Piɛrɛ1 1:11 - LAWA A BOO SONBORE

¹¹ Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.

LAWA A BOO SONBORE 2011

¹¹ Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.

Piɛrɛ1 1:11 Iomraidhean Croise

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Matiə 26:24

Min a Nɛgiĩ á re giɛ̃, ka a bɛ́ á n kiɛ̃ a wɔ gɔn la Lawa a boo-n lɔn. Sɛnɛ, min mɛn bɛ́ re Min a Nɛgiĩ we a zɔ́ɔn gɔn, bɛa dɛnaa wɔ n ka bɔ̀n nɛ! Bɛ̀ n dɛnaa din na a yɛ wa, bɛ á soɛ a ganaa!»

Luku 24:44

Bɛ kio á pɛ ǹ nɛ: «Á ke man má goã má boon kɛn pɛ ka nɛ, bɛ̀ ma bɛ́ kun ka nɛ. Màn mɛn tumaa nə n kiɛ̃ masɛ wɔ gɔn la Muizu a dí-pɛn sɛ́wɔ nɛ, Lawa a boo gii-dalin wɔn nɛ, ka Loen sɛ́wɔ nɛ, yǎa bɛ lɛ tumaa lɛ piɛ̃.»

Zaã a sɛ́wɔ 12:41

Izayii na á kɛ lɛ pɛ Yezu wɔ gɔn la, a giala á goã á Yezu a gugurubaa yɛ.

Nya ǹ dín 16:7

Ǹ bɛ́ ǹ nə́ dɔ Miizii lɛkoro-a, ǹ ná a lɛn zɔɔ̃ mà maǹ woe Bitinii gána nɛ, sɛnɛ, Yezu a Yiri Fu toa ǹ nə́ woo wa.

Rɔmu minin 8:9

Sɛnɛ, kasɛn ba koe gɔ̀nɔn foo siin lɛ wa, ka ǹ tɔ we á kɔnpii ka Lawa a Yiri Fu dùũ siin ni, bɛ̀ á daa yaa bɛ̀ Lawa a Yiri Fu lɛ tá ka li sonbore. Bɛ̀ Krita Yiri kɛ ba min mɛn li wa, bɛa dɛnaa ba a wɔ lɛa wa.

Galaasi minin 4:6

Wɔ bɛ́ na a nɛ taãnan lɛa, bɛ lɛ nɛ, Lawa ná a Nɛgiĩ Yiri dia wɔ foo ne. Bɛ lɛ n pii wɔ gɔ́ɔ̃ nɛ mà "Wɔa Díi".

Piɛrɛ2 1:21

A giala, Lawa a boo gii kɛ lɛ kɔ́n bie boe minbuiin nɛ dùũ-n wa. Sɛnɛ, Yiri Fu na á minin nyɛɛnaan bɔ, ǹ nə́ Lawa wɔ gii lɛ da.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.