á tɔ́n pɛ ǹ nɛ: «Ka dɔn nə wo dí nya maa wuru-n, màn mɛn bɛ́ kɔnpii kaa saraa nɛ, ma á die bɛ koe ka la.»

Luku 12:35

«Ka n yii dɔraa ka koa, ka kaa bolonən toa kuĩ.

Luku 17:30

A n die n biɛ miɛ̃ Min a Nɛgiĩ a daa pinaa.

Luku 17:8

Haayii! Ka dɔn min kɔ́n ba bɛ zɛnɛɛ wa. Bɛa dɛnaa lɛ n pii dí-nyali lɛ nɛ, mà a na asɛ a màn-bii boso bɔrɔ, a n yɔrɔ bɔ a kɔ asɛ la. Bɛ kio a dɔ á boe la a màn bii.

Rɔmu minin 13:13

Ka daa wɔ tɔ pepere wɔ, ka wɔlɔ fúlu minin bɛ́ zɛnɛɛ lɔn. Ka daa wɔ n parabaa ka màn dadaran bii laanka yɔ mii baraa nɛ, ka naarɛbaa laanka kɔkɔrɔbaa nɛ, ka zia laanka foo a wuu pɛ minin li ni.

Rɔmu minin 8:19

Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

Korɛnti1 1:7

Yiri Fu a bǐɛ̃baa ǹ mànan kɛn kɔ́n nyaabaa ka li wa. Bɛ lɛ na á toa, ka tá n yii diɛ ka foo-doa nɛ, wɔa Dɛnaa Yezu Krita a da a din nyaa kɛ la.

Korɛnti1 13:13

Kanna kəni, sii sɔɔ kɛ na a tan, goleemali ni, foo-doa nɛ, kɔn-narɛɛ nɛ, sɛnɛ, kɔn-narɛɛ n gole ǹ tumaa nɛ.

Efɛɛzi minin 6:14

Ka n yɔrɔ bɔ ka n koa kəni: ka sonbore yii ka bɔsɔ̃ maabɛlɛ lɛa, ka peperebaa wɔ ka ganaa ziabaa ǹ dɔnkɛ lɛa.

Kolɔɔsi minin 3:4

Krita mɛn bɛ́ kaa yiikoonaabaa taãn-taãn lɛ lɛa, bɛ̀ bɛ lɛ daa n din nyaa ǹ mɛn pinaa, ka dɔn tá re yii kun a din ni gugurubaa nɛ.

Tesaloniki2 1:7

Sɛnɛ, kasɛn mɛnɛn bɛ́ nɔmaa we sisia, á re susui koe ka la, kun ka wɔsɛn nɛ. Bɛ á re n zɛnɛɛ Dɛnaa Yezu a daa pinaa. Á re n din nyɛɛ kun ka a dia dí-a wole pàãdɛnan kɛn nɛ.

Timote2 4:5

Sɛnɛ, nsɛ toa n boo n din la sii tumaa gɔ́ɔ̃ nɛ, n nɔmaa si n ganaa, n Boo Tii Kɔɔ̃n kɛ pɛ, n nə n Lawa a dí nya a yɔrɔ li sɔnbɔraanɛ.

Timote2 4:8

Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.

Ebrəə 10:35

Haya, ka baran toa ka n gɔn bɔ kaa foo-doa kɛ ganaa wa, a saraa ǹ màn tá gole.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 6:19

Bɛa foo-doa kɛ lɛ n wɔ kuĩ, á golee wɔ-n sɔnbɔraanɛ. A na á Lawa a kion bii kuru kɔn-a ǹ mɔnaa kɛ bii wɔsɔ lon gɔ́ɔ̃ nɛ, á kiɛ̃ á wɔ kion nyɛɛnaan sonbore kɛ nɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ1 1:10

Lawa bǐɛ̃ mɛn yɔrɔ bɔ á koa ka nɛ, a boo gii-dalin nə́ boo da bɛ wɔ gɔn la. Ǹ nə́ ga kirisibaa kɛ lɛ a sii giala li, ǹ nə́ gɔgɔsɛ mà ǹ na a giala ma.

Piɛrɛ1 3:15

Sɛnɛ, ka toa *Krita goã kaa Dɛnaa lɛa, ka bǎã kɔ a dinsɔɔ̃ la ka foo ne. Ka n yɔrɔ bɔ biikoo tumaa li ka koa, foo-doa mɛn bɛ́ ka lon, bɛ̀ minin tá nɔ̀n diɛ ka la bɛ wɔ gɔn la, ka toa ka a yɔrɔ sonbore nyaa ǹ nɛ.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Zaã1 3:3

Bɛa foo-doa kɛ miã bɛ́ min mɛn nɛ Krita a lɛa, bɛ nə n din *yoreen koe, ka Krita bɛ́ yoreen lɔn.