Piɛrɛ1 1:1 - LAWA A BOO SONBORE

¹ Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.

LAWA A BOO SONBORE 2011

¹ Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.

Piɛrɛ1 1:1 Iomraidhean Croise

Loen 44:11

N din nə́ ń toa, wɔ́ baa si wɔa zɔ́ɔn kɛn nyɛɛnɛ. Min mɛnɛn bɛ́ wɔ biɛ zɔ́ɔ, bɛn nə́ wɔ gɔn màn yii goa.

Ezekieli 6:8

Sɛnɛ, ma á re toɛ ka gialakun nə goã zia lɛ kio, ma bɛn pɛsɛ̃ gána kɔsɔn nɛ.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Matiə 10:2

A dia dí-a wole fulupaa lɛn tɔn nə́ ke: Simɔn nɛ bɔrɔ (ǹ bɛ́ ǹ mɛn bíi Piɛrɛ) ka ǹ dɔɔ̃n Andre ne, Zaaki laanka ǹ diɛ̃ ZAÃ nɛ, Zebedee a nɛnyaanan man bɛn nɛ,

Matiə 24:22

Bɛ̀ Lawa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, a min mɛnɛn yii gɔgɔɔ̃, a n die màn boe lɛawaan lɛn lɛ bɛn lɛn taman yii.

Matiə 4:18

Yezu bɛ́ kiɛ̃ Galilee tà lɛ-a, á dɔɔ̃ngiĩ min paa yɛ, ǹ nə́ zɔ̀-kũlin lɛa: Ǹ bɛ́ Simɔn mɛn bíi Piɛrɛ, bɛ laanka ǹ dɔɔ̃n Andre ne. Maǹ nə́ goã zɔ̀ɔ zuĩ tà mu li, ǹ nə́ zɔ̀ kuĩ.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Zaã a sɛ́wɔ 11:52

Ǹ dininsɔɔ̃nɔn lɛa bie wa, sɛnɛ, a doamaa nɛ a gã, màn mɛn bɛ́ toɛ, Lawa a nɛnyaanan mɛnɛn bɛ́ sasawaa nɛ, á bɛn dɔn kaa kun, á ǹ tumaa baa goon.)

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Nya ǹ dín 18:2

Á kaa Zuifu goon lɛ walan, a tɔ n Akilaasi, Pɔn gána min ni. A na á bɔ Italii gána-n sisia, á daa kun ka a lɔ Prisili ni. Sonbore, kii gole gole Klodo na á goã á pɛ, mà Zuifun tumaa soo ǹ nə n bɔ Rɔmu kiwi. Pooli woo bɛa giĩ kɛ lɛ laanka a lɔ li.

Nya ǹ dín 18:23

Á biikoo kɔ́n zɛnaa walan, bɛ kio, á wusoo á zii kũ doo, á woo Galaasi gána nɛ ka Frizii gána nɛ, bɛ̀ a ǹ Lawa-nyankɔlen foo taã.

Nya ǹ dín 19:10

Bɛa sii kɛ lɛ ná a n zɛnaa yǎa lɛ̀ paa, bɛ lɛ na á toa, Azii gána minin tumaa, a Zuifun laanka a Grɛkin ni, ǹ tumaa Dɛnaa a boo kɛ ma.

Nya ǹ dín 6:9

Sɛnɛ, bɛa siin kɛn lɛn zɛnaa gɔ́ɔ̃ nɛ, liere wɔ Itian laanka minin kɔnɔn bii ni. Ǹ tɛnɛn man boe lɛsɔkɔn kion kɔ́n nɛ, ǹ nə́ bíi mà Bɔ Bɛ̀rɛbaa-n Wolen lɛsɔkɔn kion, gialakunun man Sirɛni gána minin lɛa, ka Alɛksandrii kiwi minin ni, kɔsɔn dɔn man Siliisii laanka Azii gána minin lɛa.

Nya ǹ dín 8:4

Sɛnɛ, ǹ minin mɛnɛn sasawaa ke, bɛn ma nə́ goã n bibiĩ, bɛ̀ ǹ nə́ Yezu a boo kɔɔ̃n kɛ pii.

Korɛnti1 16:19

Azii a Lawa a sɔmɔ minin tá fòo diɛ ka nɛ. Akilaasi laanka Prisili ni, ka minin mɛnɛn bɛ́ n soe kɔn Lawa a sɔmɔ lɛa ǹ kion, bɛn dɔn tá fòo diɛ ka nɛ Dɛnaa wɔ gɔ́ɔ̃ nɛ.

Korɛnti2 1:8

Ma dɔɔ̃nɔn lɛn, taãn nɛ, man giɛ li, máa ma fuu mɛn yɛ Azii gána nɛ, máa ka bɛ dɔ̃. Fuu lɛ la ma yii ni, á kiɛ̃ ma pàã yii la, ka ma daa ma pɛ, máa man die giɛ̃.

Galaasi minin 1:2

Dɔɔ̃nɔn mɛnɛn tumaa bɛ́ kànaa kun ka masɛ nɛ, wɔ n fòo diɛ kasɛn Galaasi gána a Lawa a sɔmɔn manɛ.

Efɛɛzi minin 2:12

Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

Efɛɛzi minin 2:19

Bɛ lɛ a lɛa, ka tɔrɔ kɔsɔn lɛn bie tiin lɛa doo wa, ka bie gùlin dɔn lɛa wa. Sɛnɛ ka ǹ kɛnaan lɛa, kun ka Lawa a zaman kɛ nɛ, ka ǹ Lawa a sɔmɔ wɔn lɛa.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Timəə dí-pɛn 32:26

A na á goã ma gɔ́ɔ̃ nɛ: ma ǹ dɛ, ma ǹ pɔpɔsɛ, ma ǹ sii bɔ ma bɔ minbuiinin taasiɛ nɛ.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.

Timote2 1:15

N tá doɛ̃ mà Azii gána minin tumaa ma tii. Fizeli laanka Ermozɛnɛ á kun ka maa tiilin lɛn nɛ.

Ebrəə 11:13

Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»